ភ្នំពេញ៖ ឧកញ៉ា ស៊ីឡាឡយអាយុ៤២ឆ្នាំ ម្ចាស់សណ្ឋាគារដ៏ធំមួយឈ្មោះមហាសម្បត្តិនៅខេត្តរតនគិរីដែលត្រូវបានចាប់ខ្លួនពាក់ពន្ធ័និង គ្រឿងញៀនទំងន់ ៥៦គីឡូក្រាមបានស្លាប់ហើយកាលពីល្ងាចថ្ងៃទី២២ ខែសីហា ឆ្នាំ២០១៧ នៅឯមន្ទីរពេទ្យរុស្ស៊ីដោយជំងឺមហារីកខួរក្បាល និងជំងឺអេដស៍។លោក ចាន់ គឹមសេង អគ្គនាយកពន្ធនាគារ ក្រសួងមហាផ្ទៃ បានឲ្យកាសែតដឹងថា «មេក្លោងគ្រឿងញៀនរូបនេះបានស្លាប់នៅល្ងាចថ្ងៃនេះ ខណៈកំពុងសម្រាកព្យាបាល នៅមន្ទីររុស្ស៊ី ដោយសារជំងឺមហារីកខួរក្បាល និងមានផ្ទុកមេរោគអេដសន៍ផងដែរ។
លោក ចាន់ គឹមសេង បានបន្តថា ជនជាប់ចោទរូបនេះ ត្រូវបាន មន្ត្រីអនុរក្សពន្ធនាគារ បញ្ជូនទៅមន្ទីរពេទ្យជាច្រើនលើកផងដែរ ទើបតែនៅល្ងាចមិញនេះក៏ស្លាប់តែម្តង បន្ទាប់ពីគ្រូពេទ្យអស់លទ្ធភាពព្យាបាលជំងឺរបស់គេ»។
ឧកញ៉ា ស៊ីឡាឡយ មេក្លោងជួញគ្រឿងញៀនដ៏ធំនៅភូមិភាគឥសាន្តត្រវបានលោកស្រី ថ្លាង ផាណែត ចៅក្រមស៊ើបសួរសាលាដំបូងរាជធានីភ្នំពេញ បានចេញដីកាសម្រេចឃុំខ្លួននៅរសៀលថ្ងៃទី២៣ ខែឧសភា ឆ្នាំ២០១៧នេះកន្លងទៅ ជាមួយ និងបក្ខពួកម្នាក់ទៀត ដាក់ពន្ធនាគារព្រៃស ក្រោមការចោទប្រកាន់ពីបទ «រក្សាទុក និងជួញដូរដោយខុសច្បាប់នូវសារធាតុញៀន»។
ឧកញ៉ា ស៊ីឡាឡយ ត្រូវបានចាប់ខ្លួននៅខេត្តរតនៈគីរីបន្ទាប់ពីត្រូវកម្លាំងនគរបាលនៅ រាជធានីភ្នំពេញ បង្ក្រាបបក្ខពួកគេនៅភ្នំពេញដោយដកហូតថ្នាំញៀនជាង៥៦គីឡូក្រាម។ឧកញ៉ា ស៊ី ឡាឡយ ហៅ ស៊ី ខាំឡយ ជាអ្នកទទួលដុំមកពីក្រៅប្រទេស និងជាអ្នកលក់ និងចែកចាយនៅក្នុងស្រុក និងម្នាក់ឈ្មោះ លូន សុផា ភេទប្រុស អាយុ៣០ឆ្នាំ ជនជាតិខ្មែរ.ឡាវ ដែលជាអ្នកទទួលបញ្ជារពីមេក្លោង យកថ្នាំញៀនមកស្តុកទុក និងយកទៅប្រគល់ឲ្យអ្នកទិញ(សុី ឡាឡយ)ជាមេខ្លោង ។
ឧត្តមសេនីឯក ម៉ក់ ជីតូ បានឲ្យដឹងថា ថ្នាំញៀនដែលសមត្តកិច្ចចាប់យករួមមាន៣ប្រភេទ ១.ហេរ៉ូអុីន ២.ម៉េតំហ្វេតាមីនICE និង៣.ម៉េតំហ្វេតាមីនគ្រាប់ WY ។ ក្នុងនោះមានថ្នាំញៀនប្រភេទហេរ៉ូអ៊ីនចំនួន១៥គីឡូក្រាម ថ្នាំញៀនប្រភេទមេតំហ្វេតាមីនចំនួន១២គីឡូក្រាម និងថ្នាំញៀនប្រភេទមេតំហ្វេតាមីនគ្រាប់ចំនួន២៩គីឡូក្រាម ។ ថ្នាំញៀនជាង៥៦គីឡូក្រាមនេះ ត្រូវបានសង្ស័យជាឧកញ៉ាបញ្ជាទិញ និងនាំចូលមកពីប្រទេសឡាវ តាមខេត្តស្ទឹងត្រែង និងបានយកមកស្តុកទុកក្នុងរាជធានីភ្នំពេញ ដែលទីតាំងមួយកន្លែងនៅម្តុំផ្សារថ្មី ខណ្ឌដូនពេញ និងមួយកន្លែងទៀតនៅមុខវត្តសំរោងអណ្តែត សង្កាត់ភ្នំពេញថ្មី ខណ្ឌសែនសុខ ។
កិច្ចប្រតិបត្តការបានធ្វើឡើងកាលពីល្ងាចថ្ងៃទី១៨ រហូតម៉ោង១យប់ឈានចូលដល់ថ្ងៃទី១៩ ឧសភា ២០១៧ ក្រោមការដឹកនាំផ្ទាល់ពីសំណាក់លោកឧត្តមសេនីយ៍ឯក ឡឹក វណ្ណ: នាយក និងលោកឧត្តសេនីយ៍ទោ សាន សុទ្ធី នាយករងមន្ទីរប្រឆាំងគ្រឿងញៀន ក្រសួងងមហាផ្ទៃ ។ ថ្នាំញៀនដែលសមត្តកិច្ចចាប់យកជាវត្ថុតាងចំនួនជាង៥៦គីឡូក្រាមនេះ បើគិតជាទឹកប្រាក់តម្លៃ នៅទីផ្សារងងឹតក្នុងព្រះរាជាណាចកម្ពុជាប្រមាណជាង២លានដុល្លារអាមេរិក តែបើនៅក្រៅប្រទេសមានតម្លៃលើសនេះទៀត ។
បក្ខពួកមេក្លោងឈ្មោះ ស៊ី ឡាឡយ ហៅខាំឡយ ឈ្មោះ លួន សុផា អាយុ៣០ឆ្នាំកំពុងជាប់ឃុំនៅគុកព្រៃសនៅឡើយ ៕
