ខេត្តរតនគិរី ៖ កម្លាំងគណះបញ្ជាការឯកភាពស្រុកអូរយ៉ាដាវបានសហការរួមគ្នា ដែលមានកម្លាំងកងរាជអាវុធហត្ថស្រុកអូរយ៉ាដាវ03នាក់ កម្លាំងអធិការស្រុក02នាក់ កម្លាំងប៉ុស្ថិច្រកទ្វាអន្តរជាតិ02នាក់ និងកម្លាំងសង្កាត់រដ្ធបាលព្រៃឈើ01នាក់ ដោយដឹកនាំផ្ទាល់ពិលោក វរះសេនីយ៍ត្រី សុខ មីន មេបញ្ជាការប៉េអឹមស្រុកអូរយ៉ាដាវ បានដុតដៃដុតជើងដេញប្រផាក់ចាប់ប្រផីងតាមបង្ក្រាបរថយន្តចំនួនពីរគ្រឿងដែលផ្ទុកទៅដោយបទល្មើសឈើប្រណិតប្រភេទឈើក្រញ៉ូង និង ឈើធ្នុង ដែលឈ្មួញពុំស្គាល់អត្តសញ្ញណ លួចដឹកជញ្ជូនឆ្លងកាត់ដែនសមត្ថកិច្ចជាច្រើនតាមដងផ្លូវជាតិលេខ78
ជាពិសេស បើកឆ្លងកាត់ទីបញ្ជាការកងរាជអាវុធហត្ថស្រុកអូរយ៉ាដាវតែម្តង បម្រុងឆ្ពោះទៅកាន់ច្រកទ្វាអន្តរជាតិ ត្រូវបានសមត្ថកិច្ចដេញតាមពីក្រោយដើម្បីធ្វើការបង្ក្រាប។
រថយន្តទាំងពីរគ្រឿងដែលរងការបង្ក្រាបពីកម្លាំងសមត្ថកិច្ចចម្រុះនេះ រួមមាន÷ ទី១ រថយន្តកាម៉ារីបាឡែន ព័ណទឹកប្រាក់គ្មាន(ស្លាកលេខ)ទី២ រថយន្តកាម៉ារីឆ្លាមព័ណត្រីឆ្លូញគ្មាន(ស្លាក់លេខ)
គឺធ្វើឡើងកាលពីថ្ងៃទី09ខែសីហាឆ្នាំ2017វេលាម៉ោង2និង30នាទីរំលងអធ្រាត។ នៅត្រង់ចំណុចភូមិប៉កធំ ឃុំប៉កញ៉ៃស្ថិតក្នុងភូមិសាស្ត្រស្រុកអូរយ៉ាដាវ ខេត្តរតនគិរី។
លោក វរះសេនីយ៍ត្រី សុខ មីន មេបញ្ជាការកងរាជអាវុធហត្ថស្រុកអូរយ៉ាដាវ បានអោយដឹងនៅព្រឹកថ្ងៃទី10ខែឆ្នាំដដែលនេះថា ៖ រថយន្តទាំងពីរគ្រឿងខាងលើនេះលោកសង្កេតឃើញ សកម្មបំផុតក្នុងការដឹកជញ្ជូនបទល្មើសផលអនុផលព្រៃឈើឆ្ពោះទៅកាន់ច្រកទ្វា អន្តរជាតិអូរយ៉ាដាវ ហើយលោកក៍បានសុំសហការនិងលោកប្រធានច្រកអោយជួយទប់ស្កាត់ ផងដែរ ប៉ុន្តែ ដូចជាគ្មានប្រសិទ្ធិភាព គេពុំសហការជាមួយទាល់តែសោះ កន្លងមកខាងច្រក ទ្វាធ្វើអោយរបូតទៅបី បួនករណីឯណោះ ។
លោកវរសេនីយ៍ត្រីរូបនេះបន្តទៀតថា ករណីចុងក្រោយរថយន្តទាំងពីរគ្រឿងទំរាំតែបង្ក្រាបបានសម្រេចដោយសារលោកដេញតាមពីក្រោយ ប្រើប្រាស់ល្បឿនរថយន្តរហូតដល់កុងទ័រ(140) និងទូរស័ព្ទទៅប៉ូលិស្ថប៉ុស្ថិ៍កាន់សោរបិតបើកទ្វាផ្ទាល់ផងនោះទើបឈានទៅចាប់បង្ក្រាបបានតែម្តង។
លោកវរសេនីយ៍ត្រី សុខមីន បានបន្ថែមថា ៖ លោកបានអនុវត្តយ៉ាងម៉ឺងម៉ាត់បទបញ្ជារួម របស់ឯកឩត្តមអភិបាលគណៈអភិបាលខេត្តដ៏ក្តៅកគុក និងលោកមេបញ្ជាការខេត្ត អោយសហការគ្នា ទប់ស្កាត់នៃការនាំចេញបទល្មើសផលអនុផលព្រៃឈើទៅប្រទេសជិតខាងជាប់ព្រំប្រទល់។
ជាក់ស្តែងករណីមួយនេះ ប្រសិនជាលោកមិនដេញតាមពីក្រោយទេនោះ ប្រាកដជាចាប់មិនបាននោះឡើយ គឺទៅយ៉ាងរលូន ឃើញបទល្មើសជាក់ស្តែងដេញប្រផាក់ចាប់ប្រផីងនិងសុំសហការជាមួយច្រក ទើបចាប់បាន។
ខណៈដែលចាប់បានហើយបែរជខាងច្រកលើកហេតុផល ពាក្យអាស្រូវ ថា ៖ ម៉េចមិនបង្ក្រាបពីខេត្តចាំបាច់មកបង្ក្រាបនៅច្រកទៅវិញ?។
គេចង់បែងចែក សិចទ័រដែនសមត្ថកិច្ចបង្ក្រាបបទល្មើស ។
លោកសួរថា÷ តើសិចទ័រនោះជាដីរបស់អ្នកណា? សូម្បីសមត្ថកិច្ចលើកកាម៉ារ៉ាផ្តិតយករូបភាពបទល្មើសនៅមាត់ច្រកក៏មិនបានផងនោះ។ ក្រែងយើងរស់នៅគ្រោមការគ្រប់គ្រងការងាររដ្ធបាលស្រុកនៃព្រះរាជាណាចក្រកម្ពុជាទាំងអស់គ្នាតើ។
ចុងក្រោយ លោកសំណូមពរដល់មន្ត្រីគ្រប់គ្រងច្រកទ្វារមេត្តាមានវិធានការទប់ស្កាត់បទល្មើសផង ទៅបណ្តែតបណ្តោយជាប្រព័ន្ធបើកដៃជាចំហរ អោយបទល្មើសចេញចូលយ៉ាងរលូនដូច្នេះ ។
រថយន្តទាំងពីរគ្រឿងព្រមទាំងវត្ថុតាងឈើប្រណិត សមត្ថកិច្ចចម្រុះរិបអូសមកបំពេញសំណុំបែបបទបញ្ជូន ទៅផ្នែករដ្ធបាលព្រៃឈើបរកែវចាត់ការបន្តតាមនិតិវិធីច្បាប់ព្រៃឈើ ។
តាមការវាស់វែងរបស់សមត្ថកិច្ចជំនាញ ឈើប្រណិតប្រភេទឈើក្រញ៉ូងសរុបមានចំនួន560គីឡូក្រាមស្មើនិង 0,44m3 ឈើប្រណិតប្រភេទឈើធ្នុងសរុបចំនួន10,52 គីឡូក្រាម ស្មើនិង 0,840m3 ៕
រតនគិរី