ឯកឧត្តម ច័ន្ទ សុផល អភិបាលនៃគណអភិបាលខេត្តបាត់ដំបង បានអញ្ជើញចូលរួមជាគណអធិបតីក្នុងទិវាជាតិ ទីក្រុងស្អាត ក្រោមប្រធានបទជោគជ័យទីក្រុងស្អាត ជោគជ័យទេសចរណ៍របស់ក្រុងបាត់ដំបង នៃខេត្តបាត់ដំបង បានទទួល ជ័យលាភីទីក្រុងស្អាត ផ្ការំដួល ៣ ទង ឆ្នាំ២០១៥-២០១៨ និងយុទ្ធនាការ បរិស្ថាន ទីក្រុងស្អាត បាត់ដំបងភូមិយើង កាលពី ថ្ងៃទី ២៧ ខែកុម្ភៈ នៅសាលាខេត្តបាត់ដំបង។
ក្នុងសារលិខិត របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី និងជាប្រធានកិត្តិយស នៃគណកម្មា
ធិការជាតិ វាយតម្លៃទីក្រុងស្អាត នាឱកាសទិវាជាតិទីក្រុងស្អាត ក្រោមប្រធានបទ ជោគជ័យទីក្រុងស្អាត ជោគជ័យទេសចរណ៍ និងពិធីប្រកាសជ័យលាភី ទីក្រុងស្អាតសំរាប់ឆ្នាំ២០១៥-២០១៨ បានបញ្ជាក់ថា បច្ចុប្បន្នកម្ពុជាមានសុខសន្តិភាព ស្ថេរភាព នយោបាយ សណ្តាប់ធ្នាប់ល្អបរិបូរណ៍ ហេដ្ឋារចនាសម្ព័ន្ធ ល្អប្រសើរ និងមានការអភិវឌ្ឍន៍គ្រប់វិស័យ ពិសេសវិស័យសេដ្ឋកិច្ចសង្គម ដែលជាសមាសធាតុដ៏សំខាន់ ក្នុងរុញកំណើនសេដ្ឋកិច្ចកម្ពុជា ដូចជា វិស័យកសិកម្ម ទេសចរណ៍ ឧស្សាហកម្ម កាត់ដេរនិងសំណង់ជាដើម។ ជាការពិត អ្វីដែលយើងទទួលបាននាពេលនេះ គឺផ្តើមចេញពីកិច្ចខិតខំប្រឹងប្រែង របស់កម្ពុជៅពិសេសនៅក្នុងអំឡុងចុងទស្សវត្ស៍៩០ ក្រោមនយោបាយ ឈ្នះ ឈ្នះ កម្ពុជាមិនត្រឹមតែសំរេចបានឯកភាពជាតិ ធានាបាននូវអធិបតេយ្យភាពជាតិ បូរណភាពទឹកដី សុខសន្តិភាព និងសណ្តាប់ធ្នាប់សង្គមពេញលេញ នៅទូទាំងប្រទេសប៉ុណ្ណោះទេ ថែមទាំងសំរេចបាន នូវកំណើនសេដ្ឋកិច្ច ក្នុងអត្រាមួយខ្ពស់ប្រកបដោយជីវភាព ដែលមានអត្រាកំណើនជាមធ្យមប្រចាំឆ្នាំ ប្រមាណ ៧,៧ ភាគរយជាមួយនិងស្ថេរភាព ហិរញ្ញវត្ថុ និងលំនឹង ម៉ាក្រូសេដ្ឋកិច្ចល្អប្រសើរទៀតផង ។
ដោយឡែក នៅឆ្នាំ២០១៥នេះ គឺជាឆ្នាំនៃសមាហរណកម្ម សេដ្ឋកិច្ចអាស៊ាន ដោយសហគមសេដ្ឋកិច្ចអាស៊ាន គ្រោងនិងបង្កើតឡើងនាចុងឆ្នាំនេះ ក្នុងនោះប្រទេសជា សមាជិកអាស៊ានទាំង ១០ រួមទាំងកម្ពុជាបាននិងកំពង់បោះជំហានទៅមុខយ៉ាងស្វាហាប់ ឆ្ពោះទៅរកការរីកចំរើន និងអភិវឌ្ឍន៍ ភាពរួមគ្នាមួយ។
