រាជធានីភ្នំពេញ ៖ លោក ញឹក ប៊ុនឆៃ ប្រធានគណបក្សខ្មែររួបរួមជាតិត្រូវបាន សមត្ថកិច្ចបានឃាត់ខ្លួន នៅវេលាម៉ោង១២ថ្ងៃត្រង់ ថ្ងៃទី០៣ ខែសីហា ឆ្នាំ២០១៧នេះ ពាក់ព័ន្ធករណីផលិតគ្រឿងញៀន កាលពីឆ្នាំ២០០៧ នៅស្រុកភ្នំស្រួច ខេត្តកំពង់ស្ពឺ។លោកនាយឧត្តមសេនីយ៍ នេត សាវឿន អគ្គស្នងការនគរបាលជាតិ បានឲ្យកាសែតដឹងថា កម្លាំងស្នងការនគរបាល រាជធានីភ្នំពេញ បានអនុវត្តដីការបស់តុលាការឆ្នាំ២០១២ឲ្យលោក ញឹក ប៊ុនឆៃ ចូលខ្លួនដើម្បីសាកសួរពាក់ព័ន្ធករណីកែច្នៃគ្រឿងញៀន និងផលិតគ្រឿងញៀននៅខេត្តកំពង់ស្ពឺនៅ ស្នងការដ្ឋាននគរបាលរាជធានីភ្នំពេញ ដើម្បីសាកសួរ មិនទាន់ឃាត់ខ្លួនទេ(ស៊ិក)។
សូមជម្រាបថា ករណីគ្រឿងញៀននេះ គឺបានកើតឡើងតាំងពីឆ្នាំ២០០៧ ដោយសមត្ថកិច្ចបានចាប់ខ្លួនជនជាតិចិនលោក ជា ជុង ទីប្រឹក្សារបស់លោកញឹក ប៊ុនឆៃ និងមានការពាក់ព័ន្ធជាមួយជនជាតិចិនមួយចំនួនផងដែរដែល បានជួលដីទំហំ ៥ហិកតារ នៅស្រុកភ្នំស្រួច ខេត្តកំពង់ស្ពឺ ដើម្បីរក្សាទុកនិងផលិតសារធាតុទាំងនោះ។
កាលពីខែមករា ឆ្នាំ២០០៨ កន្លងទៅ តុលាការក្រុងភ្នំពេញ បានកាត់ទោសឲ្យជនជាតិចិនម្នាក់ឈ្មោះ ហួង ជាប់គុកមួយជីវិត និងផាកពិន័យចំនួន ១០០លានរៀល ស្មើនឹង ២៥.០០០ដុល្លារអា មេរិក។ តុលាការបានកាត់ទោសឈ្មោះ ជា ជុង ឲ្យជាប់គុក ២៥ឆ្នាំ និងផាកពិន័យចំនួន ១លានរៀល ស្មើនឹង ២៥០ដុល្លារអាមេរិក ក្រោមបទផលិតគ្រឿងញៀន និងជួញដូរគ្រឿងញៀន។លោកញឹកប៊ុនឆៃទើបតែត្រូវបានដកតួនាទីជាទីប្រឹក្សារាជរដ្ឋាភិបាលមានថានៈស្មើឧបនាយករដ្ឋមន្ត្រីបានប្រមាណ២ខែប៉ុណ្ណោះក៏ត្រូវបានឃាត់ខ្លួន។
គណបក្សខ្មែររួបរួមជាតិទើបនិងទទួលរងព្យុះភ្លៀងពីករណីដែលលោកញឹកប៊ុនឆៃទូរសព្ទ័ទៅលោកអេងឆៃអ៊ាងអនុប្រធានគណបក្សសង្គ្រោះជាតិពេលបោះឆ្នោតឃុំសង្កាត់កាលពីថ្ងៃទី៤មិថុនាឆ្នាំ២០១៧។បន្ទាប់ពីដកលោកញឹកប៊ុនឆៃមន្ត្រីគណបក្សខ្មែររួបរួមជាតិមួយចំនួនទៀតដែលមានតួនាទីក្នុងរាជរដ្ឋាភិបាលក៏ត្រូវដេញចេញពីតំណែងដែរ ។ កត្តានេះបានធ្វើឲ្យមន្ត្រីជាន់ខ្ពស់ក្នុងបក្សរាប់ទាំងក្បាលម៉ាស៊ីនគណបក្សផងបានចែកផ្លូវគ្នារត់ទៅចុះចូលជាមួយគណបក្សហ្វុនស៊ិនប៉ិចសម្តេចក្រុមព្រះវិញនិងខ្លះចូលជាមួយគណបលក្សប្រជាជនកម្ពុជា។
លោក ញឹក ប៊ុនឆៃ ក៏បានប្រកាសថា នឹងធ្វើសមាជនៅថ្ងៃទី១២ សីហា ឆ្នាំ២០១៧ ខាងមុខ ដើម្បីពង្រឹងគណបក្សខ្មែររួបរួមជាតិឡើងវិញ ។ តែអាឡូវ គម្រោងការនេះ មិនដឹងថាអាចធ្វើបានឬអត់នោះទេ? ។ ក្នុងជីវភាពជាអ្នកនយោបាយ លោក ញឺក ប៊ុនឆៃ គឺជាអ្នកដែលមានគុណធំដោយស្មគ្រ័ចិត្តក្នុងនាមប្រមុខរដ្ឋស្តីទីចុះហត្ថលេខាលើច្បាប់ស្តីពីសន្ធីសញ្ញាបំពេញបន្ថែមឆ្នាំ២០០៥ ស្តីពីបញ្ហាព្រំដែនជាមួយប្រទេសវៀតណាម ពេលដែលសម្តេចអគ្គធម្មពោធិសាលជា ស៊ីម អវត្តមានដោយសារមានជម្ងឺត្រូវទៅព្យាលបាលក្រៅប្រទេសភ្លាមៗ ។ ក្រោយមកទៀត នៅឆ្នាំ២០០៦ លោក ញឹក ប៊ុនឆៃ បានធ្វើបក្សប្រហារដណ្តើមយកគណបក្សហ្វុនស៊ិនប៉ិចពីស្តេចក្រុមព្រះនរោត្តមរណរឹទ្ធបានដោយជោគជ័យ។