ភ្នំពេញ៖ នៅរសៀលថ្ងៃទី២៥ ខែកក្កដា ឆ្នាំ២០១៧នេះ បុរសជនជាតិកូសូវ៉ូម្នាក់ត្រូវបានប៉េអឹមបញ្ជូនមកតុលាការហើយ បាននិងកំពុងស្ថិតក្រោមការសួរនាំរបស់ចៅក្រម បន្ទាប់ពីព្រះរាជអាជ្ញារងអមសាលាដំបូង រាជធានីភ្នំពេញ លោក សៀង សុខ បានសម្រេចចោទប្រកាន់រួចពាក់ពន្ធ័និងការស៊ីដាច់លុយជាង២០លានដុល្លារអាមេរិកពី(លោកជំទាវឃឹមរ៉ានី អគ្គនាយិការទូរទស្សន៍អាស៊ីអាគ្នេយ៍និងជាភរិយាលោកកៅគឹមហួនរដ្ឋមន្ត្រីប្រតិភូអមនាយករដ្ឋមន្ត្រី) ។
ប្រភពពីមន្ត្រីអាវុធហត្ថបានឲ្យដឹងថា៖ជនបរទេសជាតិកូសូវ៉ូឬអូស្ត្រាលី(ពេលចាប់ខ្លួនឆែកឃើញលិខិតឆ្លងដែនជាជនជាតិអូស្ត្រាលី)មានឈ្មោះឈ្មោះកូកូវ៉ិច ឌឺនីស( DENIS COKOVIC ហៅ DENIS DENY )អាយុ៥៤ឆ្នាំត្រូវបានកម្លាំងកងរាជអាវុធហត្ថលើផ្ទៃប្រទេស ក្រោមបញ្ជារលោកនាយឧត្តមសេនីយ៍សៅសុខាចាប់ខ្លួនកាលពីថ្ងៃទី២១ ខែកក្កដា នៅសណ្ឋាគារមួយក្នុងរាជធានីភ្នំពេញហើយបានបញ្ជូនមកតុលាការនៅថ្ងៃទី២៥កក្កដាដើម្បីសាកសួរករណីស៊ីដាច់ប្រាក់ ប្រមាណ២៧លានដុល្លារ តាមរូបភាពរៀបចំរីស្សត (កន្លែងកំសាន្តដ៏ធំ) នៅខេត្តកំពត និងខេត្តកែប តែមិនបានសម្រេច និងលេចចេញជារូបរាង។
ប្រភពពីមន្ត្រីតុលាការឲ្យដឹងថា៖ ជនសង្ស័យមានឈ្មោះ DENIS COKOVIC ហៅ DENIS DENY អាយុ៥៤ឆ្នាំ (ឃាត់ខ្លួន) ពីបទឆបោក និងសមគំនិតក្នុងអំពើ មិនបំពេញកាតព្វកិច្ចចំពោះឧបករណ៍អាចជួញដូរបាន ប្រព្រឹត្តនៅរាជធានីភ្នំពេញ កាលពីអំឡុងឆ្នាំ២០១៦, ថ្ងៃទី២៨ ខែមេសា, ថ្ងៃទី១៦ ខែឧសភា, ថ្ងៃទី២៦ ខែឧសភា និងថ្ងៃទី១២ ខែមិថុនា ឆ្នាំ២០១៧ មាត្រា ៣៧៧, មាត្រា៣៧៨ នៃក្រមព្រហ្មទណ្ឌ និងមាត្រា ២៣១ (មាត្រា ២៩ នៃក្រមព្រហ្មទណ្ឌ) នៃច្បាប់ស្ដីពី ឧបរណ៍អាចជួញដូរបាន និងប្រតិបត្តិការទូទាត់សង់ប្រាក់។
តាមដំណើររឿងខ្លះៗ គឺបុរសរូបនេះបានមកប្រទេសកម្ពុជា បើកក្រុមហ៊ុនជាមួយ(អ្នកស្រី ឃឹម រ៉ានី ភរិយាលោក កៅ គឹមហួន) និងមនុស្សមួយចំនួនទៀតរួចលើកគម្រោងរៀបចំធ្វើរីស្សតនៅខេត្តកែប និងខេត្តកំពត ក្នុងទំហំទឹកប្រាក់រាប់សិបលានដុល្លារអាមេរិក។នៅពេលរៀបចំដំណើរការ បុរសរូបនេះបានប្រាប់សមាជិកភាគហ៊ុនក្នុងក្រុមហ៊ុនថា ខ្លួនមានក្រុមហ៊ុនធំនៅបរទេសដែលមានដើមទុនហាសិបពាន់លានដុល្លារអាមេរិក ពុំទាន់ទម្លាក់ប្រាក់មកឲ្យទេ។ ដូច្នេះសូមឲ្យសមាជិកភាគហ៊ុនចេញប្រាក់មុន ដើម្បីដំណើរការសិន។ ពេលនោះជនរងគ្រោះដែលប្រភពបានបង្ហើបថាជាលោកជំទាវឃឹមរ៉ានីអគ្គនាយកទូរទស្សន៍អាស៊ីអាគ្នេយ៍និងជាភរិយាលោកកៅគឹមហួន បានចេញប្រាក់ជាបន្តបន្ទាប់ឲ្យទៅបុរសរូបនេះចំនួនជាង២៧លានដុល្លារអាមេរិក។
ក្រោយពេលដែលបានទទួលប្រាក់រួចហើយ បុរសរូបនេះពុំបានយកប្រាក់នេះទៅដំណើរការ សាងសង់រីស្សតដូចការអះអាងទេ ធ្វើឲ្យសមាជិកភាគហ៊ុនមានការសង្ស័យ ទើបឈានដល់ការ ស្រាវជ្រាវដឹងថា ពុំមានគម្រោងរៀបចំរីស្សតនៅខេត្តកែប និងខេត្តកំពតទេ។ បន្ទាប់មកបុរសរូបនេះ បានទាមទារប្រាក់បន្ថែមចំនួន៤លានដុល្លារទៀត ទើបម្ចាស់លុយ បានដាក់ពាក្យប្តឹងនៅ កងរាជអាវុធហត្ថលើផ្ទៃប្រទេស រួចរៀបគម្រោងចាប់ខ្លួនបុរសរូបនេះ ពេលមកទទួលប្រាក់តែម្តង។
បន្ទាប់ពីឃាត់ខ្លួនរួចហើយ សមត្ថកិច្ចបាននាំបុរសរូបនេះទៅឆែកឆេរលំនៅស្ថាននៅ អាផាតមិន ដាលីស នៅក្នុងសង្កាត់ចតុមុខ ខណ្ឌដូនពេញ រួចដកហូតប្រាក់ចំនួន៤២ម៉ឺន ដុល្លារអាមេរិក ទុកជាភស្តុតាង។ទោះជាយ៉ាងណាគេនៅមានការសង្ស័យករណីយ៍នេះព្រោះវាដូចជាស៊ីស្រួលពេក។ហេតុអីក៏ម្ចាស់លុយមិនទៅពនិត្យឬសិក្សាទីតាំងជាមួយគ្នាចេះតែឲ្យលុយហ្ម៉ងទៅ?។
សូមបញ្ជាក់ដែរថាថ្មីៗតុលាការរាជធានីភ្នំពេញបាននិងកំពុងចាត់ការរឿងអភិបាលរងស្រុកសន្ទុកឆបោកលុយជាយ២លានដុល្លារពីលោកស្រីហ៊ុនសែងនីប្អូននាយករដ្ឋមន្ត្រីករណីយ៍ទិញដីនៅស្រុកសន្ទូកផងដែរ។