ក្នុងស្មារតីឆ្លើយតបទៅនិងការវិវឌ្ឍន៍ និងនិន្នាករអភិវឌ្ឍន៍ថ្មីៗនេះ កម្ពុជាត្រូវបន្តយកចិត្តទុកដាក់ និងអនុវត្ត នូវគោលនយោបាយ និងយុទ្ធសាស្ត្រអនុវត្តជាតិនានា ដោយឈរលើមូលដ្ឋានសំខាន់ៗ២ ដែលត្រូវគិតគូរស្របពេលគ្នា គឺការ បង្កើនឧត្តមភាព ប្រកួតប្រជែង និងការធានា និរន្តរភាពនៃការអភិវឌ្ឍន៍។
ឆ្នាំនេះជាខួបលើកទី៣ នៃការប្រារឰទិវាជាតិទីក្រុងស្អាតក្រោមប្រធានបទ ជោគជ័យទីក្រុងស្អាតជោគជ័យទេសចរណ៍ អមជាមួយពិធីប្រកាសជ័យលាភីទីក្រុងស្អាតលើកទី១ សំរាប់ឆ្នាំ២០១៥-២០១៨។ប្រធាបទនេះមានអត្ថន័យ រំលេខឱ្យឃើញ ពីអន្តរទំនាក់ទំនង ដ៏ជិតស្និតរវាងទីក្រុងស្អាត និងទេសចរណ៍ ពោលគឺកាន់តែរីកចំរើននៃទីក្រុង និងផ្តល់ឥទ្ធិពលជាវិជ្ជមាន ដល់ការអភិវឌ្ឍន៍វិស័យទេសចរណ៍ដោយហេតុថាទីក្រុងគឺជាបណ្តុំដ៏សំខាន់ទាំងសំរាប់ការរស់នៅការសំរាកកលំហែសកម្មភាពនានានៃទេសចរណ៍ សកម្មភាពពាណិជ្ជកម្ម សេដ្ឋកិច្ចនយោបាយ និងវប្បធម៌ជាដើម។
ជោគជ៏យនៃចលនាប្រឡងប្រណាំងទីក្រុងស្អាត មិនត្រឹមតែចូលរួមលើកកំពស់គុណភាព សេវាកម្ម និងផលិតផលទេសចរណ៍នៅតាមបណ្តាទីក្រុង និងទីប្រជុំជននានាប៉ុណ្ណោះទេ ថែមទាំងចូលរួមលើកកំពស់ កិត្យានុភាពរបស់កម្ពុជា ជាគោលដៅទេសចរណ៍បៃតង នៅក្នុងតំបន់ និងសកលលោកថែមទៀត ភង។
ខ្ញុំសង្ឃឹមនិងជឿជាក់ថា គ្រប់ភាគីពាក់ព័ន្ធ និងបន្តសហការ ចូលរួមគាំទ្រ ឧបត្ថម្ភ និងអនុវត្តរាល់យុទ្ធនាការនានា ដែលបានដាក់ចេញដោយរាជរដ្ឋាភិបាល គាំទ្រដល់ចលនា ប្រឡងប្រណាំង ទីក្រុងស្អាត ជាអាទ៍ យុទ្ធនាការយុវជន និងទីក្រុងស្អាតយុទ្ធនាការទីក្រុងស្អាត ជាទីក្រុងដែលគ្មានសំរាម ថង់ប្លាស្ទិក ហើរតាមខ្យល់ យុទ្ធការទេសចរម្នាក់ ដើមឈើមួយដើម និង យុវជន១នាក់ ដើមឈើមួយដើម។ យុទ្ធនាការ សង្កាត់គំរូ និងយុទ្ធនាការសំអាតកម្ពុជា ជាដើម។
ដើម្បីចូលរួមដល់ការសំរេចបាន ជោគជ័យទីក្រុងស្អាត ស្របតាមស្មារតី នៃចក្ខុវិស័យទាំងអស់គ្នាដើម្បីទីក្រុងស្អាត ទីក្រុងស្អាត ដើម្បីទាំងអស់គ្នា រឺទីក្រុងស្អាតផ្តើមចេញពីយើងទាំងអស់គ្នា ត្រូវរួមគិត រួចធ្វើ រួមទទួលខុស ត្រុវនិងបាត់ដំបងភូមិយើង ៕
