ខេត្តស្វាយរៀង៖នគរបាលខេត្តស្វាយររៀងបំបែកបានហើយករណីយ៍រំលោភសម្លាប់និងប្លន់នារីបុគ្គលិក កាស៊ីណូ «Good Luck» នៅក្រុងបាវិតដែលជិះតាក់ស៊ីមកពីភ្នំពេញកាលពីថ្ងៃទី២សីហាឆ្នាំ២០១៧។
ប្រភពពីសមត្តកិច្ចខេត្តបានឲ្យដឹងថាដោយមានការបញ្ជាផ្ទាល់ ពីលោកឧត្តមសេនីយ៍ទោ កឹង ឃន ស្នងការនគរបាលខេត្តស្វាយរៀងសមត្តកិច្ចនគរបាល ខេត្តស្វាយរៀង បានធ្វើការស្រាវជ្រាវឈានដល់ឃាត់ ខ្លួនជនសង្ស័យ ២ នាក់ ប្រុស ឈ្មោះឆឺយ សុជាតិ អាយុ៣៦ឆ្នាំ(រស់នៅភូមិព្រៃតាញ៉យ ឃុំខ្សែត្រ ស្រុកកំពង់រោទិ៍) ដកហូតរថយន្ត ១ គ្រឿង ម៉ាក Highlander វត្ថុតាងខ្សែក ១ ខ្សែ ចិញ្ចៀន ១ វង់ ។ឯបក្ខពួកម្នាក់ទៀត ឈ្មោះផ្លេក មុន្នី ភេទប្រុស អាយុ៣២ឆ្នាំជនសង្ស័យទាំងពីរនាក់មុខរបរបបើកបររថយន្តតាក់ស៊ី ដែកបានរំលោភសំលាប់ ជនរងគ្រោះឈ្មោះ សុវណ្ណ សុម៉ាលីន ភេទស្រី អាយុ ១៨ ឆ្នាំ ស្រុកកំណើតខេត្តត្បូងឃ្មុំ កាលពីថ្ងៃទី០២.០៨.២០១៧ និងបានបោះសពចោលក្នុងទឹកស្រែ ក្នុងភូមិ តាពៅ សង្កាត់ បាវិត ក្រុងបាវិត ។ បច្ចុប្បន្នសមត្ថកិច្ចខេត្ត កំពុងកសាងសំនុំរឿងចាត់ការតាមច្បាប់ ។
សូមបញ្ជាក់ថា នារីរងគ្រោះឈ្មោះ សុវណ្ណ សុខម៉ាលីន អាយុ១៨ឆ្នាំ ជាបុគ្គលិកកាស៊ីណូ ហ្គូដឡាក់ ក្រុងបាវិត «Good Luck» បានបាត់ខ្លួនកាលពីថ្ងៃទី២ សីហា ២០១៧នៅក្រុងបាវិត។ ត្រូវបានប្រជាពលរដ្ឋ និងសមត្ថកិច្ចប្រទះឃើញសាកសពកាលពីថ្ងៃទី០៤ ខែសីហា ឆ្នាំ២០១៧ ៕
