កំពង់ស្ពឺ ៖ នៅខេត្តកំពង់ស្ពឺ អ្នកណាក៏គេស្គាល់លោលោក ញាញ់ ជាបហ៊ងប្រធានមន្ទីរធនធានទឹក និងឧតុនិយមដែរ ។
មូលហេតុក្រៅតួនាទីអ្វីដែលធ្វើឲ្យល្បីគឺលោកប្រធានមន្ទីររូបនេះមានជីវភាពធូរធារយ៉ាងឆាបរហស័ពេកធ្វើឲ្យបុគ្គលឹកក្តៅ។មន្ត្រីរាជការនៃមន្ទីរធនធានទឹក និងឧតុនិយមខេត្តកំពង់ស្ពឺ បានអោយដឹងថា លោក ញាញ់ ជាបហ៊ង បានដឺកនាំមន្ទីរកាលពី ខែកុម្ភៈ ឆ្នាំ ២០១៦។ចាប់តាំង បានឡើងជំនួស លោកអតីតប្រធានមន្ទីចាសគឺលោកអៀ ពិសិដ្ឋ មក លោកប្រធានថ្មី ញាញ់ ជាបហ៊ង បានបង្កើតអំពើពុករលួយយ៉ាងធ្ងន់ធ្ងរ តាមរយៈកឹបកេងថវិកាចំណាយរបស់មន្ទីរ ដោយបង្កើតមន្ត្រីកិច្ចសន្យាខ្មោច មិនតិចជាង២០រូប ក្នុងចំណោមមន្ត្រីកិច្ចសន្យា៤០រូប សំរាប់ឆ្នាំ២០១៧នេះ ។
ក្រៅពីនោះលោកប្រធានមន្ទីរ ក៏បានរួមដៃ និងមន្ត្រីជំនិត ធ្វើការកឹបកេងការចំណាយ លើផ្នែកថែទាំជុសជុលអគារមន្ទីរ សម្ភារៈបច្ចេកទេស ប្រេង សម្ភារៈផ្នែករដ្ឋបាល រួមទាំងប្រាក់មួយផ្នែក នៃសោហ៊ុយទូទាត់ក្នុងប្រទេស ជាប្រភេទថវិកាបុរេប្រទានរបស់មន្ទីរ ។ បើតាមប្រភពខាងលើមនុស្សដែលជាបក្ខពួក លោកប្រធានមន្ទីរគាត់ បានឃុបឃិតគ្នា បន្ថែមចំនួនបេសកម្មខ្យល់ ដើម្បីបានប្រាក់ ស៊ីចាយយ៉ាងសប្បាយ ក្រោយពេលប្រាក់សោហ៊ុយទូទាត់ក្នុងប្រទេស ត្រូវបានបង្វិលចូលគណនីធនាគាររួចនោះ។
ប្រភពបានប៉ាន់ស្មានថា ក្នុងរយៈជាង១ឆ្នាំនេះ លោកប្រធានមន្ទីរ ញាញ់ ជាបហ៊ង បានប្រមូលលុយពុករលួយ ខ្ទង់៣០០លានរៀល ក្នុងនោះមួយផ្នែកធំ គឺ បានពីការប្រមូលលុយប្រាក់ខែ របស់មន្ត្រីកិច្ចសន្យាខ្មោច ដែលមានឈ្មោះ តែមិនបំរើការងារជូនមន្ទីរ ដោយសាម៉ីខ្លួនម្ចាស់បានផលមួយផ្នែកតូច ឯលោកប្រធានមន្ទីរបានផលមួយផ្នែកធំ ។ សម្រាប់មន្ត្រីកិច្ចសន្យាម្នាក់ៗ ក្នុង១ខែទទួលប្រាក់៥០ម៉ឺន ៤០នាក់ក្នុងមួយខែ រដ្ឋចំណាយប្រាក់ខែអស់ចំនួន២០លានរៀល ប៉ុន្តែក្នុងនោះមាន មន្ត្រីកិច្ចសន្យាមួយចំនួនតូចបានបំរើការងារពិតប្រាកដ មួយចំនួនទៀតមិនបានបំរើការងារទេ ដោយគេដាក់ឈ្មោះយកប្រាក់បើកចែកគ្នារវាងម្ចាស់ឈ្មោះនិងលោកប្រធានមន្ទីរដូច្នោះទើបមន្ទីរនេះមានមន្ត្រីកិច្ចសន្យាច្រើននោះ។
ប្រភពបានអោយដឹងថា នៅមន្ទីរធនធានទឹកខេត្តកំពង់ស្ពឺ សព្វថ្ងៃ មានអនុប្រធានមន្ទីរ ៣រូប គឺ លោក ហ៊ី រិទ្ធី លោក សួង ប៊ុនហៅ លោក ណុប ព្រីន ប៉ុន្តែ អនុប្រធានទាំងបី មិនសូវគឺ បានផ្ដល់អំណាចដូចលោក ប្រធានការិយាល័យរដ្ឋបាល ឆន សម្បត្តិ រួមនិងមន្ត្រី២រូបផ្សេងទៀតនោះទេ ។ដោយសារអំពើពុករលួយនេះ បានធ្វើអោយមន្ត្រីដែលខិតខំបំរើកការងារពិតប្រាកដ កើតការមិនពេញចិត្ត តែពួកគាត់ចេះស៊ូទ្រាំ ដើម្បីបន្តការងាររង់ចាំថ្ងៃចូលនិវត្តន៍ ។
ករណីនេះគួរ លោករដ្ឋមន្ត្រីក្រសួងធនធានទឹក លឹម គានហោ ក្រសួងមុខងារសាធារណៈ និងអង្គភាពប្រឆាំងអំពើពុករលួយ សូមចាត់វិធានការចុះស្រាវជ្រាវបន្ទាន់ ដើម្បីកុំអោយដំបៅមួយនេះក្លាយជាជំងឺមហារីកផងទាន!!! ៕
