បន្ទាយមានជ័យ៖ សាលាម៉េងហួ ណ័រវែស្ទដែលគេស្គាល់ថាជាសាលាឯកជនមួយនៅចំណុះឲ្យសមាគមន៏ខ្មែរចិន ក្រុងប៉ោយប៉ែតថ្មីៗនេះត្រូវបានអាណាព្យាបាលដាក់ពាក្យប្តឹងសមត្ថកិច្ចនគរបាលក្រុងប៉ោយប៉ែតកាលពីថ្ងៃទី២៨កក្កដា២០១៧កន្លងទៅ បន្ទាប់ពីសិស្សម្នាក់ឈ្មោះ តែម លីហួ មានស្នាមរបួសត្រង់ដៃ ខាងស្តាំ។
ក្រោយរឿងបែកធ្លាយនាយិការសាលាបានទៅសូមទោសម្តាយសិស្សហើយសារភាពកំហុសឆ្គង តែខាងអាណាព្យាបាលមិនព្រមដកពាក្យបណ្តឹងនោះទេ ដោយចាត់ទុកថា ខាសាលាបានបង្កហិង្សាដោយចេតនា មកលើកូនរបស់គាត់ មិនអាចយកពាក្យសូមទោសមកលុបលាងបានឡើយ ។
ដោយឡែកនាយកប្រតិបត្តិសាលាម៉េង ហួ បានលើកឡើងនិងសម្តែងនូវការសោយស្តាយ ចំពោះរឿងរ៉ាវខាងលើ ថាជារឿងមិនគួរដែលអាណាព្យាបាលសិស្សប្តឹងនោះទេ ព្រោះគ្រូវៃសិស្សដើម្បីចង់ឲ្យសិស្សល្អ គ្មានចេតនាអាក្រក់ឡើយ ។
ពាក់ពន្ធ័រឿងរ៉ាវដដែលគ្រូវៃសិស្ស នេះ មានអាណាព្យាបាលសិស្សមួយចំនួនគ្រោងនឹងដកយកកូនពួកគេមិនឲ្យសិក្សានៅសាលាម៉េងហួ នោះទៀតទេ ដោយពួកគាត់លើកឡើងថា មិនគួណាគ្រូនៅក្នុងបន្ទុកថ្នាក់វ៉ៃសិស្សឲ្យមានស្លាកស្នាមបែបនេះឡើយ ព្រោះសាលាម៉េងហួ ជាសាលាឯកជនមិនមែនជាសាលារដ្ឋឯណា។ពួកគេថារាល់ការយកកូនៗទៅសិក្សានៅទីនោះសុទ្ធតែបានបង់ប្រាក់ពេញថ្លៃជាប្រចាំខែ ដល់ពេលឲ្យលុយហើយមិនមើលថែកូនឲ្យគេ បែជាគ្រូមកវៃក្មេងទៀត នោះពិតជាមិនគួរឡើយ ។
ជាសំណូមពររបស់ពួកគាត់ចង់ឲ្យក្រសួងអប់រំត្រូវតែបង្កើតក្រុមអធិការកិច្ចមកពិនិត្យមើលស្ថានភាពសាលាឯកជនឲ្យបានត្រឹមត្រូវ ជាជាងទុកបញ្ហាឲ្យកើតឡើងដូចករណីសាលាម៉េងហួណ័រវែស្ទក្រុងប៉ោយប៉ែតនេះជាអាទិ៍ គឺពិតជាមិនល្អទេ ។
ករណីនេះលោកធិនស៊ីនដេត អធិការនគរបាល ក្រុងប៉ោយប៉ែតបានឲ្យដឹងថាពិតជាមាន ម្តាយសិស្សមកដាក់បណ្តឹង មែន ហើយបានទារសំណងប្រមាណជាង២ម៊ឺនដូល្លារពីគ្រូសាលាម៉េងហួ ណ័រវែស្ទទៀតផង ប៉ុនែ្តខាងលោកនឹងពិនិត្យលើអង្គហេតុដើម្បីដោះស្រាយជូនពួកគាត់ក្នុងពេលឆាប់ៗនេះហើយ ។