បន្ទាយមានជ័យ៖នៅថ្ងៃទី0២សីហា២០១៧វេលាម៉ោង០៩ព្រឹកកម្លាំងចម្រុះមួយដឹកនាំដោយលោកព្រះរាជអាជ្ញា មាស ចន្ទ័ពិសិទ្ធ លោកឧត្តមសេនីយ៏ឯក ឃុន សំបូ អគ្គនាយកដ្ឋានរងនគរបាលអន្តោប្រវេសន៏បានចុះឆែកឆេរ អាគារចំនួនពីរកន្លែងរបស់លោក ហី រស់ភេទប្រុសមានអាយុ៧០ឆ្នាំ និងលោក រស់ លឹមហុងមានអាយុ៥៣ឆ្នាំជនជាតិខ្មែរ នៅភូមិ ក្បាលស្ពាន១សង្កាត់ ប៉ោយប៉ែត និងក្រុងប៉ោយប៉ែតខេត្តបន្ទាយមានជ័យដែលសង្ស័យថាជាកន្លែងប្រព្រឹត្តបទល្មើស ។
ក្នុង ការចុះប្រត្តិបការកម្លាំងចម្រុះបានឃាត់ ខ្លួនជនសង្ស័យពាក់ពន្ធ័បទល្មើសឆបោក និងជំរិតទារប្រាក់ឆ្លងដែនតាមប្រព័ន្ធអនឡាញ អិនធឺណិត(គមនាគមន៏ (voip )ដែលប្រព្រិត្តិដោយជនជាតិចិននៅក្នុងអគារ ។
ក្រុមជនជាតិចិនដែលបានឃាត់ខ្លួននៅនឹងកន្លែងចំនួន២១៥នាក់ក្នុងនោះស្រី៣២នាក់កុំព្យូទ័រ យួដៃ ចំនួន០៣គ្រឿង និងដុំvoip gateway មួយចំនួនទៀត ជាមួយគ្នានេះកម្លាំងបានប្រមូលយកវត្ថុតាងដុំ wifi មួយចំនួនទូរស័ព្ទដៃលើ តុមួយចំនួនទូរស័ព្ទដៃ៣៦គ្រឿងប្រភេទIPhone 7 plus រួមនិងupsដុំទប់ភ្លើងមួយចំនួនស៊ីមកាតគ្រប់ប្រពន្ធ័ មួយចំនួន កម្លាំងបានបញ្ចប់កាឆែកឆេរនៅម៉ោង០២រសៀល ។
ក្រោយបានបញ្ចប់ការឆែកឆេរកម្លាំងសមត្ថកិច្ចជំនាញប្រមូលយកជនជាតិចិនខុសច្បាប់ទាំងនោះដាក់លើរថយន្តក្រុងចំនួន០៣គ្រឿង ហើយដឹកបន្តទៅសាកសួរបន្តនៅអគ្គនាយកដ្ឋានអន្តោប្រវេសន៏រាជធានីភ្នំពេញ ។ គួររំលឹកផងដែរថា ជនជាតិចិនខុសច្បាប់បានសម្រុកមករស់និងស្នាក់នៅក្រុងប៉ោយប៉ែតខេត្តបន្ទាយមានជ័យនេះ មិនក្រោមពី១០០០នាក់ឡើយ ហើយក្រុមពួកគេបានបែងចែកប្លុកដើម្បីរស់នៅ មាន៣សណ្ឋាន ធំៗ ១រស់នៅជួលបន្ទប់ក្នុងទីតាំងកាស៊ីណូក្រុមនេះភាគច្រើនជាប្រភេទអ្នកមានលុយ ដែលអាចជាមេសង្គមងងិត។
សណ្ឋានទី០២ ក្រុមពួកគេបានដើរជួលសណ្ឋាគារឬផ្ទះពួកមន្ត្រីអ្នកមានអំណាចធំៗនៅក្រុងប៉ោយប៉ែតដែលមានខ្នងបង្អែកខ្នាត អាយអេសអូ(ISO)។ ចំណែកសណ្ឋានទី០៣នោះ គឺក្រុមជនជាតិចិនបានមករស់នៅជួលបន្ទប់ឯកជនតាមតំបន់ដែលឆ្ងាយពីទីប្រជុំជន ហើយពួកគេយកបន្ទប់ស្នាក់នៅធើ្វជាកន្លែងរកចំណូលតាមរយ បើកបនល្បែង អនឡាញខុសច្បាប់ ប្រឆាំងនិងច្បាប់របស់កម្ពុជា ។
ប្រជាពលរដ្ឋនិយាយថា សព្វថ្ងៃគេសង្កេតឃើញមានជនជាតិចិនជាំច្រើនបានមកយកតំបន់ជាយដែនក្រុងប៉ោយប៉ែតអាណាចក្រលោកង៉ោម៉េងជ្រួន ធើ្វជាទីតាំងសម្រាប់ពួកគេប្រព្រឹតបទល្មើស។ ប៉ុន្តែសមត្ថកិច្ចខ្មែរដូចជាមិនហ៊ានលូកដៃបង្ក្រាបទេប្រហែលពួកគេខ្លាច ពទួលបានវាសនាមិនល្អដូចលោកស្នងការខេត្តសៀមរាបទៀត ៕