ខេត្តរតនគិរី ៖ រសៀលថ្ងៃទី ១៤ ខែ សីហា ឆ្នាំ ២០១៧ នៅសាលប្រជុំសាលាខេត្តរតនគីរីមានរៀបចំ ពិធីប្រកាសផ្ទេរចូលកាន់មុខតំណែងប្រធានពន្ធខេត្ត នៃអគ្គនាយកដ្ឋានពន្ធធានាគារ ក្រសួងមហាផ្ទៃ។
ពិធីនេះប្រព្រឹត្តទៅក្រោមអធិបតីភាពឯកឧត្តម អគារនុរក្សថ្នាក់១ សត្តិបណ្ឌិត ចាន់ គឹមសេង អគ្គនាយកនៃអគ្គនាយកដ្ឋានពន្ធធានាគារក្រសួងមហាផ្ទៃ និងឯកឧត្តម ញ៉ែម សំអឿន អភិបាលរងខេត្ត តំណាងឯកឧត្តម ថង សាវុន អភិបាលខេត្ត។
យោងតាមប្រកាសរបស់ក្រសួងមហាផ្ទៃស្តីពីកាតផ្ទេរភារកិច្ច និងតែងតាំងមន្ត្រីរាជការ សម្រេចត្រូវបានផ្ទេរភាកិច្ចលោកឧត្តមអគារនុរក្សថ្នាក់លេខ៣ អ៊ុក គឹមជន ពីប្រធាន មណ្ឌលអប់រំកែប្រែទី៤ អោយទៅកាន់មុខតំណែងជាប្រធានពន្ធធានាគារខេត្តរតនគិរី។
ផ្ទេរភារកិច្ច លោកឧត្តម អគ្គរនុរក្សថ្នាក់លេខ៣ ទីន សុវណ្ណនី ពីប្រធានពន្ធធានាគារ ខេត្តរតនគិរី អោយមកកាន់មុខតំណែងជាអនុប្រធាននាយកដ្ឋានសន្តិសុខពន្ធធានាគារ នៃអគ្គនាយកដ្ឋានពន្ធធានាគារក្រសួងមហាផ្ទៃ។
លោកឧត្តមអគារនុរក្ស អ៊ុក គឹមជន ដែលទើបប្រកាសចូលកាន់មុខតំណែងជាប្រធាន ពន្ធធានាគារខេត្តរតនគិរីបាបប្តេជ្ញាថា ការទទួលបានមុខតំណែងថ្មីនាពេលនេះ គឺជាឪកាសអោយលោកបានរៀនសូត្រដកស្រង់បទពិសោធការងារល្អៗ សម្រាប់បង្កើន សមត្ថភាពផង និងចូលរួមចំណេកចំណេះដឹង និងបទពិសោធការងារដែលខ្លួនធ្លាប់មាន កន្លងមក ផ្តល់ជូនថ្នាក់ដឹកនាំ និងមន្ត្រីពន្ធធានាគារនៅក្នុងភាពដើម្បីរួមគ្នាអនុវត្តអោយ បានជោកជ័យនូវភារកិច្ច ដែលថ្នាក់ដឹកនាំអគ្គនាយកពន្ធធានាគារ និងក្រសួងមហាផ្ទៃរ ប្រគល់ជូន។
លោក អ៊ុក គឹមជន ប្តេជ្ញា គោរពអនុវត្តអោយបានត្រឹមត្រូវតាមបទវិន័យ និងក្រមសីលធម៌មន្ត្រីពន្ធធានាគារ ចូលរូមសហការអនុវត្តតួនាទីភារកិច្ច បង្កើនសាមគ្គីភាពផ្ទៃក្នុងអង្គភាពពន្ធធានាគារ និងជាមួយអង្គភាពពាក់ពន្ធ័ ដើម្បីធានាសន្តិសុខ សវត្ថិភាព ដើម្បីអនុវត្តការអប់រំស្តានីតិសម្បទាជនជាប់ឃុំ និងលើកស្ទួយការអភិវឌ្ឍន៍អង្គភាព ស្របតាមគោលការរបស់ក្រសួងមហាផ្ទៃ អគ្គនាយកដ្ឋានពន្ធធានាគារ និងគណៈអភិបាលខេត្ត។
ឯកឧត្តម ញ៉ែម សំអឿន អភិបាលរងខេត្ត និងឯកឧត្តម ចាន់ គឹមសេង បានលើកឡើងថា ការផ្ទេរចូលកាន់តំណែងប្រធានពន្ធធានាគារខេត្តរតនគីរីនាពេលនេះ គឺមានលក្ខណៈសមស្រប ហើយការផ្លាស់ប្តូរផ្ទេរ ឬសម្រួលភារកិច្ចរបសើមន្ត្រីរាជការ គឺជាកិច្ចការដែលមានចែងក្នុងច្បាប់ លិខិតបទដ្ឋានគតិយុត្តនិងមានគោលបំណងដើម្បីផ្លាស់ប្តូរចែករំលែកដកស្រង់បទពិសោធការងារ ពីកន្លែងការងារមួយទៅកន្លែងការងារ មួយ ឬពីមន្ត្រីម្នាក់ទៅមន្ត្រីម្នាក់ ធ្វើយ៉ាងណាធានាការគ្រប់គ្រងស្ថាប័ននីមួយៗប្រកប ដោយសក្តានុពល និងប្រសិទ្ធិភាពកាន់តែប្រសើរបន្ថែមទៀត។
ឯកឧត្តម ញ៉ែម សំអឿន និងឯកឧត្តម ចាន់ គឹមសេង បានផ្តាំផ្ញើរដល់ប្រធានពន្ធ ធានាគារខេត្តរតនគីរី ដែលចូលកាន់តំណែងថ្មី ត្រូវខិតខំរៀនសូត្រ អនុវត្តតាមគំរូល្អៗរបស់ ថ្នាក់ដឹកនាំពន្ធធានាគារមុនៗ ដើម្បីបន្តដឹកនាំគ្រប់គ្រងអង្គភាពអោយមានសន្តិសុខ សុវត្ថិភាព និងអនុវត្តការងារអប់រំស្តារនីតិសម្បទាជនជាប់ឃុំកែប្រែខ្លួនបានជាពលរដ្ឋល្អ ក្នុងសង្គម ជាពិសេសត្រូវមានការច្នៃប្រឌិតជួយអភិវឌ្ឍន៍ កសាងអង្គភាពអោយកាន់តែរីក ចម្រើនថែមទៀត ដើម្បីរួមចំណែកសម្រេចអោយបានគោលដៅផែនការយុទ្ធសាស្ត្ររបស់ អគ្គនាយកដ្ឋានពន្ធធានាគារក្រសួងមហាផ្ទៃ ៕
ដោយ ៖ ចាបសំអាន