ភ្នំពេញ៖ រដ្ឋបាលរាជធានីភ្នំពេញ កំពុងដំណើរការរៀបចំកែលំអរសួនច្បារនៅខាងលិច រម្មណីយដ្ឋានវត្តភ្នំ ចាប់ពីវត្តភ្នំរហូត ដល់មហាវិថីព្រះមុនីវង្ស ឲ្យកាន់តែស្រស់បំព្រងឡើង ដើម្បីលើកសោភណ្ឌ័ភាព និងទាក់ទាញភ្ញៀវទេសចរណ៏ ជាតិ អន្ដរជាតិឲ្យចូល មកទស្សនា នៅរាជធានីភ្នំពេញ កាន់តែច្រើន ឡើង ថែមទៀត ។
នាយកមន្ទីរសាធារណៈការ និងដឹកជញ្ជូនរាជធានីភ្នំពេញ លោកសាំ ពិសិដ្ឋ បានឲ្យដឹងនៅថ្ងៃទី ២៤ សីហានេះថា៖ សួនច្បារ នៅខាងលិចវត្ដភ្នំនេះ យើងបានដាំស្មៅ និងធ្វើការកែលម្អរួចម្ដងហើយ តែយើងក៏ត្រូវធ្វការកែលម្អបន្ថែមដោយ ដាំ កូនស្លា និងកូនត្នោតពណ៌ស រួមនិងកូនផ្កា ជាង១០០ ដើម មានដើម៖តែ.ផ្កាហុកគៀន.ស្លា.ស្លាកំប្រុក.ល្មើ.ត្នោតប្រាក់.ដកខឹម ជាដើមដោយចាប់ផ្តើមកែលម្អតាំងពីថ្ងៃទី២៣សីហាមក ។សួនច្បារខាងលិចវត្តភ្នំ ក៏ជាសួនច្បារមួយកន្លែងក្នុងចំណោមសួនជាច្រើនទៀតក្នុងរាជធានីភ្នំពេញដែលមានការពេញនិយមសំរាប់ភ្ញៀវទេសចរណ៏ជាតិ និងអន្តរជាតិមកលេងកំសាន្តស្រូបយកខ្យល់អាកាសដ៏បរិសុទ្ធ។ ជាមួយគ្នានេះ ក៏ជាទីពេញនិយមសំរាប់បងប្អូនប្រជាពលរដ្ឋមកហាត់ប្រាណផងដែរ ។
លោកបន្ដថា៖ ពីមួយថ្ងៃទៅមួយថ្ងៃ រដ្ឋបាលរាជធានីភ្នំពេញខិតខំកែលំអរសួនច្បារ រួមទាំងការដាំដើមឈើ,ដាំផ្កាលំអរសួន,ការរៀបការរឺឡាជាការពង្រឹងហេដ្ឋារចនាសម្ពន្ធ័តាមសួនច្បារឲ្យបានកាន់តែប្រសើរឡើងឆ្លើយតបទៅនឹងតំរូវការរបស់ប្រជាពលរដ្ឋលើផ្នែកបរិស្ថាន ក៏ដូចបន្ថែមក្រវ៉ាត់បៃតងក្នុងទីក្រុងឲ្យកាន់តែមានសោភណ្ឌភាពស្រស់បំព្រង និងទាក់ទាញពីភ្ញៀវជាតិ និងអន្តរជាតិសក្ត័ជាបេះដូងនៃព្រះរាជាណាចក្រកម្ពុជា៕