កំពត៖ ទឹកប្រាក់ មិនក្រោម៣០០លានរៀលទៅ៤០០លានរៀលឡើយនៅក្នុង១ឆ្នាំៗត្រូវបានគេរាយការណ៍ថាបានធ្លាក់ចូលក្នុងហោប៉ៅលោក តាក ហាប់ប្រធានមន្ទីរអប់រំខេត្តកំពត និងមន្ត្រីចំនួន៣រូបទៀត ។ការលេចធ្លាយពតិមានអាស្រូវពុករលួយបែបនេះគឺនៅពេលដែលការប្រឡងបាក់ឌុបជិតឈានមកដល់។ប្រភពចេញពីបុគ្គលឹកសិក្សានៃមន្ទីរអប់រំខេត្តកំពត បានអោយដឹងថា នៅក្នុងឆ្នាំសិក្សា២០១៦ នឹង២០១៧នេះបានបង្ហើបថា៖ លោក តាក ហាប់ដែលជាប្រធានមន្ទីរ បានសហការជាមួយលោក ភោគ កុយជា ប្រធានស្ដីទី ការិយាល័យគណនេយ្យ និងទ្រព្យសម្បត្តិរដ្ឋនិង លោក អ៊ូ ភាង ដែលជាអនុប្រធានការិយាល័យគណនេយ្យ និងទ្រព្យសម្បត្តិរដ្ឋ លោក សូ លិនដា មន្ត្រីការិយាល័យគណនេយ្យ និងទ្រព្យសម្បត្តិរដ្ឋ ធ្វើគម្រោងការកឹបកេងថវិកាចំណាយជាច្រើនមានទឹកប្រាក់ខ្ទង់៥០០លានរៀល តាមរយៈធ្វើឯកសារខ្យល់បំភ័ណភ្នែកក្រុមអធិការកិច្ច និងក្រុមសវនកម្ម យ៉ាងជំនាញបំផុត។
ថវិកាដែលលោក តាក ហាប់ និងបក្ខពួកក្បៀសបានច្រើនគឺ ប្រាក់បុរេប្រទាន ប្រាក់ទូទាត់ត្រង់ ដូចជាកាចំណាយលើផ្នែកសម្ភារះផ្គត់ផ្គង់ផ្នែករដ្ឋបាល ការថែទាំអគារ ថែទាំសម្ភារះសម្ភារះបចេ្ចកទេស ជុសជុលមធ្យោបាយដឹកជញ្ជូន ការចំណាយលើការប្រជុំ និងសិក្ខាសាលា ការចំណាយផ្នែកជំនួយសង្គមដល់ពលរដ្ឋ ការឧបត្ថមដំណើរលំហែនិងសិក្សា ការឧបត្ថម្ភផ្នែកកីឡា ។ល។
នៅក្នុងមន្ទីរអប់រំខេត្តកំពតការចំណាយលើការទិញជំពួក៦០ សេវាកម្មជំពួក៦១ និង អន្តរាគមន៏សាធារណៈជំពួក៦២ ក្នុងមួយឆ្នាំៗមានទឹកប្រាក់រាប់ពាន់លានរៀល។ ប៉ុន្តែក្នុងនោះមានភាពមិនប្រក្រតី ដែលផ្ដើមចេញពីការឃុបឃិតគ្នា រវាងលោកប្រធានមន្ទីរ និងលោក ភោក កុយ ប្រធានស្ដីទី ការិយាល័យគណនេយ្យ និងទ្រព្យសម្បត្តិរដ្ឋ លោក អ៊ូ ភាង ដែលជាអនុប្រធានការិយាល័យគណនេយ្យ និងទ្រព្យសម្បត្តិរដ្ឋ នឹងលោក សូ លិនដា មន្ត្រីការិយាល័យគណនេយ្យ និងទ្រព្យសម្បត្តិរដ្ឋ ដើម្បីផលប្រយោជន៍រៀងខ្លួន។បើតាមប្រភពខាងលើ សកម្មភាពពុករលួយនេះគឺបានកើតឡើងតាំងពីសម័យ លោក តាក ហាប់ ឡើងជាប្រធានមន្ទីរដំបូងមកម្ល៉េះ ។
