ខេត្តរតនគីរី ៖ គំនរឈើប្រណិតចម្រុះប្រមាណជាងពីរតោនរបស់ឈ្មួញដែលកន្លងមកគេឃើញគរនៅគ្រោមផ្ទះជាចំហរនៅត្រង់ចំណុចខាងកើតសាលាបថមសិក្សាទើបសាងសង់ថ្មីហៅថា(សាលាបថមសិក្សាត្រពាំងក្រហម )ស្ថិតក្នុងភូមិ២ ឃុំ ត្រពាំងក្រហម ស្រុក កូនមុំ ខេត្តរតនគិរីដោយគ្មានបារម្ភខ្លាចក្រែង ត្រូវបានសមត្ថកិច្ច ចុះបង្ក្រាបហើយ កាលពីព្រឹកថ្ងៃទី២៤ខែកក្កដាឆ្នាំ២០១៧វេលាម៉ោង៦និង៣០នាទី ។ ឈើប្រណិតទាំងនេះគេដឹងថាជារបស់អ្នកលក់សាចជ្រូកនៅផ្សារត្រពាំងក្រហមឈ្មោះ គឿនដែលជាឈ្មួញដុះស្លែមួយរូបប្រចាំភូមិ មានអត្តចរិកក្អេងក្អាងបំផុតយកអំណាចសមត្ថកិច្ចជំនាញពាក់ព័ន្ធក្នុងមូលដ្ធានមកកាងបទល្មើសរបស់ខ្លួន ក្នុងការរកស៊ីតាំងពីយូរមកហើយ។
សមត្ថកិច្ចដែលចុះបង្ក្រាបឈើរបស់ឈ្មួញខាងលើរួមមាន : កម្លាំងប៉ុស្ថិនគរបាលឃុំត្រពាំងក្រហម ក្រោមបញ្ជារពីលោក ភោគ បូរិទ្ធិអធិការនគរបាលស្រុកកូនមុំ។
តាមប្រភពពីប្រជាពលរដ្ឋដែលរស់នៅក្បែរគំនរឈើខាងលើ បានអោយដឹងថា: ម្ចាស់ឈើឈ្មោះ គឿន ជាអាជីវករលក់សាច់ជ្រូកនៅផ្សារត្រពាំងក្រហម ។ គំនរឈើរបស់ឈ្មួញរូបនេះមិនមែនតែមួយកន្លែងទេគឺមានជាច្រើនកន្លែង ទុកលាក់ តាមទីតាំងខុសៗគ្នា មានដូចជានៅខាងក្រោយផ្ទះស្នាក់នៅប្រចាំថ្ងៃ(ផ្ទះលក់សាច់ជ្រូក)នេះជាដើម។
ដោយឡែក សម្រាប់ការបង្ក្រាបពីក្រុមសមត្ថកិច្ចខាងលើនេះត្រូវមជ្ឈដ្ឋានប្រជាពលរដ្ឋ ដាក់ការរិះគន់ចំៗចំពោះ លោកនាយប៉ុស្ថិនគរបាលត្រពាំងក្រហម ឈ្មោះ ប៉ាក ពៅ នេះតែម្តងដោយសារតែ មានការរារ៉ែកយឺតយ៉ាវ ពុំមានឆន្ទៈក្នុងការចុះបង្ក្រាប គំនរឈើខាងលើ ទោះជាមានបទបញ្ជារពី លោក អធិការនគរបាលស្រុកកូនមុំ ភោគ បូរិទ្ធិ ក៍ដោយ។
ជាក់ស្តែង កាលពីយប់ថ្ងៃទី២៣ ខែកក្កដាឆ្នាំ ២០១៧បន្ទាប់ពីមានការរាយការណ៍ពីក្រុមអ្នកសារព័តិមានទៅលោក ភោគបូរិទ្ធិ. អធិកាសស្រុកកូនមុំពាក់ព័ន្ធករណីយ៍គំនរឈើនេះ លោក អធិការក៍បាន ដាក់បទបញ្ជាអោយកម្លាំងប៉ុស្ថិចុះត្រួតពិនិត្យយាមកាមគំនរឈើ កុំអោយបាត់បង់សូម្បី១កំណាត់។ តែផ្ទុយទៅវិញ បែរ ជាលោក នាយប៉ុស្ថិ ប៉ាក ពៅ ទៅជាបណ្តែតបណ្តោយខ្ជះខ្ជាយពេលវេលា អោយឈ្មួញឈ្មោះ គឿន ម្ចាស់គំនរឈើ នាំកម្លាំងទៅរំដោះឈើ ចេញពីគំនរ អស់ជាងពាក់កណ្តាល ជញ្ជូនទៅលាក់ក្នុងប្រឡាយ និងតាមគម្ពោធព្រៃ នានាទៅវិញ។
លុះព្រឹកឡើងថ្ងៃទី២៤ខែកក្កដាឆ្នាំ២០១៧ វេលាម៉ោង៦,៣០នាទីពេលចុះបង្ក្រាបទើប កម្លាំង បានដើរប្រមែប្រមូលកំណាត់ឈើដែលឈ្មួញរំដោះចេញលាក់នៅតាមប្រឡាយទឹក និងកម្ពោធព្រៃនោះយក ត្រឡប់មកវិញហើយដឹកជញ្ជូនតាមរថយន្តមួយបាំងកន្លះបានចំនួនពីរគ្រឿងពេញណែននាំមករក្សាទុកនៅអធិការដ្ឋានរង់ចាំចំណាត់ការបន្តដុចជាកាលែងវិញឬក៏ទុកខ្លះលែងខ្លះចឹងទៅព្រោះជាមនុស្សស្គាល់គ្នាបើកុំតែកាសែតរាយការណ៍ក៏មិនធ្វើដែរ ៕