វៀតណាម ៖ មេដឹកនាំមានអំណាចបំផុតរបស់ប្រទេសវៀតណាមបានអំពាវនាវឲ្យមានសាមគ្គីភាពកាន់តែខ្លាំងក្នុងចំណោមបណ្តាប្រទេសនៅអាស៊ីអាគ្នេយ៍នៅពេលដែលប្រទេសនេះហាក់ដូចជាឯកោ ខ្លាំងក្នុងការប្រឈមនឹងការទាមទារទឹកដីរបស់ ចិននៅក្នុងសមុទ្រចិនខាងត្បូង។
ដោយសម្គាល់ជាដំណើរទស្សនកិច្ចលើកដំបូងដោយមេបក្សកុម្មុយនីស្តវៀតណាមទៅកាន់ប្រទេសឥណ្ឌូនេស៊ី លោក Nguyen Phu Trong បាននិយាយនៅក្នុងសុន្ទរកថាមួយដែលផ្សាយតាមទូរទស្សន៍កាលពីថ្ងៃពុធថា សមាគមប្រជាជាតិអាស៊ីអាគ្នេយ៍ចាំបាច់ត្រូវបង្រួបបង្រួមគ្នាក្នុងការដោះស្រាយជម្លោះដែនដី។ លោកបានលើកឡើងថា “កុំឲ្យអាស៊ានក្លាយជាល្បែងសម្រាប់ការប្រកួតប្រជែងក្នុងចំណោមបណ្តាប្រទេសធំៗ”។
ប្រទេសវៀតណាមបានក្លាយជាគូប្រជែងខាងពាក្យសំដីធំបំផុតលើការអះអាងរបស់ចិននៅសមុទ្រចិនខាងត្បូងដែលជាទូទៅមានការធ្វើពាណិជ្ជកម្មជាង៣ពាន់លានដុល្លារជារៀងរាល់ឆ្នាំ។
ចំពោះភាពមួម៉ៅរបស់ចិន ប្រទេសវៀតណាមបានសង្កត់ធ្ងន់ក្នុងកិច្ចប្រជុំអាស៊ានមួយនៅខែនេះសម្រាប់ការលើកឡើងនៅក្នុងសេចក្តីថ្លែងការណ៍មួយដែលបានកត់សម្គាល់អំពីការព្រួយបារម្ភលើការកសាងកោះនិងរិះគន់ទៅលើការធ្វើយោធាភាវូនីយកម្មនៅសមុទ្រចិនខាងត្បូង។
សម្ពាធរបស់ចិនបានបង្ខំឲ្យវៀតណាមបញ្ឈប់ការខួងប្រេងកាលពីខែមុននៅក្នុងប្លុកប្រេងវៀតណាមដែលចិនបានអះអាង។ ក្រុងប៉េកាំងក៏មានការខឹងសម្បារផងដែរដោយសារការបង្កើនទំនាក់ទំនងផ្នែកការពាររបស់វៀតណាមជាមួយសហរដ្ឋអាមេរិក ជប៉ុននិងឥណ្ឌា។
ប្រទេសក្នុងតំបន់អាស៊ីអាគ្នេយ៍ខ្លះមានការប្រុងប្រយ័ត្នអំពីលទ្ធភាពណាមួយដែលអាចកើតមានរបស់ក្រុងប៉េកាំងដោយប្រកាន់កាន់ជំហររឹងមាំលើសមុទ្រចិនខាងត្បូង។
គួរបញ្ជាក់ថា បន្ទាប់ពីប្រទេសឥណ្ឌូនេស៊ី លោក Trong នឹងទៅបំពេញទស្សនកិច្ចនៅប្រទេសមីយ៉ាន់ម៉ា៕