ក្រចេះ៖ឡានយីឌុបធុនយក្សពីរគ្រឿងដឹកឈើបរណិតពេញព្រៀបដែលកម្លាំងចំរុះដឹកនាំដោយរាជអាជា្ញរង អមសាលាដំបូង ខេត្តក្រចេះ លោក ធុច បញ្ចសន្តិភាព បានដឹកនាំមន្ត្រី ចុះឃាត់ចាប់ នៅឃុំការបី ស្រុកស្នូល ខេត្តក្រចេះ កាលពីថ្ងៃទី២សីហាព្រោះសង្ស័យថាដឹក ខុសច្បាប់ ត្រូវបានដោះលែងទៅវិញហើយ ដោយសំអាងថាជាឈើឧកញ៉ាតុបវិវរ៉ាដា ។
ប្រការនេះធ្វើឲ្យមានការសង្ស័យពីអ្នកដឹងហេតុការណ៍ថាប្រហែលជាល្បិចគោះទឹកបង្អើលត្រីចូលស៊ងតែប៉ុណ្ណោះ។ព្រោះបើតាមប្រភពពីសមត្តកិច្ចក្នុងបេសកកម្មចុះបង្ក្រាបនោះគឺនៅមានរថយន្ត៣គ្រឿងផ្សេងទៀត ដែលចរាចរតាមក្រោយរថយន្ត២គ្រឿងនេះ មិនត្រូវបានសមត្ថកិច្ច ឬមន្ត្រីរដ្ឋបាលព្រៃឈើ ចាប់ឃាត់ទុកនោះឡើយ។
លោក ធុច បញ្ចសន្តិភាព ព្រះរាជអាជា្ញរងអមសាលាដំបូង ខេត្តក្រចេះ បានសារព័ត៌មាន នៅព្រឹកថ្ងៃទី៣ សីហានេះថា ពិតជាមានការឃាត់រថយន្តដឹកឈើ២គ្រឿងមែន ហើយរថយន្តដឹកឈើនេះ ក៏ត្រូវបានអនុញា្ញតឲ្យត្រលប់ទៅវិញផងដែរ ដោយសារគេមានក្រដាសប៉េសេត្រឹមត្រូវ(ស៊ិក) ។ព្រះរាជអាជា្ញរង ខេត្តក្រចេះដដែលដឹកនាំការបង្ក្រាបឲ្យដឹងរបៀបការពារថា ” ក្រដាសប៉េសេ ( អាជ្ញាប័ណ្ណ) ក្នុង១រថយន្ត អាចផ្ទុកឈើបានជាង១៦ម៉ែត្រគូប ដោយសរុប២រថយន្តនេះ មានចំនួនជាង៣០ម៉ែត្រគូប ។
ឈើទាំងនេះស្របច្បាប់ និយាយឲ្យចំ ជាប្រភេទឈើលេខ១ ( សុក្រំ, កកោះ និង ផ្ចឹក ) ហើយឈើទាំងនេះ មិនមានការនាំចេញ ទៅប្រទេសវៀតណាមឡើយ ដោយឈើនេះជាកម្មសិទ្ធក្រុមហ៊ុន យូនីហ្គ្រីន របស់ឧកញ៉ា តុប វីរ៉ាដា ” ។ករណីមន្ត្រីតុលាការចុះចាប់ឈើក្នុងអាណចក្រស្រុកស្នួលនេះលោក គង់ គឹមនី អភិបាលស្រុកស្នួល បានបដិសេធថាមិនសូវដឹងរឿងតែក៏ទទួលស្គាល់ថារថយន្តដឹកឈើនេះត្រូវបាន បានដោះលែងទៅវិញ ។
ផ្ទុយទៅវិញ ប្រភពសមត្តកិច្ចបានបង្ហើបថាថា ឈើទាំងនេះ ដឹកខុសច្បាប់ ពោលគឺច្បាប់អនុញ្ញាតត្រឹមតែជាង១០ម៉ែត្រគូប ក្នុងមួយរថយន្ត ប៉ុន្តែឈ្មួញអាចដឹកឈើលើសចំណុះ រហូតដល់៣០ទៅ៤០ម៉ែត្រគូប ឬលើសពីនេះ ហើយឈើទាំងនេះ គ្រោងយកទៅលក់នៅប្រទេសវៀតណាម ប៉ុន្តែត្រូវបានរាំងស្ទះ ទើបបង្វែរទិសដៅលក់ក្នុងស្រុកវិញម្តង ។
