មណ្ឌលគីរី៖ កាលព្រឹកថ្ងៃទី១៣ ខែសីហា សមត្តកិច្ចចម្រុះខេត្តមណ្ឌលគិរី ដែលនាំដោយលោក ចឹង សុចន្ថាអភិបាលរងខេត្ត បានចាប់រឹបអូសឧបករណ៍កាប់បំផ្លាញព្រៃឈើដែលរួមមានរថយន្តបង្កុងកែច្នៃមួយគ្រឿង ត្រាក់ទ័រមួយគ្រឿង រថយន្តធុនធំមួយគ្រឿង និងឈើប្រភេទកកោះ និងសុក្រំ ដែលគេអាររួចចំនួន៧១កំណាត់ នៅក្នុងតំបន់ព្រៃដាច់ស្រយាល មួយ ក្នុងស្រុកពេជ្រាដា។ទោះជាយ៉ាងណាមានសេចក្តីរាយការណ៍មកថាមាន រថយន្ដធុនធំផ្ទុកឈើពេញចំនួនប្រាំបួនគ្រឿង កំពុងតែជាប់ផុងនៅតាមដងផ្លូវ គេដឹងថា ជាផ្លូវដែលឈ្មួញឈើ គឺលោកឧកញ៉ាឧត្តមសេនីយ៍ សិង្ហ សំអុល បានឈួសឆាយ នាពេលកម្លងមកក្នុងដែនជម្រកសត្វព្រៃភ្នំព្រេច ពេលព្យាយាមដឹកឈើចេញពីតំបន់ព្រៃការពារក្នុងស្រុកពេជ្រាដា និងស្រុកកោះញែក ដើម្បីឆ្ពោះទៅកាន់ទីផ្សារឈើក្នុងប្រទេសវៀតណាមបន្ទាប់មកនៅថ្ងែទី១៤ ខែសីហានេះតែ មិនគេមិនឃើញមានសមត្តកិច្ចចំរុះទៅអើតមើលឡើយ។
ប្រជាសហគមន៍ការពារព្រៃឈើ ក៏ដូចជាប្រជាពលរដ្ឋនៅក្នុងខេត្តមណ្ឌលគីរី បាននិយាយថា ពួកគេសង្កេតឃើញវិនាសសកម្មព្រៃឈើក្នុងខេត្តនេះ កំពុងកើតមានជាបន្តបន្ទាប់ ទោះបីមានការកែប្រែ ផ្លាស់ប្តូរប្រព័ន្ធគ្រប់គ្រងដែនជម្រកសត្វព្រៃនេះមកខាងក្រសួងបរិស្ថានក៏ដោយ ព្រោះមន្ត្រី ដែលទទួលខុសត្រូវថែរក្សាធនធានធម្មជាតិនៅក្នុងតំបន់នេះ នៅតែឃុបឃិតគ្នាជាជាមួយឈ្មួញរកស៊ីឈើខុសច្បាប់។
សូមបញ្ជាក់ថាកាលពីយប់មិញថ្ងៃទី១១ ខែសីហា ឆ្នាំ២០១៧ពេលដែលរាជរដ្ឋាភិបាលកំពុងសម្រុកបញ្ជូនទាហ៊ានទៅការពារព្រុំដែនក្នុងខេត្តស្ទឹងត្រែងជាមួយឡាវប្រជាពលរដ្ឋរាយការណ៍ថា ឧកញ៉ាពីររូប គឺឧកញ៉ា សិង្ហ សំអុល និងឧញ៉ា វ៉ន ប៊ុនថៃ បានសម្រុកដឹកឈើទៅកាន់ប្រទេសវៀតណាម យ៉ាងហោចណាស់ជិត២០ឡានធុនធំ ទៅកាន់ប្រទេសវៀតណាម ដោយឆ្លងកាត់ស្រុកស្នួល របស់ខេត្តក្រចេះ។
ឈើទាំងនោះត្រូវបានគេដឹកចេញពីក្រុមហ៊ុន ម៉ាស្ទ័រ ខេសាន់ របស់ឧញ៉ា សិង្ហ សំអុល ដែលមានទីតាំងនៅដែនជម្រកការពារសត្វព្រៃភ្នំព្រេច ក្នុងខេត្តមណ្ឌលគិរី ។
គួរបញ្ជាក់ថា ឧញ៉ា សិង្ហ សំអុល គឺជាមុខសញ្ញានៃបទឧក្រិដ្ឋកម្មព្រៃឈើ ដែលត្រូវបានចង្អុលបង្ហាញកន្លងមកដោយសម្ដេចអគ្គមហាសេនាបតីតេជោ ហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជាកាលពីថ្ងៃទី១៥មករាឆ្នាំ២០១៦។
សកម្មភាពកាប់ឈើខុសច្បាប់ក្នុងតំបន់ព្រៃការពារនៅក្នុងខេត្តមណ្ឌលគិរី ត្រូវបានគេសង្កេតឃើញថា មានភាពស្ងប់ស្ងាត់មួយរយៈកាលពីដើមឆ្នាំ២០១៦សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃរាជរដ្ឋាភិបាលកម្ពុជា បង្កើតក្រុមបង្ក្រាប ដឹកនាំដោយលោកនាយឧត្តមសេនីយ៍សៅសុខាមេប៉េអឹមតែអាឡូវបាននិងកំពុងចាប់ផ្តើមកក្រើកឡើងវិញ ហើយមិនដឹងថានាយករដ្ឋមន្ត្រីដឹងអត់នោះទេ? ។
ប្រជាសហគមន៍ក្នុងខេត្តមណ្ឌលគិរី បានរាយការណ៍ថា ព្រៃឈើក្នុងដែនជម្រកសត្វព្រៃ នៅក្នុងស្រុកកែវសីមា និងនៅស្រុកកោះញែក ត្រូវបានក្រុមឈ្មួញទុច្ចរិតសម្រុកចូលកាប់បំផ្លាញយ៉ាងគឃ្លើនបំផុត ជាពិសេសក្នុងតំបន់ភ្នំព្រេច រួចដឹកចេញតាមច្រករបៀងមួយចំនួន ក្នុងទឹកដីខេត្តក្រចេះ និងខេត្តត្បូងឃ្មុំ ដើម្បីយកទៅលក់ឲ្យឈ្មួញឈើអន្តរជាតិរបស់វៀតណាម។