កំពង់ឆ្នាំង៖ នៅមុខផ្សារនិងជំវិញផ្សារលើត្រូវបានអាជីវករដាក់តាំងទំនិញសំភារៈលក់បង្កការកកស្ទះចរារណ៍និងធ្វើអោយបាត់បង់សណ្ដាប់ធ្នាប់ សោភ័ណភាព អនាម័យទីផ្សារ។
ករណីនេះប្រជាពលរដ្ឋសំណូមពរដល់ឯកឧត្តមឈួរ ច័ន្ទឌឿនអភិបាលខេត្តកំពង់ឆ្នាំងមេត្តាជួយមានវិធាមការរៀនចំអោយមានផ្លូវសាធារណៈជុំវិញផ្សាឡើងវិញងាយស្រួលផង ព្រោះ បើពឹងលើសាលាក្រុងនិងមន្ទីរសេដ្ឋកិច្ចនិងហិរញ្ញវត្ថុខេត្តកក់ក្តៅដូចអាំងផេះព្រោះដឹងតែពីលុយ!!! ។
ប្រជាពលរដ្ឋបានអោយដឹងថា៖ចំពោះបញ្ហាសណ្ដាប់ធ្នាប់ សោភ័ណភាពនិង អនាម័យផ្សាលើនេះកន្លងទៅកាលអំឡុងឆ្នាំ២០០៨(ជំនាន់លោកកាន់ ខេមរាជាអភិបាលក្រុងកំពង់ឆ្នាំង)ខាងក្រុមហ៊ុនថូម៉ាក់បានធ្វើការសាងសង់ផ្សារឡើងដោយមានរៀបចំប្រព័ន្ធលូបង្ហូទឹកខ្វាត់ខ្វែងនិងមានរៀបចំប្រព័ន្ធផ្លូវថ្នល់សាធារាណៈព័ទ្ធជំវិញផ្សាលើ សម្រាប់អោយរថយន្តតូច ធំដឹកទំនិញសំភារៈចេញចូលព័ទ្ធជំវិញផ្សារបានត្រឹមត្រូវល្អណាស់។
ប៉ុន្តែក្រោយមកដោយមានការឃុបឃិតគ្នារវាងអ្នកម៉ៅការភាស៊ីផ្សារ អាជ្ញាធរ និងមន្ត្រីជំនាញពាក់ព័ន្ធបានវាស់ដីចំណីផ្លូវសាធារណៈជំវិញផ្សារលក់អោយអាជីករស្ទើអស់គ្មានសល់ដែលជាហេតុធ្វើអោយផ្សារលើបាត់បង់ផ្លូវថ្នល់សាធារណៈព័ទ្ធជំវិញផ្សារអស់ព្រមទាងបាត់សណ្ដាប់ធ្នាប់ សោភ័ណភាព អនាម័យផ្សារថែមទៀតផង ។
លុះមកដល់ឆ្នាំ២០១២ខាងអង្គការចៃការរបស់ប្រទេសជប៉ុនក៏បានមកជួយអភិវឌ្ឍន៍ក្រុងកំពង់ឆ្នាំងអោយមានសោភ័ណភាព អនាម័យល្អ ដោយបានសាងសង់កែលម្អប្រព័ន្ធលូទឹកនិងផ្លូវសាធារណៈព័ទ្ធជំវិញផ្សារបានយ៉ាងស្អាតល្អគួរអោយមោទនៈភាពណាស់ដោយក្រាលការ៉ូ ការូឡាផ្លូវសាធារណៈពេញទាំងសងខាងផ្សារទៀតផង ប៉ុន្តែត្រូវបានក្រុមអ្នកមៅការភាស៊ី ឃុបឃិតជាមួយអាជ្ញាធរក្រុងនិងមន្ត្រីជំនាញពាក់ព័ន្ធយកដីចំណីផ្លូវជំវិញផ្សារលើដែលខាងអង្គការចៃការបានក្រាលការ៉ូ ការ៉ូឡារួចយ៉ាងស្អាតនោះវាស់លក់អោយអាជីវករអស់ទៀត។
កន្លងមកផ្សារសេរីសម្រាប់អាជីវករលក់ទំនិញបោះដុំ និងរាយពេលជិតភ្លឺនិងពេលព្រឹកគឺមាននៅតាមផ្លូវសាធារណៈសងខាងផ្សារគឺខាងជើងផ្សារ និងខាងត្បូងផ្សារ។
តែបច្ចុប្បន្នសមត្តកិច្ចក្រុងនិងមន្ទីរជំនាញបានឃុបឃិតគ្នាយកដីចំណីផ្លូវសាធារណៈសងខាងផ្សារវាស់លក់អោយអាជីវករអស់។ គេបានយកផ្លូវសាធារណៈនៅខាងមុខផ្សារលើធ្វើជាផ្សារសេរីអោយអាជីវករដាក់លក់ទំនិញបោះដុំនិងរាយពាសពេញផ្លូវជាហេតុបង្កអោយមានការកកស្ទះចរាចរណ៍ស្ទើរាល់ថ្ងៃនិងធ្វើអោយបាត់បង់សោភ័ណភាព អនាម័យទាំងស្រុង ធ្វើអោយប៉ះពាល់យ៉ាងខ្លាំងដល់កិត្តិយស កិត្តិនាមឯកឧត្តមឈួរ ច័ន្ទឌឿនអភិបាលខេត្តកំពង់ឆ្នាំងដែលលោកធ្លាប់តែទទួលបានការកោតសសើស្នាដៃក្នុងការកសាងអភិវឌ្ឍន៍ខេត្ត បានស្អាតល្អផូផង់ស្របតាមទឹសស្លោកគោលការណ៍ប្រលងប្រណាំងរបស់រាជរដ្ឋាភិបាល <<ទីក្រុងស្អា បរិស្ថានស្អាត អនាម័យល្អ>>៕