ឯកឧត្តម ចន្ទ័ សុផល អភិបាលនៃគណអភិបាលខេត្តបាត់ដំបង បានអញ្ជើញចូលរួមជា គណអធិបតីក្នុងពិធីបុណ្យទទួលព្រះបរមសារីរឹកធាតុ ប្រតិស្ថានដើមពោធិព្រ័ក្ស និងគម្ពីរ ព្រះត្រៃបិតក នៅវត្តពោធិវង្ស សង្កាត់ចំការសំរោងក្រុងបាត់ដំបង កាលពីថ្ងៃទី ១៥ ខែកក្កដា ឆ្នាំ២០១៥នេះ។
ក្នុងសង្ឃដីការព្រះមហាសិរីវុឌ្ឍា ជា សេរីវុឌ្ឍន៍ ប្រធានកម្មវិធី ធម្មទាយទាន ព្រះពុទ្ធ សាសនា ដើម្បីការអប់រំផ្សព្វផ្សាយតាមបណ្តាប៉ុស្តិវិទ្យុនានា ក្នុងខេត្តបាត់ដំបង និងខេត្ត សៀមរាប បានឲ្យដឹងថា ព្រះបរមសារីរិកធាតុ គឺបានដង្ហែរយកមកពីប្រទេសសិរីលង្ការ តាម រយៈរស់នៅខេត្តបន្ទាយមានជ័យយកមកតម្កល់ទុកនូវ សតិបដ្ឋាន ក្រុងប៉ោយប៉ែត ព្រមទាំង គម្ពីរព្រះត្រៃបីតកមួយចប់មានចំនួន ១០១ក្បាល និងដើមពោធិព្រឹក្សមានចំនួន ៥ ដើម ដែល បានយកគ្រាប់ពីវត្តពុទ្ធគយា ប្រទេសឥណ្ឌាមកបណ្តុះ តាមការស្នើសុំពីព្រះភិក្ខុ សុវណ្ណមុនី ផល ចំរើនគង់នៅវត្តពោធិវង្ស តាមរយៈព្រះមហាសិរីវុឌ្ឍា ដង្ហែយកមកដាំនិងតម្កល់ទុក ក្នុង ពុទ្ធសីមា វត្តពោធិវង្ស សម្រាប់ជាទីគោរពសក្ការៈ បូជា របស់ ព្រះសង្ឃ និងគ្រប់មជ្ឈដ្ឋាន នៃពុទ្ធបរិស័ទ។
ឯកឧត្តម ច័ន្ទ សុផល បានសំដែងការអបអរសាទរយ៉ាងក្រៃលេង និងចូលរួមអនុមោនា យកបុណ្យកុសល ដែលកើតឡើងពីសទ្ធាជ្រះថ្លាសាមគ្គីនៃការដង្ហែរ ព្រះបរមសារីរិធាតុ គម្ពីរ ព្រះត្រៃបិតក និងការដាំ ពោធិព្រឹក្សនាពេលនេះ ដោយបញ្ជាក់ថា នេះជាសកម្មភាពមួយ បញ្ជាក់ឲ្យឃើញថាការយកចិត្តទុកដាក់ គោរពបូជា និងចូលរួមលើកស្ទួយវិស័យ ព្រះពុទ្ធ សាសនា ដែលច្បាប់កំពូលរបស់ព្រះរាជាណាចក្រកម្ពុជា យើងចាត់ទុកជា សាសនារបស់រដ្ឋ ឲ្យកាន់តែមាភាពថ្កុំថ្កើងរុងរឿង មួយចំណែកថែមទៀត ពិសេសឲ្យបានគ្រប់5000 ព្រះវស្សា តាមការកំណត់ របស់ព្រះសម្មាសម្ពុទ្ធ បរមគ្រូនៃយើង ៕
