ភ្នំពេញ៖ លោកស្រី កែវ សុខពិសី អភិបាលរងរាជធានីភ្នំពេញ និងលោក ងី មានហេង ប្រធានមន្ទីរសុខាភិបាលរាជធានីភ្នំពេញ ព្រមទាំងអភិបាលរងខណ្ឌ បានបើកកិច្ចប្រជុំ ពិភាក្សារកវិធីដំណោះស្រាយ ដើម្បីលុបបំបាត់ ឪសថក្លែង ក្លាយ និងសេវាសុខាភិបាលខុសច្បាប់ នៅរាជធានីភ្នំពេញ ក្នុងគោលបំណង ជៀសវាងកុំឲ្យមានឱសថស្ថានណាមួយបើកអាជីវកម្ម ហើយបង្កហានីភ័យដល់ប្រជាពលរដ្ឋតែអាជ្ញាធរនៅមូលដ្ឋានបែជាមិនដឹងរឿងអ្វីទាំងអស់នោះ កិច្ចប្រជុំនេះ បានប្រព្រឹត្ដទៅថ្ងៃទី ២៣ ខែសីហា ឆ្នាំ ២០១៧ នៅសាលារាជធានីភ្នំពេញ ។
លោក ងី មានហេង បានស្នើសុំឲ្យមន្ដ្រីខណ្ឌនិងមន្ដ្រីពាក់ ព័ន្ធ ជួយសហការចុះត្រួតពិនិត្យឱសថស្ថាន, ឱសថស្ថានរង ណាដែលអត់ច្បាប់ បើកអាជីវកម្ម នៅក្នុងខណ្ឌរបស់ខ្លួន ជៀសវាងឱសថស្ថានទាំងនោះ បង្កធ្វើអាជីកម្ម គ្រោះថ្នាក់ ដល់អ្នកប្រើប្រាស់។ ។
លោកប្រធានមន្ទីរសុខាភិបាលរាជធានីភ្នំពេញបានបន្តថា៖ បច្ចុប្បន្ន មានឱសថស្ថាន ដែលកំពុង បើកអាជីវកម្ម មានច្បាប់ សរុបចំនួន ៨០៦ កន្លែង ។ កន្លងមក មន្ទីរបានចុះសើបអង្កេត និងតាមដាន សកម្មភាព បើកអាជីវកម្ម ចំពោះឱសថស្ថាន, ឱសថស្ថានរង ចំនួន ២៨១ កន្លែង នៅតាមបណ្ដាខណ្ឌនីមួយៗ រកឃើញ ឱសថហួស កាលប្រើប្រាស់៤២ មុខ ភាគច្រើនម្ចាស់ ឱសថស្ថានទាំងនោះ គេភ្ញាក់រលឹក បានប្រមូលទុក ដើម្បីប្រគល់ឲ្យភ្នាក់ងារយក មក មន្ទីរ រក្សាទុកនៅ មន្ទីរ ដើម្បីមន្ទីរសុខាភិបាល រៀបចំ យកទៅកំទេចចោល ។
នៅក្នុងកិច្ចប្រជុំនេះដែរ លោកស្រី រ៉ូ សាមី អភិបាលរង ខណ្ឌ ឬស្សីកែវ បានលើកឡើងថា៖ សមត្ថភាព ត្រឹមជាខណ្ឌ ចុះទៅអប់រំ ទៅឱសថស្ថាន ទាំងនោះ គាត់ពុំព្រមស្តាប់ និងធ្វើតាមការ ណែនាំ របស់អាជ្ញាធរនោះ ទេ ដោយគេយល់ថា សមត្ថភាព ត្រឹមខណ្ឌ គឺខុសមុខជំនាញ និងគ្មាន បច្ចេកទេសណា មកអប់រំ និងពន្យល់ទៅឱសថស្ថានរបស់គេ នោះទេ ដោយពួកគេ បានលើកហេតុផលថា សមត្ថភាពត្រឹមខណ្ឌ បាមត្រឹមរៀបចំសណ្ដាប់ធ្នាប់ សាធារណៈឲ្យបានល្អទៅបានហើយ កុំមកអប់រំដល់គ្រឹះស្ថាន ឱសថស្ថាន ទៀតអី ។
លោកស្រី កែវ សុខពិសី អភិបាលរងរាជធានីភ្នំពេញ ក៏បានបញ្ជាក់ថា៖ យើងត្រូវ រួមគ្នាចុះអប់រំ ទោះបី ឱសថ្ថាននោះ ប្រើពាក្យមិនសមរម្យ មកលើអាជ្ញាធរយើងយ៉ាងណាក៏ដោយ យើងត្រូតែព្យាយាមចុះពិនិត្រអំពីឪសថក្លែងក្លាយ និងសេវាសុខាភិបាលខុសច្បាប់ ត្រូវបន្ដចុះត្រួតពិនិត្រ ឪសថដែលនាំចូល និងពង្រឹង ការលក់ឪសថតាមផ្ទះ ដូចជាផ្ទះលក់ឪសថគ្មានច្បាប់ ចំពោះផ្ទះដែលមានច្បាប់ យើងត្រូវត្រួតពិនិត្យឪសថនោះអោយបានត្រឹមត្រូវ និងឪសថដែលមានការហួសកំណត់ប្រើប្រាស់ ពីព្រោះថាកត្តាទាំង នេះ វាអាចការបង្កគ្រោះ ថ្នាក់ដល់ប្រជាពលរដ្ឋនៅមូល ដ្ឋាន ។ លើលពីនេះទៀត ត្រូវចុះណែនាំ មានការផ្សព្វផ្សាយ អប់រំ ដល់ស្ថាប័នរនានា ឲ្យគេយល់ដឹងចូលរួម សហការ ក្នុងគោលបំណង លើកកម្ពស់សុខភាព ប្រជាពលរដ្ឋ និងធានា ឲ្យសហគមន៏មួយទទួលបានសេវា ប្រកបដោយគុណភាព ផ្នែកសុខាភិបាល ៕
