កំពង់ឆ្នាំង ៖ ករណីខាងលើនេះបើយោងតាមប្រជាពលរដ្ឋដែលបានដឹងរឿងនៃកាទិញលក់ដីចំណុចចុងកោះក្នុងភូមិទី7 សង្កាត់ខ្សាម ក្រុងកំពង់ឆ្នាំងរវាងក្រុមឈ្មួញទិញដីដែលមាន លោកសាយ សូ លោកលី ផេង ជាមួយម្ចាស់ដីគឺលោកជៀម ហៃបានអោយដឹងថា៖កាលពីថ្ងៃ 04-05-2015 តាជៀមហៃបានលក់ដីអោយលោកសាយសូកក់ប្រាក់ 2000$ ។ បន្ទាប់មកថ្ងៃទី27 កញ្ញា 2015 បានអោយតំណាងឆ្អិនក្បាលស៊ីក្បាលឆ្អិនកន្ទុយស៊ីកន្ទុយ ជុំណារិន យកប្រាក់មកកក់បន្ថែម3000$ទៀតសរុប5000$ ។ក្រោយមកតាជៀមហៃបានលក់ដីដដែលទៅអោយលីផេងនៅថ្ងៃ30 វិច្ឆិកា 2015 កក់ប្រាក់ចំនួន10000$ ដែលជាក់ស្តែងលុយនេះជាលុយរបស់សាយសូយកពីឥទានរបស់គាត់នៅបឹងធំមកប្រគល់អោយជៀមហៃតាមរយះលោកកែរុន។ចឹង សរុបមកលោកជៀម ហៃមានដីមួយកន្លែងលក់អោយមនុស្សពីរនាក់។
នៅថ្ងៃទី13មករា2016 សាយសូបានខ្ចីលុយពីអៀគុយម៉ុង30000$ មកប្រគល់អោយតាជៀមហៃ តាមរយះអៀគុយម៉ុង តែដាក់អៀគុយម៉ុងជាតំណាងលីផេង។ បន្ទាប់មកអៀគុយម៉ុងមិនអស់ចិត្តព្រោះមិនដែលស្គាល់រឺជួបមុខគ្នាពីមុនទេ ក៏ចេញមកក្រៅតេសួរសាយសូដែលរវល់នៅប៉ោយប៉ែត សាយសូក៏បានប្រាប់អៀគុយម៉ុងថា បងឯងអោយគាត់(ជៀមហៃ) ទៅ ព្រោះអាលីផេងនឹងពួកម៉ាកខ្ញុំទេ(លីផេងនិងសាយសូជាឈ្មួញរកស៊ីនៅប៉ោយប៉ែតជាមួយគ្នា ហើយជាពួកម៉ាកគ្នាទៀត)។
ក្រោយមកសាយសូក្ស័យធនក៏បានលក់បន្តអោយអៀគុយម៉ុងដោយមានទាំងស្នាមមេដៃទទួលស្គាល់ពីម្ចាស់ដីជៀមហៃ និងអាជ្ញាធរភូមិ ឃុំ វាយត្រាដឹងលឺត្រឹមរត្រូវ។ តែក្រោយមកតាជៀមហៃបានបដិសេដមិនទទួលស្គាល់ដោយចោទអៀគុយម៉ុងបង្ខំគាត់ ហើយគាត់មិនចេះអក្សទៀត។បើចឹងមែនកាលនោះភ្លាមៗហេតុអ្វីជៀមហៃមិនប្តឹងអៀគុយម៉ុងទៅ?។ នៅក្នុងបទសំភាសជាមួយក្រុមការងារ TVFB តាជៀមហៃថាបានទំនាក់ទំនងទៅលីផេង ប្រាប់ថាដីនឹងអៀគុយម៉ុងកំពុងពុះឡូត៍លក់។
ឈ្មោះ លីផេងសួរថាហេតុបានតាជៀមហៃអោយអៀគុយម៉ុងលក់ បើខ្ញុំ លីផេងមិនដែលស្គាល់អៀគុយម៉ុងផងនឹង?? ហើយក៏គ្មានឯកសារបញ្ជាក់ថាអៀគុយម៉ុងជាតំណាងលីផេងជាភ័ស្តុតាង ដូចជុំណារិនតំណាងអោយសាយសូផងនឹង????
