កំពត៖ ចាប់តាំងពីឆ្នាំ២០១ រហូតដល់សព្វថ្ងៃនេះ លោកហង់ជួនណារ៉ុនត្រូវបានគេទទួលស្គាល់ថាជារដ្ឋមន្ត្រីកែទម្រង់ក្នុងវិស័ងអប់រំបានល្អប្រសើរ។តែសម្រាប់ខេត្តកំពត់ ទោះជារាជរដ្ឋាភិបាល បានធ្វើការកែទម្រង់និងលុបបំបាត់អំពើពុករលួយយ៉ាងណាក៏ដោយ សំរាប់មន្ទីរអប់រំខេត្តកំពត ដែលមាន លោក តាក ហាប់ ជាប្រធានមន្ទីរ គឺ រូបគាត់ និងបក្ខពួកនៅតែ
មិនឈឺក្បាលហាលថ្ងៃអនុវត្តឡើយដែលទង្វើនេះធ្វើ អោយបះពាល់ដល់ គោលនយោបាយ របស់រាជរដ្ឋាភិបាល ក៏ជាក្រសួងអប់រំ ។
ប្រភពពីមន្ត្រីរាជការមន្ទីរបានទម្លាយថា ចាប់តាំងពី ខែមករា ឆ្នាំ ២០០៩ មកដែលលោក តាក ហាប់ បានឡើងកាន់តំណែងជាប្រធានស្ដីទីមន្ទីរមួយរយៈខ្លី និងឡើងជាប្រធានមន្ទីរនោះ ជំនួសលោកអតីតប្រធានមន្ទីរចូលនិវត្តន៌ ភូ តឹកុកគឺជិតជិត៨ឆ្នាំហើយ លោក តាក ហាប់ បានពង្រឹងអំណាច និងបង្កើតបក្ខពួក ជាច្រើននៅក្នុងមន្ទីរដើម្បីប្រព្រិត្តិអំពើពុករលួយ។
ប្រភពពីបុគ្គលឹកសឹក្សានៅមន្ទីរបានបង្ហើឲ្យដឹងថា៖ការចំណាយប្រាក់PB នៅតាមសាលា រៀន និងមណ្ឌលសិក្សាសហគមន៍ PLC បានកើតមាននូវភាពមិនប្រក្រតីជាច្រើន ដោយសារនាយកសាលារៀន និងមណ្ឌលសិក្សាសហគមន៏ PLC និមួយៗ កេងបន្លំបំប៉ោង តួលេខ(ចំណាយខ្យល់ )ដើម្បីយកប្រាក់មួយផ្នែកធំ សំរាប់ផ្ដល់ជូនលោក ប្រធានមន្ទីរ និងបក្ខពួក ដែលជាថ្នូគឹការ ទប់កៅអីរបស់ពួកគេ ។
ចំណែកការចំណាយប្រាក់ នៅតាមបណ្ដាការិយាល័យក្នុងមន្ទីរ និងការិយាល័យអប់រំក្រុង ស្រុក ក៏សុទ្ធតែបានផ្ដល់ផលប្រយោជន៍ ដល់លោកប្រធានមន្ទីរ និងបក្ខពួកដែរបើទោះជាមានការលំបាកខ្លះ ដោយសារតែកញ្ចប់ថវិកា និមួយៗ ត្រូវបានទម្លាក់ដល់សាលារៀន និងការិយាល័យផ្ទាល់ ក៏ដោយ។
តាមសេចក្ដីរាយការណ៌ បានអោយដឹងថា ចាប់តាំងពីឆ្នាំ២០១៥ ទោះបីរាជរដ្ឋាភិបាល បានកែទម្រង់ប្រព័ន្នចំណាយថវិកាជាតិ ហើយថវិកាដូចជាសោហ៊ុយទូទាត់ក្នុងប្រទេស (បេសកកម្ម) បន្ទុកបុគ្គលឹក (ប្រាក់បៀវត្តិន៌) ត្រូវបានបញ្ចូលទៅ គណនី សាម៉ីខ្លួនមន្ត្រីនិមួយៗ រួមនិងថវិកាបញ្ចូលទៅការិយាល័យជំនាញ់ និងប្រាក់PB ត្រូវផ្ដល់ទៅមូលដ្ឋានផ្ទាល់ បានធ្វើអោយចំណូលពុករលួយរបស់លោក តាក ហាប់ និងបក្ខពួកបាត់បងមួយភាគធំ ប៉ុន្តែទោះជាយ៉ាងណាក៏ លោកប្រធានមន្ទីរ និងបក្ខពួកមិនខ្វះប្រាក់ចាយដែរ ដោយនៅកឹបកេងប្រាក់ជាច្រើនទៀត។
