ដើម្បីឆ្លើយតប និងការត្រៀមចូលសមាហរលាកម្មអាស៊ានខាងមុខនេះ ស្របនិងកម្លាំងពលករ កម្ពុជា ដែលមិនទាន់មានជំនាញជាក់លាក់ សមស្របនិងទីផ្សារការងារ ធ្វើឲ្យវិស័យការងារនិងបណ្តុះ បណ្តាលវិជ្ជាជីវៈ មិនអាចខ្វះបានពោលគឺ វិស័យនេះមានតួនាទី សំខាន់ក្នុងការអភិវឌ្ឍន៍ធនធាន មនុស្ស ឲ្យស្របតាម តម្រូវការទីផ្សារការងារ ពិសេសការសហការផ្តល់នូវការអភិវឌ្ឍន៍បចេ្ចកវិទ្យាថ្មីៗ សំរាប់ជាទីផ្សារក្នុងតំបន់។
នេះជាសុន្ទរកថា របស់លោកស្រី júwk sutula អភិបាលរងខេត្តបាត់ដំបង ថ្លែងក្នុងពិធីបើក សិក្សាសាលាស្តីពីការពិភាក្សា និងផ្សព្វផ្សាយពីការបណ្តុះបណ្តាល សញ្ញាប័ត្របច្ចេកទេស និងវិជ្ជាជីវៈ ក្រោមកម្មវិធី គម្រោងពង្រឹង វិស័យអប់រំបណ្តុះបណ្តាល បច្ចេកទេស និងវិជ្ជាជីវៈនៅវិទ្យាស្ថាន ពហុបច្ចេកទេសភូមិភាគ តេជោសែន បាត់ដំបងកាលពីថ្ងៃទី២១ ខែកក្កដា នេះ។
លោកស្រីបានបន្តទៀតថា សព្វថ្ងៃនេះដើម្បីទទួលស្គាល់លើកន្លែងពលកម្មមានគុណភាព និង ការចូលរួមប្រកួតប្រជែងជាមួយបណ្តាប្រទេសអាស៊ានបាន ទើបក្រសួងការងារ និងបណ្តុះបណ្តាល វិជ្ជាជីវៈបានរៀបចំឡើង លើកម្មវិធីសិក្សា ដែលមានលក្ខណៈ ស្ពានចម្លងបន្ត ជំនាញងាយស្រួលដល់ យុវជនដែលបោះបង់ការសិក្សាឲ្យមានលទ្ធភាព បន្តការសិក្សាបាន។
ដើម្បីអភិវឌ្ឍន៍ប្រទេសឲ្យមានការរីកចំរើន លុះត្រាតែធនធានមនុស្សមានសមត្ថភាព ព្រោះ សេដ្ឋកិច្ចប្រទេសមួយ មិនអាចរំពឹង លើវិស័យកសិកម្មតែមួយមុខបានទេ ត្រូវរួមផ្សំជាមួយ វិស័យជា ច្រើនទៀត ស្របពេលបច្ចុប្បន្ន ភាពរីកចំរើនលើវិស័យឧស្សាហកម្ម និងកំពង់តែប្រឈម និងការខ្វះ កម្លាំងពលកម្ម មានជំនាញ ទើបក្រសួងការងារបណ្តុះបណ្តាលវិជ្ជាជីវៈបានរៀបចំឡើង លើកម្មវិធី សិក្សាផ្អែកលើសមត្ថភាព និងការរៀបចំកម្មវិធីសិក្សាតាមក្របខ័ណ្ឌតុលាវុឌ្ឍិជាតិ។
ការបង្កើតប្រព័ន្ធតុលាវុឌ្ឍិជាតិ សំរាប់ប្រទេសកម្ពុជា គឺតម្រូវការឲ្យមាន ការទទួលយកក្រប ខ័ណ្ឌ គុណវុឌ្ឍិជាតិកម្ពុជា ដែលផ្តល់នូវគ្របខ័ណ្ឌរួមមួយសំរាប់ ធ្វើសមាហរលាកម្ម វិស័យអប់រំ និង បណ្តុះបណ្តាល និងអនុវិស័យផ្សេងៗទៀតឲ្យកាន់តែប្រសើរ។ ក៏ជាគោលនយោបាយនិងយុទ្ធសាស្ត្រ មួយក្នុងការធានា នូវគុណភាពអប់រំ និងបណ្តុះបណ្តាល ដែលធ្វើឲ្យលទ្ធផលសិក្សាលមានលក្ខណៈ ស្តង់ដា ច្បាស់លាស់ ព្រមទាំងមានការទទួលស្គាល់យ៉ាងទូលំទូលាយ នៅក្នុងសហគមន៍ជាតិ និង អន្តរជាតិ។
ជាចុងក្រោយលោកស្រីអភិបាលរងខេត្តបានបញ្ជាក់ថា តាមរយៈសិក្ខាសាលាទោះបីថាមាន រយៈពេលខ្ចី លោកស្រីនិងមានជំនឿថា សមាជិកពិតជាយល់ជ្រួតជ្រាប ចូលរួមសហការគាំទ្រលើកម្ម វិធីនេះ ដើម្បីអភិវឌ្ឍន៍សមត្ថភាពយុវជនក្នុងខេត្តបាត់ដំបងរបស់យើង៕
