ភ្នំពេញ៖លោក សួង សុភ័ណ្ឌ ដែលទើបទទួលតំណែងជាប្រធានស្តីទីគណបក្សអំណាចខ្មែរបន្ទាប់ពីលោកសួន សេរីរដ្ឋាបានប្រកាសលាលែងពីតួនាទីជាប្រធានបានសំដែងការមិនពេញចិត្តចំពោះចំណាត់ការរបស់តុលាការមកលើលោក សួន សេរីរដ្ឋា។ពេលផ្តល់សម្ភាសន៍ដល់កាសែត៖លោកសួង សុភ័ណ្ឌដែលត្រូវបានសមត្តកិច្ចច្រានទ្រូងមិនឲ្យចូលទី ស្នាក់គណបក្សបានចាត់ទុក ករណីរបស់លោក សួន សេរីរដ្ឋា នេះគឺគ្រាន់តែជាទស្សនៈរបស់បុគ្គលផ្ទាល់ខ្លួនប៉ុណ្ណោះ ហើយវាហាក់មិនមានអ្វីនាំឲ្យប៉ះពាល់ធ្ងន់ធ្ងរដល់សន្តិសុខជាតិ និងបង្កឲ្យមានចលាចលក្នុងសង្គមនោះទេ។
លោក សួង សុភ័ណ្ឌ ក៏បានរំឮកឈ្មោះមនុស្ស៤នាក់ ដែលលាកថាបានប្រព្រឹត្តកំហុសដូចលោក សួន សេរីរដ្ឋាដែលជាមេរបស់គាត់ ដោយតម្រូវឲ្យតុលាការចាត់វិធានការលើពួកគេផងដែរ។ «ដូចករណីលោក សួន សេរីរដ្ឋា ដែលត្រូវបានចោទប្រកាន់នេះ វាមិនមែនជាបទល្មើសចោទប្រកាន់ពិតប្រាកដទេ ព្រោះដូចខ្ញុំជម្រាបថា បទល្មើសចោទប្រកាន់នេះ វាមិនខុសអំពីលោក ទៀ បាញ់ ដែលប្រមាថវាយបាក់ធ្មេញពលរដ្ឋខ្មែរ។ វាមិនខុសពីលោក វង្ស សូត ប្រមាថវាយពលរដ្ឋនឹងគល់ឫស្សី វាមិនខុសពីលោក ហ៊ុន សែន ដែលប្រមាថពលរដ្ឋថា ចាញ់ឆ្នោតនឹងមានសង្គ្រាមកើតឡើងនោះទេ។
ដូច្នេះខ្ញុំសុំឲ្យអ្នកទាំង៤នាក់ គ្រាន់តែចេញលិខិតសុំទោសប្រជាពលរដ្ឋខ្មែរទៅ វាមិនអាក្រក់ទេ។ តែបើកាត់ទោសសុំឲ្យកាត់ទោសទាំង៤នាក់…។ ចំណែកអ្នកប្រមាថព្រះមហាក្សត្រ លោក ខឹម វាសនា ម្ដេចតុលាការមិនព្រមបញ្ជាទៅចាប់លោក ខឹម វាសនា ផងទៅ…»។
ជុំវិញការលើកឡើងរបស់លោក សួង សុភ័ណ្ឌ នេះ សម្ដេចនាយករដ្ឋមន្ត្រី ហ៊ុន សែនបាន បកស្រាយការពារថា គ្រាន់តែជាពាក្យសម្តីការពាររដ្ឋាភិបាលស្របច្បាប់ប៉ុណ្ណោះ ដែលមិនមានបញ្ហាអ្វីធ្ងន់ធ្ងរឡើយ។
លោក សួន សេរីរដ្ឋា ប្រធានគណបក្សអំណាចខ្មែរ ត្រូវបានសមត្ថកិច្ចចាប់ខ្លួនកាលពីថ្ងៃទី១៣ សីហា ពាក់ព័ន្ធនឹងការរិះគន់លើកងកម្លាំងប្រដាប់អាវុធ លើបណ្ដាញសង្គមហ្វេសប៊ុកកាលពីថ្ងៃទី១២សីហា ។ តុលាការសម្រេចចោទប្រកាន់លោក សួន សេរីរដ្ឋា ពីបទញុះញង់កុំឲ្យយោធិនស្ដាប់បង្គាប់ តាមបញ្ញត្តិមាត្រា ៤៧១ នៃក្រមព្រហ្មទណ្ឌ ,បទល្មើស ធ្វើឱ្យខូចទឹកចិត្តកងទ័ព តាមបញ្ញត្តិមាត្រា ៤៧២ នៃក្រមព្រហ្មទណ្ឌ និងបទ ញុះញង់ឱ្យប្រព្រឹត្តបទឧក្រិដ្ឋជាអាទិ៍ តាមបញ្ញត្តិមាត្រា ៤៩៤ និងមាត្រា ៤៩៥ នៃក្រមព្រហ្មទណ្ឌ។
លោក សួន សេរីរដ្ឋា បានសម្រេចលាលែងពីគណបក្សអំណាចខ្មែរ ដោយប្រគល់តួនាទីប្រធានស្តីទីដល់លោក សួង សុភ័ណ្ឌ ដែលទើបមកចូលរួមជាអ្នកដឹកនាំគណបក្ស.។នៅព្រឹកថ្ងៃទី១៥សីហាកម្លាំសមត្តកិច្ចប្រហែល៥០នាក់បានទៅពទ្ធ័ឆែកឆេទីស្នាក់ការគណបក្សអំណាចខ្មែរដោយសមត្តកិច្ចនិយាយថាមានការសង្ស័យថា៖គណបក្សអំណាចខ្មែរមានជាប់ពាកពន្ធ័ជាមួយចលនាសេរីរបស់លោកសមសេរី។
