កំពង់ធំ៖ កាលពីថ្ងៃទី១៧ កក្កដា ឆ្នាំ២០១៧អភិបាលរងស្រុកសន្ទុកខេត្តកំពង់ធំម្នាក់ត្រូវបានសាលាដំបូងរាជធានីភ្នំពេញបង្គាប់ឲ្យឃុំខ្លួនក្នុងពន្ធនាគារព្រៃសដោយជាប់ចោទពីបទ «ឆបោក» ប្រាក់ជាង ២ លានដុល្លារពីលោកស្រីហ៊ុនសែងនីប្អូនស្រីសម្តេចនាយករដ្ឋមន្ត្រី ហ៊ុន សែ ន ។ ក្រោយពីដំណឹងចៅហ្វាយស្រុករងត្រូវបានសមត្តកិច្ចតុលាការឃុំខ្លួនមានសេចក្តី រាយគារណ៍ពីស្រុកសន្ទុកមកឲ្យដឹងថា គេឃើញក្រុមការងារស៊ីដាច់លុយជាង២លានដុល្លារអាមេរិក តាមរូបភាពរៀបដីខ្យល់ទំហំ ១៥០០ហិកតា ជាច្រើននាក់ ភ័យស្លន់ស្លោរ ដោយពួកគេបានជួបជុំគ្នាដើម្បីរកដីឲ្យគ្រប់១៥០០ហិកតា ប្រគល់ជូនម្ចាស់លុយដែលជាសាច់ញាតិនាយករដ្ឋមន្ត្រី។
ក្រោយពីបានណាត់ជួបជំគ្នាជាច្រើនដងមក គេសង្កេតឃើញលោក សន វឿនដែលជា ស្មៀនឃុំកកោះ និងលោក កែន សុភាន់ លោកពក ម៉ៃ មេភូមិទួលចាន់ ព្រមទាំងលោក ញឹប មេភូមិចំបក់ខាងជើង ដឹកនាំក្រុមបក្ខពួករបស់ខ្លួនធ្វើសកម្មភាពរំលោភឈូសឆាយយកដីព្រៃតំបន់៣ ដែលជាតំបន់ ព្រៃលិចទឹករបស់រដ្ឋ សម្រាប់ត្រីពងកូន នៅក្នុងរដ្ឋបាលឃុំព្នៅ រាប់រយហិកតាអស់គ្នានសល់។ ចំណុច ដែលរងការបំផ្លាញទាំងស្រុងនេះ រួមមាន ១ចំណុចទួលគោក ២ទួលដំរីស្លាប់ ៣ទួលទ្រា ៤ទួលទទឹងថ្ងៃ ៥ ទួលទីទុយ ៦បឹងចំណារ ៧បឹងព្រោះ ៨បឹងចាមបាច។
ទាក់ទងនិងរឿងឈូសឆាយរំលោភយកដីរដ្ឋពីសំណាក់មន្ត្រីមូលដ្ឋាននេះខាងលោក កែន សុភាន់ ជាមេការរបស់ជនសង្ឃ័យឈ្មោះ អ៊ឹម ឆនដែលគេស្គាល់ថា ជាចៅហ្វាយរងស្រុកសន្ទុក បានប្រាប់តាមទូរស័ព្ទថា ខ្លួនគេមានដីនៅតំបន់នោះដែរ ហើយ អ្នកដែលមានដីច្រើនជាងគេនៅតំបន់នោះ គឺឈ្មោះ រឿន នៅភូមិទួលចំបក់ខាងជើងមានជាងជិត២០០ហិកតា។ចំណែកលោក ពក ម៉ៃ មេភូមិទូលចាន់ ឃុំតាំងក្រសាំង បានប្រាប់តាមទូរស័ព្ទដែរថា ក្រុមខ្លួនមានគ្នាប្រាំបីនាក់ ក្នុងនោះមានឈ្មោះលោកភាន់ផងដែរ មានដីតែ៦០ហិកតាទេដែលបានភ្ជួរហើយ។
ទោះយ៉ាងណាលោក យស បញ្ញាឫទ្ធិ អភិបាលស្រុកសន្ទុក ធ្លាប់បានគាំទ្រចម្លើយលោក អ៊ឹម ឆន ដោយបញ្ជាក់ថា ដីនោះគឺក្រុមការងារលោក អ៊ឹម ឆន បានប្រគល់ជូនអ្នកស្រីហ៊ុនសេងនីរួចហើយ ខណៈក្រុមហ៊ុនកំពុងអភិវឌ្ឍន៍លើដីនោះ។
ប្រជាពលរដ្ឋភាគច្រើន ដែលអាស្រ័យផលពីដីស្រែប្រាំងនៅតំបន់ខាងលើបានបង្ហាញថា ក្រុមមន្ត្រីស៊ីដាច់លុយជាង២លានដុល្លារអាមេរិកពីប្អូនស្រីនាយករដ្ឋមន្ត្រី តាមរូបភាពរៀបដីខ្យល់ទាំងអស់នេះ មិនដែលខ្លាច និងញញើតច្បាប់ទេ ។ចុះទម្រាំប្រជាពលរដ្ឋវិញ តើយ៉ាងណាទៅ? ។ ពួកគាត់បន្តទៀតថា នៅចំណុចខាងលើ ឥឡូវនេះ បានក្លាយទៅជាវាលស្រែប្រាំងអស់ទៅហើយ បឹងទន្លេសាប អស់មានព្រៃ សម្រាប់ត្រីពងកូនទៀតហើយ ក្រោមឥទ្ធិពលរបស់ក្រុមការងារស៊ីដាច់លុយជាង២លានដុល្លារអាមេរិក តាមរូបភាពរៀបដីខ្យល់នេះ មិនដែលឃើញមាន មន្ត្រីជំនាញណាចុះបង្ក្រាបឡើយ។
ជុំវិញការលើកឡើងខាងលើនេះ ប្រជាពលរដ្ឋ សង្ឃឹមយ៉ាងមុតមាំថា ឯកឧត្តមសុខ លូ អភិបាលនៃគណៈអភិបាលខេត្តកំពង់ធំ លោកនិងបង្កើតគណៈកម្មការចុះសាវស្រាវដោយតម្លាភាព ហើយសង្ឃឹមថាក្រុមជនខិលខូចនិងត្រូវបានយកមកផ្តន្ទាសទោស តាមផ្លូវច្បាប់ជាក់ជាមិនខាន។ព្រោះកន្លងមកនាយករដ្ឋមន្ត្រីធ្លាប់ប្រកាសហាមច្រើនដងហើយកុំឲ្យរំលោភយកដីលិចទឹកក្នុងខេត្តកំពង់ធំសូមម្បីតែការវិនិយោគក៏ដោយ៕