ក្រចេះ៖ ការប្រឡងសញ្ញាបត្រមធ្យមសិក្សាទុតិយភូមិ ឬសញ្ញាបត្របាក់ឌុបឆ្នាំនេះ បានដំណើរការនៅព្រឹកថ្ងៃទី២១ ខែសីហា ឆ្នាំ២០១៧នេះ ដោយមានបេក្ខជនបេក្ខនារីចូលរួមជាងមួយពាន់នាក់ ចូលរួមប្រឡងប្រគួតប្រជែងដើម្បីសម្រេចគោលដៅនៃការសិក្សាក្នុងរយៈពេល១២ឆ្នាំកន្លងទៅ។
សម្រាប់មណ្ឌលប្រឡងនៅទូទាំងខេត្តក្រចេះ មានចំនួន ៣មណ្ឌល ស្មើនឹង ៧០បន្ទប់ មានបេក្ខជនសរុបចំនួន ១៧៤៥ ក្នុងនោះស្រីចំនួន៨៦១នាក់ សិស្សស្វ័យរឹនចំនួន ២៦២នាក់ ប្រៀបធៀបនឹងឆ្នាំ២០១៦មានការកើនឡើង។
ជាមួយគ្នានេះ ឯកឧត្តម ហឿ ស៊ីយ៉ែម អភិបាលរងខេត្តក្រចេះ ព្រមទាំងគណៈនិងមន្ត្រីអង្គភាពប្រឆាំងអំពើពុករលួយ អញ្ចើញជាគណៈអធិបតី បើកហិប និងកាត់កញ្ចប់វិញ្ញាសារប្រលង់ ដើម្បីចាប់ផ្ដើម ដំណើរការប្រលង់ ព្រមទាំងមានសមត្ថកិច្ចការពារសន្តិសុខ សុវត្ថិភាពយ៉ាងតឹងរឹង ។
ទិដ្ឋភាពជារួមនៅតាមមណ្ឌលប្រឡងនីមួយៗនាព្រឹកនេះ គេសង្កេតឃើញថា មានលក្ខណៈសភាពជាធម្មតាគឺគ្មានអ្វីខុសប្លែកគ្នាទេ បើប្រៀបធៀបទៅនឹងការប្រឡង់ នៅឆ្នាំមុននោះ គឺប្រព្រឹត្តទៅដោយរលូន ដោយមន្ទីអប់រំយុវជន និងកីឡាខេត្ត បានសហការជាមួយអាជ្ញាធរខេត្ត អង្គភាពប្រឆាំងអំពើពុករលួយ កម្លាំងប្រដាប់ អាវុធទាំងបីប្រភេទ យុវជនសហភាពសហព័ន្ធយុវជនកម្ពុជា និងស្ថាប័នពាក់ព័ន្ធនានា ក្នុងនោះដែរ អ្នកអង្កេតការណ៍មកពីរអង្គភាពប្រឆាំងអំពើពុករលួយ មានចំនួន ២៣៨នាក់ ដើម្បីចូលលរួមការការពាសន្តិសុខ សណ្តាប់ធ្នាប់សាធារណៈ ក្នុងពេលប្រឡងឲ្យមានភាពត្រឹមត្រូវ តម្លាភាព សុក្រិដ្ឋ យុត្តិធម៌ និងទប់ស្កាត់អ្នករត់បោះប្រឺយុងប្រសេចប្រសាច ជាពិសេសការទប់ស្កាត់បាននូវការបែកធ្លាយវិញ្ញាសារ ដែលជាហេតុ ធ្វើឲ្យមានភាពមិនប្រក្រតី ៕