សូមបញ្ចាក់ដែរថា ស្ទីលចាប់ឈើរបស់ឧកញ៉ាតុបវិរ៉ាដាប្រធានក្រុមហ៊ុនយូនីហ្គ្រីនហើយលែងវិញបន្ទាប់ពិបានចរចារគ្នានោះវាមិនមែនទើបកើតលើកនេះទេគឺធ្លាប់កើតម្តងហើយកាលពីដើមខែមករាឆ្នាំ២០១៧។កាលនោះលោកវរះសេនីយ៍ឯក យិន ចន្ច័ទី មេវរះការពារព្រំដែនគោកលេខ103 ក្រោមការបញ្ជាផ្ទាល់របស់ លោក ឡុង ហុកម៉េង ព្រះរាជអាជ្ញា អមសាលាតំបូងខេត្ត មណ្ឌលគីរី(កាលមិនទាន់ផ្ទុះរឿងស៊ីលុយយួនចូលកាប់ឈើនៅអូរហ៊ុច)បាន ចុះចាប់ឃាត់រថយន្ត ប្រកុងដឹកឈើធំៗ ចំនូន០២គ្រឿង. រួមទាំងមនុស្ស០៥នាក់ ដែរ។
សមត្ថកិច្ចបានឲ្យដឹថា ក្នុងការឃាត់ចាប់រថយន្ដខាងលើនេះ គឺបានឃាត់តៃកុងរថយន្ថចំនួន០២នាក់ ព្រូ០៣នាក់ ដែលដឹកឈើគគី បំរុងដឹកចូលក្នុងឃ្លាំងក្រុមហ៊ុនយូនីគ្រីន ចំណុចជើងភ្នំក្រោល ស្ថិតនៅក្នុងស្រុកកោះញែក ខេត្តមណ្ឌលគីរី ខណៈរថយន្ដពីរគ្រឿងផ្សេងទៀត បានរត់គេចចូលព្រៃ ក្រោយពីដឹងថាកំលាំងសមត្ថកិច្ចចាប់ឃាត់រថយន្ដនៅខាងមុខ។
សកម្មភាពដឹកជញ្ជូនឈើយ៉ាងគគ្រឹកគគ្រេងបែបនេះហើយ បែជាមន្ត្រីក្នុងស្រុកកោះញែកស្ងៀមស្ងាត់ដូចចោរលួចសេះ គឺទាល់តែមានរាជអាជ្ញាដឹកនាំបញ្ជាទើបចាប់។ តែក្រោយពីសមត្តកិច្ចចុំឆែកក្រុមហ៊ុនយូនីគ្រីន តែចអ្នកសារព័ត៍មានត្រូវបានគេហាម មិនឲ្យចូលជាដាច់ខាតនោះរឿងរ៉ាវក៏ត្រូវគេគ្របទុកវិញទៅ។
កាលនោះ មេធាវីតំណាងឲ្យឧកញ៉ា តុប វីរាដា បានចេញមុខធ្វើការអះអាងថា ឧកញ៉ា តុប វីរាដា មិនមានពាក់ពន្ធ័អ្វីជាមួយនឹង ក្រុមហ៊ុនយូនីគ្រីន នៅស្រុកកោះញែក ខេត្តមណ្ឌលគីរី តទៅទៀតនោះឡើយ ។ ផ្ទុយទៅវិញ មន្ត្រីអយ្យការតុលាការខេត្តក្រចេះលោកលោក ធុច បញ្ចសន្តិភាពបានប្រាប់ថាជាឈើចេញ ពីក្រុមហ៊ុយូនីហ្គ្រីនរបស់ឧកញ៉ាតុបវិរ៉ាដាទៅវិញ។ ចឹងៗមិនឲ្យគេថាគោះទឹកបង្អើលត្រីចូលស៊ុងម៉េចហ្នឹងកើត?៕
