បន្ទាយមានជ័យ ៖ ក្រុមហ៊ុនអភិវឌ្ឍន៍ខូអិលធីឌីដែលមានទីតាំស្ថិតនៅភូមិកំពង់ស្វាយ សង្កាត់កំពង់ស្វាយ ក្រុងសេរីសោភណ្ឌ័ខេត្តបន្ទាយមានជយ័កំពុងរងការចោទប្រកាន់ថាបោកប្រាសពលករដោយមានការឃុបឃឹតពីមន្ទីរការងារខេត្តបន្ទាយមានជ័យ។ក្រុមហ៊ុនអភិវឌ្ឍន៍ខូអិលធីឌីមួយនេះកំពុងតែល្បីល្បាញនៅខេត្តបន្ទាយមានជ័យក្នុងការជ្រើសពលករ ពលការិនី ទៅធ្វើការងារនៅប្រទេសថៃដោយប្រមូលលុយពីពលករនៅតាមបណ្តាស្រុកខេត្តផ្សេងៗ ។បច្ចុប្បន្នមានពលករជាច្រើននាក់មកហើយដែលចាញ់បោក ការឃោសនា ព្រោះក្រុមហ៊ុននេះនៅពេលទទួលលុយបានហើយ មិនព្រមគោរពតាមការសន្យា យកពាក្យភូតភរកុហក់បោកប្រាស់ សន្យាខែនេះខែនោះមិនចេះឈប់។
ប្រភពពីពលករបាលឲ្យដឹងថា៖ក្រុមហ៊ុននីមួយៗ អាចបើកធ្វើអាជីវកម្មបានដោយសារតែមានច្បាប់អនុញ្ញាត មានទីតាំងត្រឹមត្រូវ និងគោរពតាមលក្ខន្តិកៈគ្រប់បែបយ៉ា
ង។តែក្រុមហ៊ុនមួយនេះ ពុំមានលក្ខណះគ្រប់គ្រាន់ឡើយ សូម្បីតែកន្លែងធ្វើការក៍តូចចង្អៀតពុំមានកន្លែងបង្រៀនឬកន្លែងឲ្យពលករស្នាក់នៅដែរ។
មានពលករចំនួនពីរក្រុមមានគ្នាជាង២០នាក់មកពីខេត្តឧត្តរមានជយ័និងខេត្តបាត់ដំបងបានអោយដឹងថាពួកគាត់បានទៅដាក់ពាក្យសុំទៅធ្វើការនៅស្រុកថៃដោយស្របច្បាប់តាមរយះក្រុមហ៊ុន អភិវឌ្ឍន៍ខូអិលធីឌីនៅក្នុងក្រុងសេរីសោភ័ណ ដោយក្រុមហ៊ុនអោយបង់ប្រាក់ក្នុងមួយនាក់២៨០ដុល្លារអាមេរិកដោយក្រុមហ៊ុនសន្យាថានឹងបានចេញដំណើរនៅចុងខែកក្កដាឆ្នាំ២០១៧។ តែពេលជិតដាច់ខែដល់ថ្ងៃចេញតំណើរតំណាងក្រុមហ៊ុនបានទូសព្ទ័អោយពួកគាត់ថាបើចង់ចេញទៅធ្វើការត្រូតែថែមប្រាក់ក្នុងមួយនាក់១៥០ដុល្លារ150ទៀត។
ពលរដ្ឋបានបញ្ជាក់បន្ថែមថាបើខាងក្រុមហ៊ុននិយាយប្រាប់ពួកគាត់មុនអោយថែមប្រាក់ពួកគាត់មិនបានដាក់ពាក្យទេ ព្រោះប្រាក់ដែលពួកគាត់បង់២៨០ដុល្លារសុទ្ធតែចងការប្រាក់គេមក។ប្រជាពលរដ្ឋម្នាក់ឈ្មោះធានចាន់ធូ ភេទស្រីអាយុ៤៥ឆ្នាំរស់នៅភូមិល្វាជ្រុំឃុំ ស្រុកបវិលខេត្តបាត់ដំបង បានអោយដឹងថាគាត់បានដាក់ពាក្យតាមរយះក្រុមហ៊ុនខាងលើចំនួន៥នាក់មានប្ដីនិងកូនបីនាក់ទៀតដែលមានកូនស្រីឈ្មោះឆាវសុចាន់អាយុ១៤ឆ្នាំក៍ក្រុមហ៊ុនអោយដាក់ពាក្យយកទៅធ្វើការដែរ ។
ព្រោះបើតាមតាមច្បាប់ពលករមិនទាន់គ្រប់អាយុក្រសួងមិនអនុញាតឲ្យដាក់ពាក្យទៅធ្វើការដាច់ខាត។ អ្នកស្រីចាន៉ធូនិយាយថាមកទល់និងពេលនេះទើបគាត់បានដឹងខ្លួនថាក្រុមហ៊ុនបោកប្រាស់ព្រោះទារថែមប្រាក់រហូត។
តំណាងក្រុមហ៊ុនម្នាក់បានជំរុញអោយពលរដ្ឋនិងអ្នកកាសែតទៅប្ដឹងនៅមន្ទីរការងារខេត្តបន្ទាយមានជយ័ទៅបើថាក្រុមហ៊ុនបោក?។ ត្រង់ចំណុចនេះហើយដែលគេកំពុងសង្សយ័ថាលោករស់ សារុំ ប្រធានមន្ទីការងារខេត្តបន្ទាយមានជយ័អាច មានជាប់ពាក់ព័ន្ធរឿងពុករលួយ ឬមាន ភាគហ៊ុននិងជាអ្នកនៅពីក្រោយខ្នងក្រុមហ៊ុនហើយអោយប្រព្រឹត្តរឿងអាស្រូវធ្វើបាបពលករព្រោះទោះមានការតវ៉ាក៏គេមិនឃើញមានខាងមន្ទីរការងារខេត្តបន្ទាយមានជ័យមកដោះស្រាយឡើយ។
លោករស់ សារុំប្រធានមន្ទីរការងារបានអោយដឹងថាក្រុមហ៊ុនខាងលើមានច្បាប់ត្រឹមត្រូវមានការទទួលស្គាល់ពីក្រសួងការងារហេតុនេះបើគ្មានពាក្យបណ្ដឹងពីពលរដ្ឋក៍លោកមិនហ៊ានធ្វើអ្វីបានដែរ។លោករស់ សារុំព្រមានថាបើអ្នកកាសែតហ៊ានចុះផ្តេសផ្តាសធ្វើឲ្យខួចឬប៉ះពាល់កិត្តិយសក្រុមហ៊ុនប្រយ័ត្នគេប្តឹង!!។
ចំណែកនាយិការក្រុមហ៊ុននេះដែលមិនស្គាល់ឈ្មោះបាននិយាយទាំងគម្រោះគម្រើយ ច្រឡោងខាមគ្មានសុជីវធម៌ជាមួយអ្នកកសែតថា រឿងគាត់គ្មានអ្នកកាសែតណាមានសិទ្ធមកសួរនាំនោះទេ។
តើករណីក្រុមហ៊ុនឆរបោកខាងលើនះតើ លោកអ៊ិតសំហេង រដ្ឋមន្ត្រីក្រសួង ការងារនិង បណ្តុះបណ្តាលវិជ្ជាជីវៈ មានជ្រាបដែរទេហើយតើគួវិធានការយ៉ាងណា?ឬទុកឲ្យក្រុមហ៊ុនមួយនេះបន្តបោកលុយពលករតទៅទៀត៕
