មណ្ឌលគីរី៖ ចាប់ពីថ្ងៃទី១១សីហាប្រជាពលរដ្ឋក៏ដូចជាសម្តេចអគ្គមហាសេនាបតីតេជោហ៊ុនសែននាយករដ្ឋមន្ត្រីបាននិងកំពុងខ្វាយខ្វល់ក្តៅក្រហាយនិងសកម្មភាពដែលទាហ៊ានឡាវឈ្លានពានទឹកដី។មុននិងចេញទៅជួបចរចារជាមួយភាគីឡាវដើម្បីដោះស្រាយបញ្ហាជាតិដម្តេចតេជោហ៊ុនសេនបានបញ្ជារឲ្យបញ្ចេញកម្លាំងទព័និងអាវុធយុទ្ធភណ្ឌ័ទៅការពារទឹកដី នៅព្រុំដែន។ តែអ្វីដែលគួឲ្យហួសចិត្តឆ្លៀតពេលដែលស្រុកកំពុងកើតមានកោលហល កាលពីយប់មិញថ្ងៃទី១១ខែសីហាឆ្នាំ២០១៧201 ឧកញ៉ា ២រូប ដែលគេស្គាល់ថាជឈ្មួញឈើប្រណិតល្បីល្បាញគឺឧញ៉ា សិង្ហ សំអុល និងឧញ៉ា វ៉ន ប៊ុនថៃ បានសម្រុកដឹកឈើទៅកាន់ប្រទេសវៀតណាម យ៉ាងហោចណាស់ជិត២០ឡាន ធុនធំ ។
តាមសេចក្ដីរាយការណ៍ពីប្រជាពលរដ្ឋបានឲ្យដឹងថា៖ ឈើទាំងនោះត្រូវបានគេដឹកចេញពីក្រុមហ៊ុន ម៉ាស្ទ័រខេ សាន់ របស់ឧញ៉ា សិង្ហ សំអុល ដែលមានទីតាំងនៅដែនព្រៃអភិរក្សភ្នំព្រេច ក្នុងខេត្តមណ្ឌលគិរី ។
ឈើទាំងនោះត្រូវបានគេដឹកទៅកាន់ប្រទេសវៀតណាម ដោយឆ្លងកាត់តាមខេត្តក្រចេះ ។ គួរបញ្ជាក់ថា ឧញ៉ា សិង្ហ សំអុល គឺជាមុខសញ្ញា នៃបទឧក្រិដ្ឋកម្មព្រៃឈើ ដែលត្រូវបានចង្អុលបង្ហាញកាលពីថ្ងៃទី១៥មករាឆ្នាំ២០១៦កន្លងមក ដោយសម្ដេចនាយករដ្ឋមន្ត្រី ។ ប៉ុន្តែបើទោះជាដូច្នេះក្ដី រហូតមកដល់ពេលនេះ ឧញ៉ាដែលមានឈ្មោះមិនសូវល្អរូបនេះ នៅតែមានលទ្ធភាពកាប់បំផ្លាញព្រៃឈើខ្មែរ ដឹកចេញទៅក្រៅប្រទេសយ៉ាងគឃ្លើនដដែល។
ជាក់ស្តែងទោះជាគេឃើញមានលោកសាយសំអាល់រដ្ឋមន្ត្រីបរិស្ថានវ័យក្មេងបង្ហាញពីការប្តេជ្ញាចិត្តទប់ស្កាត់និងប្ក្រាប់បទល្មើសព្រៃឈើក៏ដោយក៏តំបន់ព្រៃអភិរក្សដែលទទួទលខុសត្រូវដោយមន្ត្រីបរិស្ថាននៅតែមានការកាប់ឈើយ៉ាងរង្គាលដដែល។ប្រភពពីប្រជាពលរដ្ឋឲ្យដឹងថា បច្ចុប្បន្នមានការកាប់ឈើនៅព្រៃអភិរក្សភ្នំព្រេច ក្នុងខេត្តមណ្ឌលគិរី យ៉ាងរង្គាល តាមរយៈការផ្ដល់លុយទៅឲ្យក្រុមមន្ត្រីអភិរក្ស ដែលត្រូវបានគេរាយការណ៍ថា ក្នុង១ឡានចំណាយលុយ ៨រយដុល្លារអាមេរិក ។
