លោកអ៊ុំ ជា សត្រា មានអាយុ៨០ឆ្នាំ ចាងហ្វាងសារព័ត៌មានខ្មែរថ្មី ហើយក៏ជាស្ថាបនិក ម្នាក់ដែររបស់សម្ព័ន្ធអ្នកសារព័ត៌មានកម្ពុជាដែលបានបង្កើតឡើងនាឆ្នាំ១៩៩៥ដែលមានលោក ជុំ កាណាល់ ជាប្រធាន លោក ឆៃ ស៊ីណារិទ្ធិ ជាអគ្គលេខាធិការ ផងដែរ ក្នុងរជ្ជកាល នៃអាណត្តិ រាជរដ្ឋាភិបាលកម្ពុជាចំរះ ( ហ្វ៊ុនស៊ីនបិច គណបក្ស ប្រជាជនកម្ពុជា ) ដែល មាននាយករដ្ឋមន្ត្រី២នាក់ គឺទ្រង់រណឬទ្ធិជានាយក រដ្ឋមន្ត្រីទី១ សម្តេចហ៊ុន សែន នាយករដ្ឋមន្ត្រីទី២ ។
លោកអ៊ុំ ជា សត្រា បើ ក្នុងពិភពអ្នកកាសែតគឺលោកជាចាស់ទុំជាងគេ ហើយស្ទើរមួយជីវិត លោកអ៊ុំបានបំរើសង្គមក្នុងវិស័យសារព័ត៌មាននេះ ដែលពីអតីតកាលលោកជាចាហ្វាងកាសែតអ្នកនាំសារ ហើយក្រោយមកបានផ្លាស់ប្តូរឈ្មោះជាកាសែតខ្មែរថ្មី រហូតដល់បច្ចុប្បន្ននេះ ហើយលោកអ៊ុំ ក៏ជាប្រធានក្រម សីលធម៌របស់សម្ព័ន្ធអ្នកសារពត៌មានកម្ពុជាផងដែរ ។ តែដោយសារសុខភាព និងវ័យចាស់ជរា(៨០ឆ្នាំ) របស់លោកអ៊ុំកាន់ទ្រុឌទ្រោមខ្លាំងហ៊ុំព័ទ្ធដោយ ជម្ងឺព្យាធិ រួមទាំងស្ថាន ភាពរស់នៅដោយឯកោព្រោះលោកអ៊ុំគ្មានគ្រួសារ កូនចៅជាទីពឺងទេ សព្វថ្ងៃនេះ គឺជួលផ្ទះគេ ស្នាក់នៅក្នុងទឹកដីខណ្ឌពោធិសែនជ័យ រស់ អាស្រ័យដោយសារសប្បុរសជននិងមិត្តភក្តិដែលធ្លាប់ស្គាល់ជួយឧបត្ថម្ភបន្តួច គ្រាន់ដោះស្រាយជីវភាព ប្រចាំថ្ងៃទាំងត្រដាបត្រដួសគួរឲ្យសង្វេកជាទីបំផុត។
កាលពីពេលថ្មីៗនេះ តាមរយៈលោកស៊ុន សោភណ្ឌ ចាងហ្វាងសារ ព័ត៌មានដំណឹងភ្នំពេញ បានអំពាវនាវស្វែងរកការឧបត្ថម្ភពីសប្បុរសជនដែលអាណិតស្រលាញ់និងស្គាល់លោកអ៊ុំ ជា សត្រា បានផ្តល់ថវិកាមួយចំនួនជូនលោកអ៊ុំ មានទី១-លោកឧត្តមសេនីយទោ ឡុង ស្រេង អនុប្រធាន នាយកដ្ឋាននគរបាលសេដ្ឋកិច្ចក្រសួងមហាផ្ទៃ ចំនួន១០០ដុល្លារអាមេរិក ២-លោកគិត សុផា អភិបាលរងខេត្តពោធិសាត់ចំនួន៥០ដុល្លារ ៣-លោក សេង ឬទ្ធី ប្រធាន ការិយាល័យរដ្ឋាបាលនៃមន្ទីរដែនដីនគរូបណីកម្ម សំណង់រាជធានីភ្នំពេញ ១០មឺនរៀល ៤-លោក ឱម ច័ន្ទតារា ប្រធានសមាគមមិត្តអ្នកសារព័ត៌មានខ្មែរចំនួន១០ដុល្លារ ៥-លោក ម៉ែន បូរិទ្ធ ៨មឺនរៀល ៦-លោក កិះ ខន ១០មឺនរៀល អ្នកទាំងពីរជាអ្នកយកព័ត៌មានឲ្យកាសែតដំណឹងភ្នំពេញនៅខេត្តក្រចេះ ។ លោក គួច ចំរើន អភិបាលខេត្តកំពង់ចាមក៏បានឧបត្ថម្ភចំនួន១០០ដុល្លារផងដែរ ។
បើតាមការឲ្យដឹងពីមន្ត្រីនៅសាលារាជធានីភ្នំពេញនៅថ្ងៃខាងមុខនេះក៏នឹងមានតំណាងសាលារាជធានីនាំយកអំណោយទៅផ្តល់ជូនលោកអ៊ុំជា សត្រា ដល់ដៃផងដែរ។ លោកអ៊ុំ ជា សត្រា បានត្រកអររកអ្វីប្រៀបផ្ទឹមពុំបានទេនៅពេលនេះមានតែតលើកដៃសំពះបួងសួងឲ្យពរជ័យដល់ម្ចាស់ទានគ្រប់ៗរូបសូមឲ្យជួបតែតសេចក្តីសុខចំរើន និង ប្រកបតែពុទ្ធពរទាំងបួនប្រការគឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។ សង្ឃឹមថាទៅថ្ងៃមុខសប្បុរសជននឹងបន្តជួយដល់លោកអ៊ុំ ជា សត្រា ជាបន្តទៀត ៕