ផ្អែកតាមចម្លើយរបស់តាជៀមហៃនិងជៀមនឹងជៀម គីមហាននិងសាក្សីផ្សេងទៀតនៅសាលាដំបូងខេត្តកំពង់ឆ្នាំង សុទ្ធតែទទួលស្គាល់ថាបានលក់ដីអោយសាយសូពិតប្រាកដមែន។ សរុបមកទាំងអៀគុយម៉ុង សាយសូ និងលីផេងសុទ្ធតែជាជនរងគ្រោះដោយតាជៀមហៃ មានដីតែមួយតែលក់អោយមនុស្សពីរនាក់ ចុះហេតុអីបានជាតាជៀម ហៃនិងលីផេងមកប្តឹងអៀគុយម៉ុងនិងសាយសូវិញ???
ឥលូវសាយសូក៏ជាប់ឃុំឃាំងរឿងទិញលក់ឡានអត់ពន្ធតំលៃ4500$ អៀគុយម៉ុងក៏មានដីកានាំខ្លួន។ ពេលសាយសូត្រូវPMខេត្តកំពង់ឆ្នាំងចាប់ខ្លួន សាយសូបានតេមកអៀគុយម៉ុងថា បងអើយសុខចិត្តចាញ់គេទៅ គេមានលុយច្រើនណាស់យើងមិនឈ្នះគេទេ។ ពេលនោះគេបានដាក់លក្ខ័ណ3ចំណុចអោយ អៀគុយម៉ុងដោះស្រាយ÷
ទី1 ដោះស្រាយរឿង លន់ឡេងដែលតែងតែតាំងខ្លួនជាអង្គរក្សផ្ទាល់ សម្តេចតេជោ ហ៊ុន សែន និងជាគូរកនលីផេង អោយចេញពីគុក ដោយត្រូវតុលារខេត្តចេញដីការចាប់ខ្លួនរឿងបទល្មើសព្រៃឈើ។
ទី2 ប្រគល់ដីទាំងអស់ដែរសាយសូនិងអៀគុយម៉ុងមានអោយទៅពួកគេ
ទី3 ធ្វើការសុំទោសពួកគេជាសាធារណះ។
សួរថាតើអៀគុយម៉ុងអាចដោះស្រាយលក្ខ័ណទាំងបីអោយពួកគេយ៉ាងម៉េចកើត តើត្រូវដោះស្រាយចំពោះប្រជាពលរដ្ឋជាង40គ្រួសារយ៉ាងម៉េច??? ។ក្រុមតាជៀមហៃអះអាងថាមាន15គ្រួសារទទួលរងនូវភាពអយុត្តិធម៍តាមពិត15គ្រួសារនឹងសុទ្ធជាប្រពន្ធកូនក្មួយរបស់គាត់ទាំងអស់ ហើយ15គ្រួសារនឹងធ្លាប់ទិញដីឡូពីអៀគុយម៉ុងទៀតផង។
ប្រជាពលរដ្ឋដែលដឹងរឿងបាននិយាយថា៖ខ្ញុំមិនហ៊ានចោទថាតុលារការណាមិនយុត្តិធម៌ទេ តែសូមធ្វើការសំរេចអោយបានយុត្តិធម៌។ បើសិនជារឿងនេះបានជ្រាបដល់សម្តេចតេជោហ៊ុនសែនហើយសូមសម្ដចមេត្តាមានចំណាត់ការណាមួយអោយមានយុត្តិធម៏ ព្រោះមានតែសម្តេចទេដែលអាចជួយរកយុត្តិធម៏ជូប្រជាពលរដ្ឋបាន។
បើតាមការអះអាងពីខាងសាច់ឈាមលោកអៀរ គុយម៉ង់ម្នាក់បានអះអាងថា មិនចាំបាច់តាជៀមហៃអោយ5000$ទេ អោយដល់50000$ក៏ខ្ញុំមិនយកដែរ តែបើពួកតាជៀមហៃនិងគូកនដែលនៅពីក្រោយគាត់ចង់ចាប់ ទៅចាប់គាត់ទៅ គាត់នៅផ្ទះអ៊ុំខ្ញុំនៅភ្នំពេញ ពួកលោកស្គាល់គាត់ច្បាស់ណាស់ ទៅទៅ ហើយយកគាត់មកកាត់ទោសទៅ បើរកឃើញថាគាត់ពិតជាអ្នកខុសមែន ធ្វើតាមច្បាប់ទៅ។
នេះជាការបកស្រាយរបស់តំណាងគ្រួសារលោកអៀគុយម៉ុង ហើយសូមបងប្អូននៅខេត្តកំពង់ឆ្នាំងនិងផ្សេងៗទៀត ជួយស៊ែថាអយុត្តិធម៌ណាស់សំរាប់គ្រួសាររបស់គាត់ ដើម្បីអោយបានជ្រាបដល់សម្តេចតេជោ ហ៊ុន សែន។
