ល្ងាចថ្ងៃទី២២សីហា២០១៧ គឺជាថ្ងៃបិទបញ្ចប់នៃការប្រឡង ទុតិយភូមិ(បាក់ឌុប) ទូទាំងប្រទស ដែលបានប្រព្រឹត្តទៅចាប់ពីថ្ងៃទី ២១-២២សីហា២០១៧ តាមកាលបរិច្ឆេទរបស់ ក្រសួងអប់រំ យុវជន នងកីឡា ។
ដោយឡែក សំរាប់សកម្មភាពរបស់ក្រុមការងារ គណបក្សប្រជាជនកម្ពុជាចុះមូលដ្ឋានឃុំត្នោត ស្រុក កញ្ជ្រៀច ខេត្តព្រៃវែង ដែលដឹកនាំដោយលោក ឡុង ស្រេង រួមនិងសហការីបានខ្នះខ្នែងយកចិត្តទុកដាក់ ដោះស្រាយទាំងមធ្យោបាយធ្វើដំណើរ អាហារហូបចុក និងការស្នាក់នៅរបស់កូនចៅប្រជា ពលរដ្ឋដែលជាបេក្ខជនត្រូវចូលរួមប្រឡងបាក់ឌុប ចំនួន២៩នាក់មកពីស្រុកស្វាយអន្ទរនិងក្រុងព្រៃវែង ដោយគិតចាប់តាំងពីថ្ងៃទី២០សីហា២០១៧មក ម្លេះ ។
ក្រៅពីការឧបត្ថម្ភអាហារហូបចុក៣ពេលក្នុង១ថ្ងៃ និងការស្នាក់នៅសំរាប់ការប្រឡងនេះលោក ឡុង ស្រេង ក៏បានជំរុញនិងលើទឹកចិត្តដល់ប្អូនៗ ក្មួយៗ ដោយផ្តល់ឲ្យអាវយឺត និងថវិកាមួយចំនួនផងដែរ ព្រមទាំងជូនពរឲ្យប្រឡងជាប់ទាំងអស់គ្នាផងដែរ។ អ្វី ដែលជាការចាប់អារម្មណ៍និងប្លែកហើយពោរពេញទៅ ដោយភាពសប្បាយរីករាយពីសំណាក់ក្មួយៗប្អូនៗ បេក្ខជនក៏ដូចជាមាតាបិតា និងអាណាព្យាបាលពួកគេ នោះគឺនៅល្ងាចថ្ងៃទី២២សីហា ដែលជាថ្ងៃបិទបញ្ចប់ នៃការប្រឡងបាក់ឌុប គឺលោក ឡុង ស្រេង បានធ្វើ បាយក្តាំងបំពងសាច់ជ្រូកចិញ្ច្រាំឲ្យពួកគេហូប ជួបជុំគ្នា យ៉ាងឈ្ងុញឆ្ថាញ់ប្លែកមាត់ ពោរពេញទៅដោយភាព ស្និទស្នាល និងសប្បាយរីរាយ រួចដឹកជញ្ជូនតាមរថ យន្តក្រុងត្រឡប់ទៅដល់លំនៅដ្ឋានវិញប្រកបដោយ សុវត្ថិភាព ។ ទង្វើនិងសកម្មភាពរបស់លោក ឡុង ស្រេង និងក្រុមការងាររបស់លោកត្រូវបានប្រជាពល រដ្ឋ ពិសេសពលរដ្ឋនៅឃុំត្នោត ស្រុកកញ្ជ្រៀច ខេត្ត ព្រៃវែងគោរពស្រឡាញ់ សឹងគ្រប់ៗគ្នា ។
សូមបញ្ជាក់ ថា កន្លងមកក្រុមការងារចុះមូលដ្ឋានឃុំត្នោត ដែលដឹកនាំដោយលោក ឡុង ស្រេង គឺបានជួយ ឧបត្ថម្ភ លើគ្រប់វិស័យក្នុងមូលដ្ឋាននេះដូចជាការ អភិវឌ្ឍហេដ្ឋារចនាសម្ព័ន្ធផ្កូវថ្នល់ អគារសិក្សា វត្ត អារាម ការផ្តល់ពូជក្រូចឆ្មាចង្កោម ត្រសក់ ឪឡឹកធុងបាញ់ថ្នាំសម្លាប់សត្វល្អិត ជាដើមដល់ពលរដ្ឋសំរាប់ដាំដុះលើវិស័យកសិកម្ម៕
