ក្រចេះ ៖កម្លាំងនគរបាលការិយាល័យប្រឆាំងបគ្រឿងញៀនបញ្ជូនជនសង្ស័យម្នាក់ពាក់ព័ន្ធករណីជួញដូរគ្រឿងញៀននិងរក្សាទុកខុសច្បាប់ដោយសារធាតុញៀននិងវត្ថតាងមួយ ចំនួនធំទៅកាន់តុលាការនៅរសៀលថ្ងៃទី២១ ខែសីហាឆ្នាំ២០១៧នេះ ។
លោក គង់ ស៊ីដន ប្រធានការិយាល័យប្រឆាំងការជួញដូរគ្រឿងញៀននៃស្នងការដ្ឋាននគរបាលខេត្តបានឱ្យដឹងថាការឃាត់ខ្លួនជនសង្ស័យនេះបាន ដោយមានបទបញ្ជានឹងដឹកនាំផ្ទាល់ពីលោក កែវ សុជាតិ ព្រះរាជអាជ្ញាអមសាលាដំបូងខេត្តក្រចេះហើយ សហការជាមួយកំលាំងអធិការដ្នានគរបាលស្រុកសំបូរ និងកំលាំងប៉ុស្តិ៍រដ្ឋបាលសំបូរ ដោយមានការដឹកនាំដោយលោកអធិការរង ប្រឆាំងគ្រឿងញៀនស្រុកសំបូរ បានចុះប្រតិបត្តការបង្ក្រាបករណីជួញដូរដោយខុសច្បាប់នូវសារធាតុញៀន នៅចំណុចភូមិកែងប្រាសាទឃុំសំបូរស្រុកសំបូរខេត្តក្រចេះ កាលពីល្ងាចថ្ងៃទី១៩ ខែសីហា ឆ្នាំ២០១៧ ហើយ ឃាត់ខ្លួនបានជនសង្ស័យ ០១នាក់ ឈ្មោះ ជេន ចាន់ធី ភេទស្រីអាយុ២៨ឆ្នាំ ជនជាតិខ្មែរ មានទីលំនៅភូមិកែងប្រាសាទឃុំសំបូរស្រុកសំបូរខេត្តក្រចេះ និងដកហូតបានវត្ថុតាងរួមមាន ៖
ម្ស៉ៅក្រាមពណ៌សចំនួន ២៧កញ្ចប់តូច-ធំនិង២កញ្ចប់ធំ ឧបករណ៌សំរាប់ជក់គ្រឿងញៀនមួយចំនួន ហើយថង់សំរាប់ច្រកគ្រឿងញៀនចែកចាយមួយចំនួន។
បច្ចុប្បន្នជនសង្ស័យខាងលើ រួមនិងវត្ថុតាងទាំងអស់ កំពុងឃាត់ខ្លួន និងរក្សាទុកជាបណ្តោះអាសន្ម នៅការិ-ប្រឆាំងគ្រឿងញៀននិងកំពុងកសាងសំនុំរឿងបញ្ជូនទៅសាលាដំបូងខេត្តក្រចេះនៅរសៀលថ្ងៃទី២១ខែសីហាឆ្នាំ២០១៧ដើម្បីចាត់ការបន្ត ៕
