ព្រៃវែង ៖ ពលរដ្ឋអ្នករកស៊ីដឹកជញ្ជូនស្រូវទៅលក់ស្រុកយួនជាច្រើននាក់បានសម្តែងការក្តៅក្រហាយជាមួយសមត្តកិច្ចកាំកុងត្រូលនៅច្រកទ្វារអន្តរជាតិបន្ទាយចក្រីរហូតផ្ទុះការតវ៉ាបិទផ្លូវកាលពីវេលាម៉ោង៦និង១០នាទីព្រឹកថ្ងៃទី១៦ខែសីហាឆ្នាំ២០១៧ ។មូលហេតុគឹដោយសារមន្ត្រីកាំកុងត្រូលនៅច្រកមួយនេះកៀបសង្កត់ជំរឹតទារប្រាក់គាត់ក្នុងមួយរថយន្ត ២៥០០០រៀល! ក្នុងពេលដែលរាជរដ្ឋាភិបាលកម្ពុជានិងវៀតណាមអនុគ្រោះមិនយកពន្ធសម្រាប់ការនាំចេញចូលស្រូវផងនោះ។
ប្រភពពីប្រជាពលរដ្ឋបានឲ្យដឹងការកំណត់យកលុយពីអាជីវករដឹកស្រូវពីពួកកាំកុងត្រូលនេះនេះវាពុំមែនទើបតែមានទេគឺយកតាំងពីមុនរហូតមកដោយក្នុងមួយរថយន្តបង់អស់ចាប់ពី៤៥០០០រៀលទៅ៦០០០០រៀលដោយដើរបង់ឲ្យមន្ត្រីច្រកទ្វាទាំង៤ស្ថាប័ន។
អាជីវករផ្សេងទៀតបានបញ្ជាក់ថាពួកគាត់មិនហ៊ានទិញស្រូវពីកសិករក្នុងតម្លៃខ្ពស់ទេព្រោះខ្លួនដឹកស្រូវយកទៅលក់នៅវៀតណាមនោះជួបបញ្ហាច្រើនដូចជាស្រូវជន់ឈ្មួញវៀតណាមគេបង្អាប់ថ្លៃនិងរត់ការផ្លូវអស់លុយច្រើន!ទើបពួកគាត់ទិញស្រូវពីកសិករក្នុងមួយគីឡូក្រាមតម្លៃជាង៧០០រៀលដោយដឹកមកលក់ដល់ច្រកព្រំដែនបន្ទាយចក្រីនេះបានជាង៨០០រៀលក្នុងមួយគឺឡូក្រាម។
លោក ទួន សុគន្ថា ប្រធានច្រកអន្តរជាតិបន្ទាយចក្រីបានឲ្យដឹងថា៖ បញ្ហាពលរដ្ឋបិទផ្លូវនេះគឺដោយសារមន្ត្រីសាខាកាំកុងត្រូលអនុវត្តន៍ការយកលុយពីរថយន្តដឹកស្រូវទៅលក់នៅប្រទេសវៀតណាម តាំងពីម្សិលមិញ ហើយលោកក៍បានសម្របសម្រួលមិនឲ្យយកលុយពីអាជីវករទេជាង១ឆ្នាំនេះ ពីព្រោះជាកសិផលរបស់ពលរដ្ឋយើង។
លោកបន្តថាស្រូវគឺត្រូវបានរាជរដ្ឋាភិបាលអនុគ្រោះពន្ធក្នុងការនាំចេញទៅក្រៅប្រទេសក្នុងគោលបំណងកាត់បន្ថយភាពក្រីក្រ។កន្លងមកភាគីវៀតណាមទាមទាបង់ពន្ធនាំចូលស្រូវទៅប្រទេសគេគឺគិតតម្លៃស្មើ៤០ភាគរយប៉ុន្តែត្រូវបានឯកឧត្តមអភិបាលខេត្តចរចារជាមួយប្រធានខេត្តដុងថាប់វៀតណាមដើម្បីសុំរួចពន្ធស្ថិតក្រោមរូបភាពពាណិជ្ជកម្មឆ្លងដែនហើយវៀតណាមក៍បានយល់ព្រមដោយ អនុញ្ញាតិឲ្យខ្មែរយើងដឹកស្រូវទៅលក់នៅបេនរបស់គេជាប់ព្រំដែនដោយពុំមានការយកពន្ធឡើយ។
ទាក់ទងមន្ត្រីកាំកុងត្រូលលោកម៉ក់ពេជ្ជរឹទ្ធជម្រឹតទារលុយពីប្រជាពលរដ្ឋរកស៊ីដឹកស្រូវនេះលោក នង សំហឿង ប្រធានមន្ទីរពាណិជ្ជកម្មខេត្តព្រៃវែងបានបដិសេធថា៖រឿងគេដឹកស្រូវហើយមានការយកលុយអីនុងវាមិនមែនជាដែនសមត្ថកិច្ចរបស់ខេត្តទេគឺខាងនាយកដ្ឋានកាំកកុងត្រូល់មិនអាចទាក់ទងលោក អ៊ុត សុភាព ប្រធានសាខាកាំកុងត្រូលខេត្តព្រៃវែងដើម្បីសុំ ការពន្យល់បានទេ ។
គួរម្លឹកថា៖កាលពីពេលកន្លងទៅថ្មីៗដើម្បីជួយលើកស្ទួយតម្លៃស្រូវកសិករយើងឲ្យមានតម្លៃសមរម្យទៅតាមទីផ្សារនិងកាត់បន្ថយភាពក្រីក្រនេះរដ្ឋាភិបាលសម្រេចទម្លាក់លុយមកទិញស្រូវពីកសិករ ។ តែផ្ទុយទៅវិញបែរជាមន្ត្រីកាំកុងត្រូលលោកម៉កពេជ្ជរឹទ្ធមកកំណត់យកលុយពីអាជីវករធ្វើឲ្យឲ្យស្រូវធ្លាក់ថ្លៃធ្វើឲ្យពលរដ្ឋមានការថ្នាំងថ្នាក់ចិត្តទៅវិញ៕
