ភ្នំពេញ ៖ លោក ជា ជាតិ អនុរដ្ឋលេខាធិការក្រសួង អប់រំយុវជន និងកីឡា និងលោក នួន ផារ័ត្ន អភិបាល រងរាជនីភ្នំពេញ បានបើកកិច្ចប្រជុំស្តីពីការពារសុវត្ថិ ភាព មណ្ឌលប្រឡងទុយតិភូមិ នៅថ្ងៃទី ២១-២៣ ជូនបេក្ខជនប្រឡង នៅគ្រប់មណ្ឌលទាំង៩៤ នៅរាជ ធានី ដោយប្រើប្រាស់កម្លាំងការពារសុវត្ថិភាព ជាង ១ពាន់នាក់ ដោយមានការចូលរួមពីមន្ត្រីទាំង ១២ខណ្ឌ និងមន្ត្រីប្រឆាំងអំពើពុករលួយ នៅព្រឹកថ្ងៃទី ១៨ ខែសីហា ឆ្នាំ ២០១៧ នៅសាលារាជធានីភ្នំពេញ ។
លោកជា ជាតិ ក៏បានស្នើ ឲ្យស្ថាប័ន ពាក់ព័ន្ធ ត្រូវបន្ដកិច្ចសហការ គាំទ្រ ដើម្បី ធ្វើការសម្របសម្រួល បេក្ខជនក្នុងអំឡុងពេលប្រឡងសញ្ញាបត្រសិក្សាទុតិយភូមិ នៅថ្ងៃទី ២១-២៣ ១ គឺការស្នាក់នៅ សណ្ឋាគារ និងផ្ទះសំណាក់សុំកុំអោយដំឡើងថ្លៃ អាចសម្រួលរៀបចំ អោយសិស្សស្នាក់ នៅក្នុងវត្ត និងសាលារៀនដែលនៅជិតមណ្ឌលប្រឡង ២ សុំឲ្យមន្ដ្រី ផ្នែកចរាចរណ៏ ជួយសម្រួល ចរាចរណ៍ដើម្បី អោយបេក្ខជនបានចូលប្រឡងទាន់ពេលកំណត់ ៣ការផ្ញើរកង់ម៉ូតូ ៤ស្ថិរភាពចរន្តអគ្គិសនីនៅតាមមណ្ឌលប្រឡង និងអភិបាលខណ្ឌត្រូវយកចិត្តទុកដាក់ពីការប្រឡងទុតិយភូមិអោយបានល្អ។ ត្រូវរៀបចំមុនថ្ងៃ ទី៤ ខែកញ្ញា ឆ្នាំ ២០១៧ ត្រូវសំរួល និងបិទកន្លែងកូពី មុនថ្ងៃប្រឡង ។
ពាក់ព័ន្ធ និងការបែកវិញ្ញាសារ ប្រឡងនេះដែរ លោក ឱម យិនទៀង ប្រធានអង្គភាពប្រឆាំងអំពើពុករលួយថា ៖ ការប្រលងសញ្ញាប័ត្រមធ្យមសិក្សាទុតិយភូមិឆ្នាំនេះ ក្រសួងអប់រំ យុវជន និងកីឡា ក៏ដូចឆ្នាំប្រលងកន្លងមក គឺបានខិតខំណាស់នូវការធានាសុវត្ថិភាព និងរក្សាភាពសម្ងាត់នៃវិញ្ញាសា រប្រលងលើមុខវិជ្ជានានា។ សម្រាប់ការបំផុស បំផុលក្នុងឆ្នាំប្រលងកន្លងមកថា មានការ បែកធ្លាយវិញ្ញាសា រ រហូតមានគេបង្ហោះផ្សាយនៅតាមបណ្តាព័ត៌មានសង្គម ឬគេហទំ ព័រនានា វាជារឿងមិនពិតទេ ហើយវាក៏មិនដែល មានការបែក ធ្លាយវិញ្ញាអ្វីដែរ ។
លោក ឱម យិនទៀង បានបញ្ជាក់ថា ៖ គ្រប់បេក្ខជនប្រលងទាំងអស់ និងអ្នកពាក់ព័ន្ធនានា បើបានធ្វើសកម្មភាព អោយបែកធ្លាយវិញ្ញាសារជាសាធារណៈនោះ គឺជាប់ទោសព្រហ្មទណ្ឌ ហើយបើមានការបែកធ្លាយវិញ្ញាសារមែន នោះ អង្គភាពនឹងបើកការស្រាវជ្រាវស៊ើបអង្កេតឃាត់ខ្លួនជនល្មើសអោយខានតែបាន។
លោកបន្តថា៖ ភាពសំងាត់ នៃវិញ្ញាសារប្រលងនោះជារឿយៗ ACU និងក្រសួងអប់រំ តែងតែដាស់តឿនអោយបេក្ខជនប្រលង អ្នកសង្កេតការណ៍ មេប្រយោគ គ្រួអនុរក្ស និងអ្នកពាក់ព័ន្ធនានា ហាមដាច់ការថតវិញ្ញាសារ និងការរក្សាភាពសំងាត់នៃវិញ្ញាសា រ ដែលសូម្បីតែការថតរក្សាទុកផ្ទាល់ខ្លួន ក៏មិនអនុញ្ញាត អោយថតដែរ ហើយអ្នកថតនោះ បើចាប់បាន ក៏ត្រូវមានទោសដូចគ្នាដែរ។
តាមការបញ្ជាក់ពីលោក ហង់ ជួនណារ៉ុន រដ្ឋមន្ត្រីក្រសួងអប់រំយុវជន និងកីឡា បានបញ្ជាក់ឲ្យដឹងដែរថា ៖ នៅទូទាំងប្រទេស គឺមានមនុស្សមិនលើសពី១០នាក់ទេ ដែលដឹងពីវិញ្ញាសារប្រលងនោះ ហើយមន្ត្រីក្រសួងអប់រំជិត១០រូបនោះ គឺជាអ្នករៀបចំចេញវិញ្ញាសារប្រលង និងអ្នក វិចខ្ចប់វិញ្ញាសារតែម្ដង។ ឯការវិចខ្ចប់នោះទៀតសោត ក្រសួងក៏បានថតរូបទុកដើម្បីបញ្ជាក់ពីសុវត្ថិភាពវិញ្ញាសារ និងភាពសំងាត់នៃវិញ្ញាសារប្រលងផងដែរ។
សូមបញ្ជាក់ថា៖ ក្នុងថ្ងៃប្រឡងសញ្ញាបត្រសិក្សាទុតិយភូមិនៅរាជធានីភ្នំពេញឆ្នាំនេះ កងកម្លាំងសន្ដិសុខចូលរួម ការ ពារសុវត្ដិភាព ចំនួន ៩៧៥នាក់ ចល័តខាងក្នុង ចំនួន ៧១៥ និងចល័តខាងក្នុងមណ្ឌល ២៦០នាក់ រដ្ឋបាលរាជធានីភ្នំពេញ ផ្តល់ថវិកា សម្រាប់ចាត់ចែង ក្នុងសម័យប្រឡងនេះ សរុប ចំនួន ៣៦០លាន រៀល ទៅដល់គ្រប់មណ្ឌល ទាំង ៣៤ មណ្ឌលនោះ ៕
