ខេត្តកំពង់ឆ្នាំង ៖ កាលពីវេលាម៉ោងជាង១១ព្រឹក ថ្ងៃទី២២ ខែកក្កដា ឆ្នាំ២០១៧ជនសង្ស័យក្នុងរឿងចាប់កូនក្មេងជម្រឹតទារប្រាក់ត្រូវបានសមត្តកិច្ចចាប់ខ្លួនបានហើយនៅផ្ទះសំណាក់ ហ្គាឌិន ភូមិមុងបារាំងសង្កាត់ប្អេរ ក្រុងកំពង់ឆ្នាំង ខេត្តកំពង់ឆ្នាំង ។ ជនសង្ស័យដែលសមត្ថកិច្ចធ្វើការចាប់ខ្លួនបានន៉មាន ឈ្មោះ សេង សុខលី ភេទស្រី អាយុ៣៨ឆ្នាំ រស់នៅ ភូមិ កន្ទោគ សង្កាត់កន្ទោក ខ័ណ្ឌពោធិសែនជ័យ រាជធានីភ្នំពេញត្រូវជាសាច់ញាត្តិរបស់ក្មេងរងគ្រោះដែរ ។
ក្មេងរងគ្រោះ មានឈ្មោះម៉ុក ចាន់រស្មី ហៅម៉ី ភេទស្រី អាយុ៨ឆ្នាំ រស់នៅភូមិព្រៃតាមួយច ឃុំស្នំក្រពើ ស្រុកគងពិសី ខេត្តកំពង់ស្ពឺ រៀននៅសាលាបឋមសិក្សាអង្គលំទង ដែលមានឪពុកឈ្មោះម៉េងអោក ម្តាយឈ្មោះភី សោភា ។ កិច្ចការនេះសម្រេចបានដោយមានកិច្ចសហការជាមួយនិង អាណាព្យាបាលក្មេងស្រីរងគ្រោះ និង ដោយសហការជាមួយនិង នគបាលក្រសួងមហាផ្ទៃទើប នៅថ្ងៃទី២២ ខែកក្កដា ឆ្នាំ២០១៧នេះ សមត្ថកិច្ចបានដាក់តាមគោលគោលដៅ ទីតាំងកន្លែងផ្ញើលុយវីង ។ក្រោយពីអាណាព្យាបាលជនរងគ្រោះចរចាតម្លៃត្រូវរ៉ូវគ្នាអស់ហើយ ជនសង្ស័យបានហៅម៉ូតូឌុបទៅទីតាំងវីងលុយ ដើម្បីបើកលុយដែលឪពុកម្តាយក្មេងស្រីរងគ្រោះវេរទៅឲ្យ នៅពេលទៅដល់ក៏ត្រូវសមត្ថកិច្ចបានព័ទ្ធចាប់តែម្តង ។
សូមបញ្ជាក់ថា ស្ត្រីនិងបុរសនោះបានចាប់ក្មេងស្រីពីខេត្តកំពង់កំពង់ស្ពឺ នៅវេលាចេញពីសាលារៀនកាលពីថ្ងៃទី២០ ដោយប្រើរថយន្តបាឡែន។ គេបានយកក្មេងស្រីមកលាក់ទុកនៅផ្ទះសំណាក់ក្នុងខេត្តកំពង់ឆ្នាំងនៅថ្ងៃទី២១ ក៍បានទូរស័ព្ទទៅកាន់អាណាព្យាបាល ដើម្បីជម្រឹតទារប្រាក់៤០០០ដុល្លារអាមេរិក បើសិនពេលល្ងាចម្សិលមិញ អាណាព្យាបាលមិនប្រគល់លុយអោយទេ គេនិងដឹកក្មេងនោះបន្តទៅខេត្តផ្សេងទៀត។ ស្ត្រីនិងបុរសដែលអ្នកចាប់ក្មេងនោះត្រូវជាសាច់ញាតិក្មេងស្រីផងដែរ ៕
