កំពង់ឆ្នាំង ៖ មានសេចក្ដីរាយកាណ៍ថា ៖ សព្វថ្ងៃឧបករណ៍នេសាទប្រភេទរបាំលបណរាវ និងរបាំងសាច់អួនក្រឡាញឹក កំពុងកើតមានយ៉ាអនាធិបតេយ្យនៅក្នុងទឹកដីស្រុកកំពង់លែងចាប់ពីចំណុចស្ទឹងសណ្ដែក នគរទ្វីប ជើងគ្រោះរហូតដល់សំរោងសែន ដែលមានរបាំង លបណរ៉ាវនិងរបាំងសាច់អួនក្រឡាញឹករាប់រយកន្លែងដែលមានប្រវែងចាប់ពី៣០០ម៉ែត្រទៅ៥០០ម៉ែត្រ ដាក់រាយបណ្ដាក់គ្នាស្ទើរកផ្លូវចេញចូលទូកឬកាណូតគ្មាន។
អ្នកភូមិជើងគ្រោះ ឃុំស្វាយរំពារស្រុកកំពង់លែងបានឲ្យដឹងថា ៖ បានអោយដឹងថា ជារៀងរាល់ឆ្នាំករណីឧបករណ៍នេសាទនៅក្នុងទឹកដីស្រុកកំពង់លែងមិនមានរីកដុះដាលដូចឆ្នាំនេះទេ ប៉ុន្តែក្រោយការបោះឆ្នោតឆ្នាំ២០១៧នេះ បទល្មើសនេសាទបាននិងកំពុងកើតមានយ៉ាងពេញបន្ទុក ដែលធ្វើអោយប្រជាពលរដ្ឋដាក់ការសង្ស័យនិងរិះទៅលើមន្ត្រីជំនាញជលផលមិនដែលឃើញធ្វើសកម្មភាពបង្ក្រាបឬទប់ស្កាត់ឡើយ។
គេបានឃើញ ព័ត៌មានបង្ហោះតាមបណ្តាញសង្គមឃើញមានរូបភាពដឹកនាំចុះបង្ក្រាបដែលមើលទៅហាក់បីដូចជាសស្រាក់សស្រាំនិងមមាញឹកខ្លាំងសំបើមណាស់ ។ តែផ្ទុយទៅវិញ បើតាមប្រជាពលរដ្ឋឲ្យដឹងថា សកម្មភាពដឹកនាំចុះបង្ក្រាបដូចដឹកនាំចុះដើរកំសាន្តលេងហើយថតបង្ហោះនិងធ្វើរបាយការកុហក់ថ្នាក់លើតែប៉ុណ្ណោះ ។
កន្លងមក នៅចុងឆ្នាំ២០១៦និងដើមឆ្នាំ២០១៧ សម្ដេចក្រឡាហោម ស ខេង និងឯកឧត្តមរដ្ឋមន្ត្រីក្រសួងកសិកម្មវ៉េង សាខុនបានដឹកនាំចុះបង្ក្រាបកាលនោះ គេសង្កេតឃើញមន្ត្រីជំនាញ និងអាជ្ញាធរហាក់មានសកម្មភាពមមាញឹក ក្នុងការដឹកនាំចុះបង្ក្រាបគួរសម ប៉ុន្តែក្រោយពីសម្ដេចក្រឡាហោមលែងឃើញដឹកនាំចុះបង្ក្រាបគេសង្កេតឃើញសកម្មភាពដឹកនាំដឹកនាំចុះបង្ក្រាបហាក់ដូចជាស្ងាត់ជ្រងុំទៅវិញ ឃើញចេញបង្ក្រាប់ដែរតែបង្ក្រាបដោយកន្លែងស្ទើតែអត់ ដែលសកម្មភាពបង្ក្រាបនោះត្រូវបានប្រជាពលរដ្ឋរិះគន់ថាជាការគោះទឹកបង្អើលត្រីអោយចូលស៊ងតែប៉ុណ្ណោះ៕