ឧត្តរមានជ័យ៖ តើលោកស៊ុនចាន់ថុលរដ្ឋមន្ត្រីពីរជំនាន់នៃក្រសួងសាធារណៈការនិងដឹកជញ្ជូនមានបានជ្រាបឬទេថានៅក្នុងអង្គភាពមន្ទីរសាធាណៈការខេត្តឧត្តរមានជ័យលោកប្រធានមន្ទីរគាត់រៀបក្លង់ដើម្បីអាចក្បៀសលុយចំណាយផ្សេងៗរបស់រដ្ឋ?ឬក៏ការងារចឹងៗជាការងារថ្នាក់ក្រោមជាតិត្រូវតែជាការទទួលខុសត្រូវរបស់អភិបាលខេត្តដែលជាប្រធាន គណបញ្ជាការឯកភាពខេត្ត ។
ប្រភពពីមន្ត្រីរាជការនៅមន្ទីរសាធារណៈការខេត្តបានបងហើបឲ្យដឹងថា៖ចាប់តាំងពីលោក សាំង ប៊ុនថេន ដែលផ្ទេរពីខេត្តបាត់ដំបង ទៅចូលកាន់តំណែងជាប្រធានមន្ទីរសាធារណការខេត្តឧត្តរមានជ័យ អស់រយៈពេលជាច្រើនឆ្នាំមកនេះរូបគាត់បានរៀបចំ កូនចៅជិតមួយចំនួនដើម្បីរកផលប្រយោជន៍ផ្ទាល់ខ្លួនពីគម្រោងផ្សេងៗ ធ្វើអោយមន្ត្រីនៅក្នុងមន្ទីរដែលមិនមែនជាបក្ខពួកក្ដៅក្រហាយតែក៏មិនហ៊ានចេញមុខតវ៉ាដែរ ព្រោះខ្លាចបរាជ័យនាំទុកថែមដល់ខ្លួន។
ប្រភពបានអោយដឹងថា ៖លោកប្រធានមន្ទីរ សាំង ប៊ុនថេនគាត់ បានរួមដៃជាមួយលោកអនុប្រធានមន្ទីរគឺលោក ចំរើន សេរីរិទ្ធ ដែលមានប្អូនប្រុសឈ្មោះ ចំរើន កុសលជា ប្រធានការិយាល័យផែនការ និងគណនេយ្យក្នុងមន្ទីរដែលជាអ្នមករៀបផែនការក្បៀស រួមជាមួយប្រពន្ធលោក ចំរើន កុសល ជាដើម។ ប្រភពបានអោយដឹងថា ក្នុង១ឆ្នាំៗ ដោយសារតែនៅក្នុងមន្ទីរមានការឃុបឃឺតគ្នាជាខ្សែបណ្តាញបានធ្វើអោយទឹកប្រាក់ក្នុង១ឆ្នាំខ្ទង់រយលានរៀលបាត់បង់ ហើយប្រយោជន៏ភាគច្រើនធ្លាក់ទៅដៃលោកប្រធានមន្ទីរ សាំង ប៊ុនថេន នឹងលោក ចំរើន សេរីរិទ្ធ រួមនឹងលោក ចំរើន កុសល ដែលប្រធានការិយាល័យផែនការ និងគណនេយ្យរបស់មន្ទីរ។
ថវិកាដែលត្រូវលោក សាំង ប៊ុនថេន នឹងបក្ខពួកនាំគ្នាក្បៀសភាគច្រើនជាប្រាក់បុរេប្រទាននៅជំពួក៦០នឹង ៦១ រួមនឹងប្រាក់ទូទាត់ត្រង់មួយផ្នែកធំជាពិសេសការចំណាយលើផ្នែកថែទាំនឹងជុសជុលផងដែរ។ សំរាប់ការចំណាយបើគេមើលពីសម្បកក្រៅគឺលោក សាំង ប៊ុនថេន នឹង លោក ចំរើន កុសល បានរួមដៃគ្នាធ្វើឯកសារចំណាយបានយ៉ាងល្អ ប៉ុន្តែបើមានការចុះត្រួតពិនិត្យការចំណាយអោយដល់គោលដៅទើបដឹងថាមានអំពើពុករលួយខ្លាំងនៅក្នុងមន្ទីរ។
បញ្ហានេះបានធ្វើអោយមន្ត្រីជាច្រើននៅក្នុងមន្ទីរជាពិសេសមន្ត្រីដែលបំរើកាងារយូដែលដឹងរឿងគេមិនសូវសប្បាយចិត្តនឹងការដឹកនាំតែមិនហ៊ានតតាំង។ ករណីនេះគួរក្រសួងសាធារណការនិងដឹកជញ្ជូន ដែលមានលោកទេសរដ្ឋមន្ទ្រី ស៊ុន ចាន់ថុល ជារដ្ឋមន្ត្រី នឹងលោកទេសរដ្ឋមន្ត្រី ឱម យិនទៀង ប្រធានអង្គភាពប្រឆាំងអំពើពុករលួយ គួរបើកការស្រាវជ្រាវអោយបានស៊ីជម្រៅ ព្រោះបើ លោកសាំង ប៊ុនថេន ជាមន្ទ្រីល្អមិនមែនយកបក្ខពួកពីខេត្តបាត់ដំបង ទៅខេត្តឧត្តរមានជ័យនោះឡើយ ៕