ប្រភពបានបញ្ជាក់ថា នៅក្នុងឆ្នាំ២០១៦ នឹង២០១៧នេះ លោក តាក ហាប់ បានសហការជាមួយលោក ភោក កុយ ប្រធានស្ដីទី ការិយាល័យគណនេយ្យ និងទ្រព្យសម្បត្តិរដ្ឋ លោក អ៊ូ ភាង ដែលជាអនុប្រធានការិយាល័យគណនេយ្យ និងទ្រព្យសម្បត្តិរដ្ឋ នឹងលោក សូ លិនដា មន្ត្រីការិយាល័យគណនេយ្យ និងទ្រព្យសម្បត្តិរដ្ឋ ធ្វើការកិបកេងថវិកាចំណាយជាច្រើនមានទឹកប្រាក់សរុបខ្ទង់៥០០លានរៀល ហើយក្នុងនោះមួយផ្នែកធំបានទៅលើ លោកប្រធានមន្ទីរ តាក ហាប់ និងមួយផ្នែកទៀតបានទៅលើបក្ខពួក។ ជាមួយគ្នាពួកគេបានធ្វើឯកសារខ្យល់បំភ័ណ្ឌភ្នែកក្រុមអធិការកិច្ច និងក្រុមសវនកម្ម យ៉ាងជំនាញ់បំផុត។
ថវិកាដែលលោក តាក ហាប់ និងបក្ខពួកកិបកេងភាគច្រើនគឺ ប្រាក់បុរេប្រទាន ប្រាក់ទូទាត់ត្រង់ ដូចជាកាចំណាយលើផ្នែកសម្ភារះផ្គត់ផ្គង់ផ្នែករដ្ឋបាល ការថែទាំអាគារ ថែទាំសម្ភារះបចេ្ចកទេស ជុសជុលមធ្យោបាយដឹកជញ្ជូន ការចំណាយលើកាប្រជុំ និងសិក្ខាសាលា ការចំណាយផ្នែកជំនួយសង្គមដល់ពលរដ្ឋ ការឧបត្ថមដំណើរលំហែនិងសិក្សា ការឧបត្ថមផ្នែកកីឡា ។ល។
សរុបទៅការចំណាយលើការទិញជំពួក៦០ សេវាកម្មជំពួក៦១ និង អន្តរាគមន៏សាធារណៈជំពួក៦២ របស់មន្ទីរអប់រំ សរុបមួយឆ្នាំៗមានទឹកប្រាក់រាប់ពាន់លានរៀល ប៉ុន្តែក្នុងនោះមានភាពមិនប្រក្រតី ដែលផ្ដើមចេញពីការឃុបឃិតគ្នា រវាងលោកប្រធានមន្ទីរ តាក ហាប់ និងលោក ភោក កុយ ប្រធានស្ដីទី ការិយាល័យគណនេយ្យ និងទ្រព្យសម្បត្តិរដ្ឋ លោក អ៊ូ ភាង ដែលជាអនុប្រធានការិយាល័យគណនេយ្យ និងទ្រព្យសម្បត្តិរដ្ឋ នឹងលោក សូ លិនដា មន្ត្រីការិយាល័យគណនេយ្យ និងទ្រព្យសម្បត្តិរដ្ឋ ដើម្បីផលប្រយោជន៏រៀងខ្លួន។
ក្រោយពីរឿងអាស្រូវពុករលួយយូឆ្នាំត្រូវបានបែកធ្លាយ លោកប្រធានមន្ទីរអប់រំខេត្តកំពត តាក ហាប់ ក្ដៅក្រហាយ និង បានកោះប្រជុំមន្ត្រីសំខាន់ៗ កាលពីថ្ងៃទ០១ សីហា ឆ្នាំ២០១៧ ដើម្បីពង្រឹងសាមគ្គីផ្ទៃក្នុង និងហាមទម្លាយរឿងផ្ទៃក្នុងចេញទៅក្រៅមន្ទីរ ជាមួយគ្នានោះ លោកតាក ហាប់ ក៏បន្ទោសបង្អាប់ដល់អ្នកសរសេរព័ត៌មាននេះមិនតិចនោះលើយ ។លោកប្រធានមន្ទីរ បង្គាប់ អោយប្រធានការិយាលល័យនិមួយៗ របស់មន្ទីរ ប្រកាសអោយមន្ត្រីថ្នាក់ក្រោម ត្រូវប្រុងប្រយ័ត្នរាល់ការ ទម្លាយរឿងចេញក្រៅថែមទៀត ។
ចំពោះមន្ត្រីមួយចំនួន បានកើតការភ័យខ្លាច ក្រោយលោកប្រធានមន្ទីរ តាក ហាប់ បានធ្វើការកោះប្រជុំនោះ ប៉ុន្តែមន្ត្រីមួយចំនួនមិនសូវខ្លាចទេ ដោយពួកគាត់យល់ថា អ្វីដែលខុសត្រូវតែនិយាយដើម្បីកុំអោយលោកប្រធានមន្ទីរ តាក ហាប់ និងបក្ខពួកជិះសេះលែងដៃតទៀត។
