មណ្ឌលគិរី ៖ រឿងរ៉ាវសមត្តកិច្ចខេត្តមណ្ឌលគិរីឃុបឃឹតបើដៃឲ្យចោរយួនចូលមកកាប់ឈើខ្មែរនៅតំបន់អូរហ៊ុចមិនទាន់ត្រូវបានវែកមុខយកមកផ្ទន្ទាទោសនោះឡើយបើទោះបីជាសំណុំរឿងរសើបមួយនេះត្រូវបានបញ្ជូនឲ្យតុលាការាជធានីភ្នំពេញចាត់ការក៏ដោយ ។ តែឥឡូវនេះនៅក្នុងអាណាក្រខេត្តមណ្ឌលគិរីអ្វីដែលគួឲ្យភ្ញាក់ផ្អើលមួយទៀតគឺថាត្រាក់ទ័រចោរ យួនដែលលួចចូលមកកាប់ឈើក្នុងខេត្តមណ្ឌលគីរីហើយត្រូវចាប់ដកហូតចំនួន៧គ្រឿងបែជាត្រូវបានគេយកទៅប្រើប្រាស់លក្ខណៈឯកជនរបៀបចង់ស៊ីដាច់ទៅវិញ។
ប្រភពពីនគរបាលខេត្តមណ្ឌលគិរី បានលួបង្ហើបឲ្យដឹងថា ត្រាក់ទ័រចំនួន៧គ្រឿងរបស់ជនជាតិយួន ដែលឆ្លងដែនចូលមកកាប់ឈើក្នុងដីខ្មែរខុសច្បាប់ នៅឃុំប៊ូស្រា ស្រុកពេជ្រាដា ត្រូវបានការិយាល័យប្រឆាំងបទល្មើសសេដ្ឋកិច្ច ឃាត់ចាប់យកមករក្សាទុកនៅស្នងការដ្ឋានខេត្តក្នុងកាលពី ឆ្នាំ២០១៥នោះ ឥឡូវត្រូវបានថ្នាក់ដឹកនាំនគរបាលខេត្ត នាំគ្នាយកចែកគ្នាប្រើអស់ហើយ។
ការបែកធ្លាយពតិមាននេះគឺកើតឡើងពេលដែលលោកតូចយ៉ុនត្រូវបានថ្នាក់លើដកចេញហើយដាក់លោកឧត្តមសេនីយ៍អ៊ុក សំណាងជាស្នងការនគរបាលខេត្តមណ្ឌលគីរីជំនួសវិញ។
ក្រោយពីរឿងរ៉ាវពុករលួយមួយនេះបានផ្ទុះឡើងលោក ស្វាយ សំអ៊ាង អភិបាលខេត្តមណ្ឌលគិរី ក៏បានស្នើឲ្យព្រះរាជអាជ្ញា លោកស្នងការខេត្តមណ្ឌលគិរីថ្មី អ៊ុក សំណាង និងលោក ប៉ែន ផល្លី នាយការិយាល័យប្រឆាំងបទល្មើសសេដ្ឋកិច្ច ធ្វើការស៊ើបអង្កេត និងស្រាវជ្រាវប្រមូលវត្ថុតាងល្មើសច្បាប់ យកមករក្សាទុកនៅស្នងការវិញ ឲ្យខាងតែបាន ដើម្បីចាត់ការតាមនីតិវិធីតាមផ្លូវច្បាប់។
ប៉ុន្តែអ្វីដែលហួសចិត្ត លោក ប៉ែន ផល្លីនាយការិយាល័យប្រឆាំងបទល្មើសសេដ្ឋកិច្ច កាលពីថ្ងៃទី៧ ខែសីហា ឆ្នាំ២០១៧ បានប្រាប់កាសែតថា រឿងត្រាក់ទ័រ៧គ្រឿងនេះ មិនមែនមន្ត្រីនគរបាល យកទទេរៗនោះឡើយ គឺគេខ្ចីប្រើ?។ មន្ត្រីនគរបាលដែលខ្ចីត្រាក់ទ័រយកទៅប្រើនោះមានឈ្មោះ លោក អន ប៊ុន្នីរឹទ្ធ ស្នងការរងខេត្តមណ្ឌល ខ្ចីត្រាក់ទ័រចំនួន១គ្រឿង លោកវរសេនីទោ អ៊ូច វុធ អនុប្រធានការិយាល័យកណ្តាលភស្តុភា និងហិរញ្ញវត្ថុខេត្ត ខ្ចីត្រាក់ទ័រចំនួន១គ្រឿង លោក អ៊ិន ហេង ប្រធានការិយាល័យអន្តោប្រវេសន៍ខេត្ត ខ្ចីត្រាក់ទ័រចំនួន១គ្រឿង លោកវរសេនីយ៍ត្រី ឡេង ផលខ្ចីត្រាក់ទ័រ១គ្រឿង។
ឯត្រាក់ទ័រចំនួន៣គ្រឿងទៀត លោកប្រធានលោកប្រធានការិយាល័យប្រឆាំង បទល្មើសសេដ្ឋកិច្ចខេត្ត ហាក់បីដូចជាមិនហ៊ានទម្លាយប្រាប់ឈ្មោះនោះឡើយដែលគេជឿថាប្រាកដជាបក្សពួកលោកលោក ប៉ែន ផល្លីនាយការិយាល័យប្រឆាំងបទល្មើសសេដ្ឋកិច្ច តាម្រ៉ង!។រឿងយកភស្តុតាងបទល្មើសទៅប្រើប្រាស់ជាលក្ខណៈឯកជននេះដោយគ្មានការឯកភាពពីតុលាការនេះគឺជាអំពើរខុសច្បាប់។ចាំមើលថាតើអស់លោកហ្នុងទទួលការដាក់ពិន័យអត់?។
