វេទិកាសហគមន៍ ស្តីពីការលើកកំពស់ ចូលរួមគាំទ្ររបស់សហគមន៍ ក្នុងការកាត់ បន្ថយ ស្ទីកមា និងការរើសអើង ដល់អ្នករស់នៅជាមួយមេរោគអេដស៍បានប្រព្រឹត្តទៅកាលពី ថ្ងៃទី៩ ខែមិថុនា នៅវត្តរកា ឃុំរកា ស្រុកសង្កែខេត្តបាត់ដំបង ក្រោមការចូលរួមពីលោក វេជ្ជបណ្ឌិត ទា ផល្លា អនុប្រធានអាជ្ញាធរជាតិ ប្រយុទ្ធប្រឆាំងជម្ងឺអេដស៍
លោកវេជ្ជបណ្ឌិត ស៊ូ សានិត អនុប្រធានមន្ទីរសុខាភិបាលខេត្ត និង លោកវេជ្ជបណ្ឌិត ទា ផល្លា បញ្ជាក់ថា កន្លងមករាជរដ្ឋាភិបាលក៏ដូចជាអាជ្ញាធរជាតិ ប្រយុទ្ធប្រឆាំង និងជម្ងឺ អេដស៍ បានសហការជាមួយដែគូ បានឆ្លងកាត់ប្រយុទ្ធប្រឆាំងទុកស្កាត់ការរីករាលដាលនៃ មេរោគអេដស៍នេះ អស់រយៈពេលជាង២០ឆ្នាំកន្លងមកហើយធ្វើឲបញ្ហានេះ មានការថយចុះ គួរអោយកត់សំគាល់។តែនៅពេលថ្មីៗនេះគួរឲសោកស្តាយជាទីបំផុត ចំពោះជនរងគ្រោះ ជាង២០០ គ្រួសារ ក្នុងភូមិរការ ស្រុកសង្កែ បានជួបនិងបញ្ហានេះ។ ក្រោយពីផ្ទុះបញ្ហា ដែល ឲតក់ស្លុតនេះកើតឡើង រាជរដ្ឋាភិបាល បានដាក់ចេញនូវផែនការជាបន្ទាន់ តាំងពីការជួយ ផ្តល់នូវកម្លាំងចិត្ត កុំឲបងប្អូនទាំងនោះមានការភិតភ័យ តក់ស្លុត ក៏ដូចជាផ្សព្វផ្សាយអប់រំ ព្រមទាំងផ្តលសេវា ព្យាបាលពិគ្រោះយោបល់ និងការចុះសួរសុខទុក្ខជាបន្តបន្ទាប់។
រហូតមកដល់ពេលេនះ យើងពិនិត្យឃើញថា បងប្អូនអ្នកផ្ទុកមេរោគអេដស៍ មានទឹកមុខ ស្រស់ស្រាយជាងពេលកន្លងមក បានន័យថាភាពភ័យតក់ស្លុតភាពស្មុកស្មាញបានរសាយ បន្តិចម្តងៗពីបងប្អូន។ ដូចនេះសូមឲបងប្អូន អ្នកផ្ទុកមេរោគអេដស៍ទាំងអស់ត្រូវគិតថា មានតែ បងប្អូនខ្លួនឯងទេ ជាអ្នកកំណត់ចាត់ចែង ជោគវេសនាខ្ឡួន ដោយខ្លួនឯង យើងកុំអស់សង្ឃឹម យើងជាអ្នករងគ្រោះ យើងរស់នៅបានដូចមនុស្សដ៏ទៃទៀត នៅពេលដែលយើងអនុវត្តបាន ត្រឹមត្រូវតាមវេជ្ជបញ្ជា ។ ក្នុងដំណើរជីវិតរបស់បងប្អូន យើងត្រូវមើលទៅមុខឲត្រង់ ក្នុងក្តីសង្ឃឹម កុំងាកក្រោយបានន័យថា ការងារមុខរបរចិញ្ចឹមជីវិត យើងត្រូវធ្វើជាធម្មតា ពិសេសត្រូវមានជំនឿ ជឿជាក់លើខ្លួនឯង ហើយការរើសអើងទៀតសោត ក៏ផ្តើមចេញពីចិត្ត ខ្លួនឯងផងដែរ ៕
