មណ្ឌលគិរី៖ មេបញ្ជាការកងរាជអាវុធហត្ថខេត្តមណ្ឌលគិរី ត្រូវបានផ្លាស់ប្តូរហើយ នៅព្រឹកថ្ងៃទី២១ ខែសីហា ឆ្នាំ២០១៧ដោយដកលោកឧត្តមសេនីយ៍ត្រី សាក់ សារ៉ាងឲ្យទៅកាន់ខេត្តកំពង់ឆ្នាំងហើយ ដាក់លោកវរៈសេនិយ៍ឯក ហែម បូណារ៉ែល មកពីបញ្ជាការដ្ឋានកងរាជអាវុធហត្ថលើផ្ទៃប្រទេសជំនួសវិញ ។លោក ស្វាយ សំអ៊ាង អភិបាលខេត្តមណ្ឌលគីរី បានចាត់ទុក ការតែងតាំង ការផ្លាស់ប្តូរមន្ត្រីប៉េអឹម គឺជារឿងធម្មតា ដែលតែងតែធ្វើឡើងទៅតាមតម្រូវការចាំបាច់នៃការងារ ដើម្បីអោយអង្គភាពនិមួយៗ មានការីកចម្រើន ជាគោលការកំណែទម្រង់របស់រាជរដ្ឋាភិបាល ។
ដោយឡែក លោកនាយឧត្តមសេនីយ៍ សៅ សុខាដែលជាមេអាវុធហត្ថទូទាំងប្រទេស នៅក្នុងឱកាសនោះ បានមានប្រសាសន៍ កោតសសើរចំពោះលោកមេបញ្ជាការ មេបញ្ជាការរង នាយ និងពលអាវុធហត្ថ ខេត្តមណ្ឌលគិរី ទាំងអស់ ដែលក្នុងរយៈពេលកន្លងទៅនេះ បានខិតខំយកចិត្តទុកដាក់ ក្នុងការបំពេញភារកិច្ច បម្រើជាតិមាតុភូមិ បានយ៉ាងល្អប្រសើរ។
លោកនាយឧត្តមសេនីយ៍ សៅ សុខា បាន ណែនាំ ដល់លោកមេបញ្ជាការ មេបញ្ជារការរង និងមន្ត្រីអាវុធហត្ថទាំងអស់ ត្រូវសាមគ្គីគ្នា អោយបានល្អ និងត្រូវសហការ ជាមួយស្ថាប័ននានា ក្នុងខេត្ត ក្នុងការចូលរួមរក្សាអោយបាននូវសន្តិសុខ សណ្តាប់ធ្នាប់សាធារណៈ ដោយទប់ស្កាត់ និងបង្ក្រាបអោយបានទាន់ពេលវេលានូវអំពើរចោរលួច ចោរប្លន់ បញ្ហាគ្រឿងញៀន និងបទល្មើសផ្សេងៗ។
សូមបញ្ជាក់ដែរថា មួយរយៈកន្លងទៅនេះសមត្តកិច្ចគ្រាក់ៗនៅក្នុងអាណាចក្រខេត្តមណ្ឌលគីរីដែលក្នុងនោះរួមមានអាវុធហត្ថនគរបាលយោធាខេត្តមន្ត្រីតុលាការបានផ្ទុះរឿងអាស្រួវពុករលួយពាក់ពន្ធ័និងការឃុបឃឺតគ្នាបើកដៃឲ្យឈ្មួញឈើយួនចូលមកកាប់ឈើខ្មែរយើងនៅតំបន់អូរហ៊ុចក្នុងស្រុកកែវសីម៉ា។បន្តែករណីមួយនេះស្ពឹកដូចកៅស៊ូបើទោះបីជាអគ្គនគរបាលជាតិរកឃើញថាមានមនុស្សពាក់ពន្ធ័ក៏ដោយ។
បច្ចុប្បន្នករណីពុករលួយមួយនេះបានធ្លាក់ចូលក្នុងដៃអង្គភាពប្រឆាំងអំពើពុករលួយធ្វើការស្រាវជ្រាវមិនដឹងថាអាចផ្តន្ទាទោសបានដែរឬអត់នោះទេបើមនុស្សអស់នោះត្រូវបានគេផ្លាស់ចេញជាបណ្តើៗទៅហើយ! ៕