បាត់ដំបង៖ កញ្ញា ស៊ិន ចាន់ពៅរ៉ូហ្ស៊េតចៅសង្កាត់អូចា ខេត្ត បាត់ដំបងកាលពីរសៀលថ្ងៃទី៧ សីហា បានចេញលិខិតឆ្លើយតប ទៅនិងការ ព្រមាន របស់ចៅហ្វាយខេត្តបាត់ដំបងដែលព្រមានចាត់វិធានការបន្ទាន់ និងម៉ឺងម៉ាត់បំផុត ប្រសិនបើ ចៅ សង្កាត់អូរចារ បន្តផ្ដល់សេវាសាធារណៈឥតគិតថ្លៃដល់ប្រជាជន ដោយគ្មានការប្រជុំ អនុ ម័ត តម្លៃ។
នៅក្នុងលិខិតចុះថ្ងៃទី០៣ ខែសីហា ឆ្នាំ២០១៧របស់ រដ្ឋបាលខេត្តបាត់ដំបងចុះហត្ថលេខាដោយលោកចាន់សុផល បញ្ជាក់ថា ការកំណត់ផ្តល់សេវាសាធារណៈក្នុងតម្លៃសូន្យរៀល ដោយចៅសង្កាត់អូរចារ កញ្ញាស៊ិន ចាន់ពៅរ៉ូហ្ស៊េត គឺជាទង្វើរំលោភច្បាប់ និងរំលោភអំណាច ព្រោះកញ្ញាមិនបានប្រជុំជាមួយក្រុមប្រឹក្សា ឃុំសង្កាត់ ដើម្បីអនុម័ត។
លិខិតលោកចាន់សុផលបានទាមទាឲ្យកញ្ញា ចៅសង្កាត់អូរចារ ធ្វើការផ្អែកតាមគោលការណ៍ច្បាប់ និងលិខិតបទដ្ឋានគតិយុត្តិដូចខាងក្រោម៖ទី១. រៀបចំកិច្ចប្រជុំក្រុមប្រឹក្សាសង្កាត់ ដើម្បីអនុម័តយកតម្លៃសេវាសាធារណៈ សូន្យរៀល មុនពេលអនុវត្ត។
ទី២. តម្រូវឲ្យកញ្ញា រ៉ូហ្ស៊េត ចេញថវិកាផ្ទាល់ខ្លួនជំនួសប្រជាពលរដ្ឋ ដែលមកទទួលសេវាដោយមិនគិតថ្លៃ ដល់រដ្ឋវិញ។ទី៣. ករណីរចៅសង្កាត់អូរចារ មិនអនុវត្តតាមសេចក្ដីណែនាំ រដ្ឋបាលខេត្តបាត់ដំបង នឹងមានវិធានការជាបន្ទាន់ និងម៉ឺងម៉ាត់បំផុត ចំពោះចៅសង្កាត់រូបនេះ។ សូមអានលិខិតឆ្លើយតបរបស់ ចៅសង្កាត់ស្រី អូចារ ៖