ប្រភពខាងលើបានឲ្យដឹងថា៖ក្រុមហ៊ុនម៉ាស់ស្ទ័រខេសាន់ដែលមានលោកឧកញ៉ាសឹង្ហ សំអុលជានាយកក្រុមហ៊ុនបាននឹងកំពុងឲ្យឈ្មោះ(ម៉ុក) ជាប្រជាពលរដ្ឋរស់នៅក្នុងភូមិទី០១ ឃុំស្រែសង្គម ស្រុកកោះញែកកែនប្រជាពលរដ្ឋនៅក្នុងភូមិឃុំខាងលើជញ្ជូនរណាយន្តតាមមធ្យោបាយកាឡេថងនិងមនុស្សម្នាជាច្រើនចូលទៅកាប់ឈើដែលសេសសល់ជិត ក្បែរ បរិវេណដីក្រុមហ៊ុនអារជ្រៀកជាឈើគ្រឿងលក់ឲ្យក្រុមហ៊ុនលោកដោយឲ្យបុគ្គលឈ្មោះ(ម៉ុក)ជាអ្នកចាត់ចែងទូទាត់ថវិការ និង ដឹកឈើចូលក្រុមហ៊ុន ដោយប្រភេទឈើសុក្រំក្នុងមួយម៉ែត្រគូបតំលៃ៣៥០.០០០រៀល និង ប្រភេទផ្ចឹក គរគីតំលៃ៤៥០.០០០រៀលក្នុងមួយម៉ែត្រគូបផងដែរ។
ប្រភពដដែលនៅបានបញ្ជាក់ទៀរថា កាលពីរដូវប្រាំងដើមឆ្នាំ២០១៧គេឃើញ មានរថយន្តប្រភេទយក្សយីឌុបនៅក្នុងបរិវេណក្រុមហ៊ុនមានមិនតិចជាង៦០ទៅ៧០គ្រឿងទេ ចេញចូលដឹកឈើពីទីនេះយកទៅក្រៅ និងមកទល់ពេលនេះក៍នៅមានរថយន្ត ប្រភេទនេះទុកចោលក្នុងក្រុមហ៊ុនដោយមិនអាចធ្វើចរាចរណ៍កើតដោយស្ថានភាពផ្លូវពិបាកពេកព្រោះមានភ្លៀងធ្លាក់ខ្លាំងនិង ច្រើនលើសលប់។
សម្រាប់ការលួចចេញឈើក្នុងពេលដែលគេរវល់និងការឈ្លានពានរបស់ឡាវនេះក្រៅពីពតិមានជាក់ស្តែងស្តីពីសកម្មភាពដឹកជញ្ជូនឈើប្រណិតទៅស្រុកយួនដោយឧកញ៉ាសិង្គសំអុលនិងឧកញ៉ាថៃដែលគេជឿងថាប្រកដជាមានការឃុបឃឺតគ្នាជាមួយសមត្តកិច្ចជំនាញនិងមូលដ្ឋានសេចក្តីរាយការណ៍ស្តីពីសកម្មភាពកាប់បំផ្លាញព្រៃឈើក្នុងតំបន់ព្រៃអនុរក្សភ្នំព្រិចមិនអាចស្វែងរកការបំភ្លឺពីអ្នកទទួលខុសត្រូវបាននៅឡើយ។
តាមប្រភពពីដៃជើងលោកឧកញ៉ា សឹង្ហ សំអុល បានឲ្យដឹងថា ក្រុមនេះបាននិងកំពុងប្រើឈ្មោះ មន្ត្រីជាន់ខ្ពស់នៃខុទ្ទកាល័យសម្តេច ហ៊ុន សែន នាយករដ្ឋមន្ត្រីកម្ពុជា ដើម្បីបិទបាំង និងគំរាម មន្ត្រីជំនាញ រួមទាំងអាជ្ញាធរគ្រប់លំដាប់ថ្នាក់ថែមទៀត ។ ដូច្នេះហើយទើបទាំងអាជ្ញាធរ កងកម្លាំង មន្ត្រីជំនាញ រួមទាំងប្រជាពលរដ្ឋតំបន់នោះតែងតែនិយាយតៗ គ្នាថា ក្រុមឧកញ៉ា សឹង្ហ សំអុល គឺជាក្រុមហ៊ុនរបស់ខុទ្ទកាល័យសម្តេច ហ៊ុន សែន ពេញៗមាត់តែម្តង។
សង្ឃឺមថា នឹងមានការស្រាវជ្រាវពន្យល់ពីស្ថាបន័ថ្នាក់លើប្រសិនបើមិនមានការទទួលបានផលប្រយោជន៍ពីបទល្មើសនោះទេ!៕