កាលនោះមានលោក សូ វុត្ថា អតីតប្រធានការិយាល័យគណនេយ្យ និងទ្រព្យសម្បត្តិរដ្ឋ ជាអ្នកជួយរៀបចំឯកសារបន្លំភ្នែកក្រុមអធិការកិច្ច និងក្រុមសវនកម្ម យ៉ាងស្ទាត់ជំនាញ់។ ដោយបញ្ហាពុករលួយកន្លងទៅ មានមន្ត្រីមួយចំនួនបានធ្វើពាក្យប្ដឹងទៅអង្គភាពប្រឆាំងអំពើពុករលួយ និងត្រូវអង្គភាពប្រឆាំងអំពើពុករលួយ ចុះស្រាវជ្រាវនិងអោយបំភ្លឺទៀតផងដែរ តែក្រោយមករឿងនេះបានស្ងាត់មកដល់សពថ្ងៃតែម្ដងមិនងដឹងថាមកពីហេតុអី?។
សូមរំលឹកថានៅមន្ទីរអប់រំខេត្តកំពត សព្វថ្ងៃ ដឹកនាំដោយលោក តាក ហាប់ កើតនៅថ្ងៃទី២៥ ខែមិនា ឆ្នាំ១៩៦៥ មានក្របខ័ណ្ឌ ក ១. ៦ ជាប្រធានមន្ទីរ លោក កៅ រិទ្ធ លោក ទូច សម្បត្តិ និងលោក សូ ភារិទ្ធ ជាអនុប្រធានមន្ទីរ ។ សំរាប់អនុប្រធានមន្ទីរទាំងបីរូប គឺមានលោក សូ ភារិទ្ធ ជាមនុស្សស្និតនិងលោកប្រធានមន្ទីរជាងគេ ក្នុងចំណោមការិយាយល័យទាំង១១ និងមន្ត្រីចំនួន៩២ រូបដែលបំរើការងារនៅក្នុងមន្ទីរផ្ទាល់ មនុស្សដែលជាបក្ខពួកសំខាន់លោកប្រធានមន្ទីរ គឺមានរូបលោក ខៀវ ធនវុឌ្ឍី ប្រធានការិយាល័យបុក្គលិក និងបណ្ដុះបណ្ដាល ព្រោះថា លោក ខៀវ ធនវុឌ្ឍី ជាមនុស្សពូកែរកលុយពីការតែងតាំងនាយកសាលា និងការផ្លាស់ប្ដូរគ្រូជូនលោកប្រធាន តាក ហាប់ ធ្វើអោយលោក តាក ហាប់ ពេញចិត្តជាងគេ។
ដោយ ឡែក លោក ភោក កុយ ប្រធានស្ដីទី ការិយាល័យគណនេយ្យ និងទ្រព្យសម្បត្តិរដ្ឋ ក៏ជាមនុស្សជំនិតខ្លាំងលោកប្រធានមន្ទីរដែរ រហូតត្រូវលោក តាក ហាប់ ស្នើរសុំតែងជាប្រធានការិយាល័យពេញសិទ្ធថែមទៀត។
មន្ត្រីនៅមន្ទីរអប់រំខេត្តកំពត បានទទួចសុំអោយ លោកហង់ជួនណារ៉ុនរដ្ឋមន្ត្រីដែលល្បីថាជាអ្នកកែទម្រង់ក្នុង ក្រសួងអប់រំ និងអង្គភាពប្រឆាំងអំពើពុករលួយ គួរបើកការស្រាវជ្រាវរឿងអាស្រូវចាស់និងថ្មីឡើងវិញ ដើម្បីរកអោយឃើញនូវអំពើពុករលួយ ដែលនាំឲ្យបាត់បង់ថវិកាជាតិច្រើន នៅក្នុងមន្ទីរអប់រំខេត្តកំពតនេះផង ៕