សកម្មភាពពុករលួយនេះគឺបានកើតឡើងតាំងពីសម័យ លោក តាក ហាប់ ឡើងជាប្រធានមន្ទីរស្ដីទី និងជាប្រធានពេញសិទ្ធិ ដំបូងមកម្លេះ ដោយកាលនោះមានលោក សូ វុត្ថា អតីតប្រធានការិយាល័យគណនេយ្យ និងទ្រព្យសម្បត្តិរដ្ឋ ជាអ្នកជួយរៀបចំឯកសារបន្លំភ្នែកក្រុមអធិការកិច្ច និងក្រុមសវនកម្ម យ៉ាងស្ទាត់ជំនាញ។ សូមរំលឹកថា នៅមន្ទីរអប់រំខេត្តកំពត សព្វថ្ងៃ ដឹកនាំដោយលោក តាក ហាប់ កើតនៅថ្ងៃទី២៥ ខែមិនា ឆ្នាំ១៩៦៥ មានក្របខ័ណ្ឌ ក ១. ៦ ជាប្រធានមន្ទីរ និងត្រូវចូលនិវត្តិន៌នៅថ្ងៃទី២៥ ខែមិនា ឆ្នាំ២០២៥ ។
ចំណែកលោក កៅ រិទ្ធ អនុប្រធានមន្ទីរ និងត្រូវចូនិវត្តិន៌ នៅថ្ងៃទី ០១ ខែ ១១ ឆ្នាំ២០២០ ដោយរូបលោកបានចូលបំរើការងារនៅឆ្នាំ១៩៧៩ ពោលគឺ មុនលោកលោកប្រធានមន្ទីរ តាក ហាប់ ចំនួន៧ឆ្នាំ ដោយសព្វថ្ងៃលោក កៅ រិទ្ធទទួលបានក្របខ័ណ្ឌ ក.២.១ ។សំរាប់ លោក ទូច សម្បត្តិ និងលោក សូ ភារិទ្ធ ដែលទើបទទួលការតែងតាំងជាអនុប្រធានមន្ទីរក្រោយពេលលោកអតីតប្រធានមន្ទីរ ភូ តឹកុក ចូលនិវត្តន៌ និងបច្ជុបន្នជាទីប្រឹក្សារាជរដ្ឋាភិបាល មានឋានៈស្នើអនុរដ្ឋលេខាធិការ។
សំរាប់អនុប្រធានមន្ទីរទាំងបីរូប គឺមានលោក សូ ភារិទ្ធ ជាមនុស្សស្និទ្ធនិងលោកប្រធានមន្ទីរជាងគេ ក្នុងចំណោមការិយាយល័យទាំង១១ និងមន្ត្រីចំនួន៩២ រូបដែលបំរើការងារនៅក្នុងមន្ទីរផ្ទាល់ មនុស្សដែលជាបក្ខពួកសំខាន់លោកប្រធានមន្ទីរ គឺមានរូបលោក ខៀវ ធនវុឌ្ឍី ប្រធានការិយាល័យបុក្គលិក និងបណ្ដុះបណ្ដាល ព្រោះថា លោក ខៀវ ធនវុឌ្ឍី ជាមនុស្សពូកែរកលុយពីការតែងតាំងនាយកសាលា និងការផ្លាស់ប្ដូរគ្រូជូនលោកប្រធាន តាក ហាប់ ធ្វើអោយលោក តាក ហាប់ ពេញចិត្តជាងគេ។
ដោយឡែក លោក ភោក កុយ ប្រធានស្ដីទី ការិយាល័យគណនេយ្យ និងទ្រព្យសម្បត្តិរដ្ឋ ក៏ជាមនុស្សជំនិតខ្លាំងលោកប្រធានមន្ទីរដែរ រហូតត្រូវលោក តាក ហាប់ ស្នើរសុំតែងជាប្រធានការិយាល័យពេញសិទ្ធថែមទៀត។មន្ត្រីនៅមន្ទីរអប់រំខេត្តកំពត បានទទួចសុំអោយ អង្គភាពប្រឆាំងអំពើពុករលួយ និងក្រសួងអប់រំ រួមនិងក្រសួងសេដ្ឋកិច្ច និងហិរញវត្ថុ ចាត់វិធានកាស្រាវជ្រាវ ដើម្បីរកអោយឃើញនូវអំពើពុករលួយក្នុងអង្គភាពនេះ។
បញ្ហាពុករលួយកន្លងទៅ មានមន្ត្រីមួយចំនួនបានធ្វើពាក្យប្ដឹងទៅអង្គភាពប្រឆាំងអំពុករលួយ និងត្រូវអង្គភាពប្រឆាំងអំពុករលួយ ចុះស្រាវជ្រាវនិងអោយបំភ្លឺទៀតផង ហើយក្រោយមករឿងនេះបានស្ងាត់មកដល់សព្វថ្ងៃតែម្ដង។ដើម្បីរកកាពិតលើករណីនេះស្ថាបន័ថ្នាក់លើ គួចាត់ក្រុមពិសេសមួយចុះស្រាវករណីនេះតាមបណ្ដា សាលារៀន អោយបានច្រើននៅក្នុងខេត្តកំពត និងរកការពិតឃើញជាមិនខាន ៕
