ខេត្តឧត្តរមានជ័យ ៖ បច្ចុប្បន្នសកម្មភាពដឹកជញ្ជូនឈើលេខពីរខុសច្បាប់ នៅក្នុងទឹកដីស្រុកត្រពាំងប្រាសាទ នៅតែមានភាពគគ្រឹកគគ្រេង ដោយមិនមានមន្ត្រីជំនាញ ឬ ស្ថាប័ន្តពាក់ព័ន្ធណា ធ្វើការបង្ក្រាបនោះឡើយដោយក្រុមឈ្មួញដាក់បណ្តាក់ទុន អោយប្រជាពលរដ្ឋចុះកាត់ និងធ្វើការដឹកជញ្ជូនតាមរទេះគោ និង តាមគោយន្តកន្ត្រៃ នៅក្នុងព្រៃគ្រប់តំបន់នៃស្រុកត្រពាំងប្រាសាទ ហើយគេយកមកស្តុកកទុកនៅភូមិត្រាំប៉ោង ឃុំព្រះប្រឡាយ និងមួយកន្លែងទៀតនៅចំនុចដីក្រហមភូមិថ្នល់កែង ឃុំ.ស្រុកត្រពាំងប្រាសាទទីតាំងទាំងពីរខាងលើជាកន្លែងប្រមូលឈើ ឱ្យបានច្រើន ដើម្បីឈ្មួញ ធ្វើដឹកជញ្ជូនយកទៅចែកចាយបន្ត នៅគ្រប់ដេប៉ូ នៅតាមបណ្តា ខេត្តនាៗដូចជា៖ សៀមរាប និង បន្ទាយមានជ័យ ជាដើម។
លោកឧត្តសេនីយ៍ឯក ង៉ែត ចាន់ថុន ព្រះនាម ហៅ 51 តួនាទីនាយរងសេនាធិការចំរុះ ប្រចាំទិសភូមិភាគ 04ធ្លាប់បានអះអាងថា ៖ ឈើនេះ គឺដើម្បីយកទៅធ្វើផ្ទះអោយនិវត្តជនគ្រួសារកងទ័ព ។ ដោយសារហេតុផលនេះហើយទើបមានជនឆ្លៀតឱកាសលួចដឹកជញ្ជូនឈើ ខុសច្បាប់ដូចខាងលើពុំដែលមានមន្ត្រីជំនាញឬស្ថាប័នពាក់ព័ន្ធណាហ៊ានសួរនាំឬចុះត្រួតពិនិត្យនោះឡើយ សង្ស័យថាជាប់ពាក់ព័ន្ធនឹងផលប្រយោជន៍ទើបធ្វើអោយមន្ត្រីជំនាញ នៅទីនោះឆ្លើយយករួចរៀងៗខ្លួន។
ជាក់ស្តែងកាលពីថ្ងៃទី 22 ខែកក្កដា ឆ្នាំ 2017 មានគោយន្តកន្ត្រៃបី គ្រឿងដឹកឈើជាច្រើនម៉ែតគូប ចេញពីស្រុកត្រពាំងប្រាសាទឆ្លងកាត់ស្រុកអន្លង់វែង ឆ្ពោះទៅកាន់ដេប៉ូស្រុកវ៉ារិន ខេត្តសៀមរាបតែសំណាងមិនល្អក្នុងចំណោមគោយន្តបីគ្រឿងមួយគ្រឿងបានខូចកណ្តាលផ្លូវនៅស្រុកអន្លង់វែង ត្រូវបានប្រជាពលរដ្ឋបានរាយការ៍ទៅមន្ត្រីជំនាញរដ្ឋបាលព្រៃឈើ ភ្លាមនោះគេឃើញមានមន្ត្រីផ្នែករដ្ឋបាលព្រៃឈើម្នាក់ ដែលគេស្គាល់ឈ្មោះ រ៉ម ចុះទៅដល់ តែត្រូវបានតៃកុងគោយន្តដឹកឈើប្រាប់ថាជាឈើរបស់លោកឆាយ ស្រាប់តែមន្ត្រីផ្នែករដ្ឋបាលព្រៃឈើនោះភ័យស្លន់ស្លោហើយបើរថយន្តចេញទៅវិញយ៉ាងលឿនដោយមិននិយាយអ្វីទាំងអស់។
ពាក់ពន្ធករណីរឿងលោកឆាយដឹកជញ្ជូនឈើលេខពីកាន់ឆ្នាំ លោក ឃុន ប៊ុនហេង នាយផ្នែករដ្ឋបាលព្រៃឈើស្រុកត្រពាំងប្រាសាទនិងស្រុកអន្លង់វែងបានអោយដឹងថាបញ្ហាលោកឆាយដឹកជញ្ជូនឈើថ្មីៗនេះលោកមិនបានដឹងទេ តែកន្លងមកគេមានច្បាប់។
ដោយឡែក លោក ឧត្តម សេនីឯកង៉ែត ចាន់ថុន ហៅ 51 បានថ្លែងថា កន្លងមកលោកបានជួលរថយន្តលោក ឆាយដើម្បីដឹកជញ្ជូនឈើយកទៅធ្វើផ្ទះអោយអតីតយុវជននិវត្តម៉ែនហើយលោកក៍ទទួលស្គាល់ដែរថាពិជាមានករណីយកឈើទៅលក់តាមដេប៉ូផងដែរ ៕
