បន្ទាយមានជ័យ ៖ នាព្រឹកថ្ងៃទី១៩ខែកក្កដាឆ្នាំ២០១៧ ក្រុមការងារថ្នាក់ជាតិដឹកនាំដោយលោកទេសរដ្ឋមន្ត្រីជាសុផារ៉ារដ្ឋមន្ត្រីក្រសួងដែនដីនគរូបនីយ៏កម្មនិងសំណង់បានធើ្វដំណើរថ្មើជើងទៅពិនិត្យទិដ្ឋភាពជាក់នៅទីតាំងអភិវឌ្ឍន៏ទំនប់ទឹកអាងអូរខៃដន ដែលស្ថិតនៅចន្លោះភូមិកូនដំរី សង្កាត់និមិតក្រុងប៉ោយប៉ែត ខេត្តបន្ទាយមានជ័យរបស់ក្រុមហ៊ុនកុកអាន ។
ដោយមានវត្តមានលោកឧកញ៉ាកុកអានសមាជិកព្រឹទ្ធសភានិងជាថៅកែចូលរួមដំណើរចុះត្រួតពិនិត្យរបស់គណៈប្រតិភួខាងលើ បានទាញយកផែនទីតំបន់មកធើ្វជាទឡ្ហ័យករណ៏ ដើម្បីបង្ហាញពីផែនការណ៏គោលដែលអនុញាតឲ្យក្រុមហ៊ុនអានកូ របស់លោកឧកញ៉ា កុកអានអភិវឌ្ឍន៏ អាងស្តុបទឹក(ដើម្បីផលិតទឹកស្អាត)បំរើជូនប្រជាពលរដ្ឋនៅក្រុងប៉ោយប៉ែតប្រើប្រាស់ ។
លោកជាសុផារ៉ាបានបញ្ជាឲ្យប្រធានក្រុមហ៊ុន អានកូ គឺ លោក ឧកញ៉ា កុកអាន បើកទ្វារទឹកចំនួន០៨កន្លែងតាមលំអានចាស់ របស់ទំបន់មុន ដើម្បីបង្ហូរទឹកឲ្យប្រជាកសិករនៅផ្នែកខាងក្រោមទំនប់បានប្រើប្រាស់ទឹកធើ្វស្រែ បង្កបង្កើនផល រីឯផ្នែកខាងលើទំនប់ដីស្រែពលរដ្ឋជាង៥១៨ហិចតាក៏ធានាបាន មិនឲ្យលិចលង់ដូចសព្វថ្ងៃនេះទៀតទេ ។
តែទោះជាយ៉ាងនេះក្តីកន្លងមកប្រជាកសិករនៅផ្នែកខាងលើទំនប់អាងអូរខៃដន មិនបានបង្កបង្កើនផលស្រែស្រូវវស្សា ដូចគ្រាដែល លោកឧកញ៉ា កុក អាន មិនទាន់ធើ្វអាងនោះទេ។ ចំណែកកសិកររាប់រយគ្រួសារនៅផ្នែកខាងក្រោមទំបន់ទឹកក៏គ្មានទឹកដើម្បីធើ្វស្រែដែរ ព្រោះថាទ្វារទឹកជាច្រើនកន្លែងត្រូវបានក្រុមហ៊ុនលុបបំបាត់ភ័ស្តុតាងស្ទើអស់ដើម្បី មិនឲ្យកសិករ មានទឹកស្រោចស្រពស្រែចំការ ។ប្រជាពលរដ្ឋនិយាយថា៖ ក្រៅពីលុបទ្វារទឹកបុរាណហើយក្រុមហ៊ុន បានឈួសឆាយបង្កើតផ្លូវថ្មី នៅផ្នែកក្រោមទំនប់ចាស់បង្កឲ្យប៉ះពាល់ដល់ក្បាលដីស្រែអ្នកភូមិជាច្រើនគ្រួសារទៀតផង ។
មានការតវ៉ា តែបញ្ហាខ្លះមិនត្រូវបានដោះស្រាយដោយយន្តការច្បាប់ទេ គឺក្រុមហ៊ុន ប្រើប្រាស់កម្លាំងកងសន្តិសុខវាយដំលើពលរដ្ឋក៏មានការវាយដំហិង្សាដោយកម្លាំងសន្តិសុខក្រុមហ៊ុននេះ។ រឿងមួយចំនួនបានធ្លាក់ចូលដៃតុលាការ តែពន្លឺយុត្តិធម៌ហាក់មានគំលាតឆ្ងាយសម្រាប់ពលរដ្ឋទន់ខ្សោយ ។
យ៉ាងណាមិញគណប្រតិភួក្រសួងដែនដីក្រោយពីបានត្រួតពិនិត្យលើទិដ្ឋភាពជាក់ស្តែងលើអាងអូរខៃដន ហើយ គឺ ម្ចាស់ក្រុមហ៊ុនកាស៊ីណូ ត្រូពីកាណា ដែលមានដីនៅជាប់និងទំនប់អាងអូរខៃដន៥១៨ហិចតាបានស្នើដល់ថ្នាក់ជាតិឲ្យអន្តរាគមន៏ ទៅក្រុមហ៊ុនអានកូ មេត្តាបើទ្វារទឹកដើម្បីបញ្ចៀសការលិចលង់ ហើយក្រុមហ៊ុនបានកាត់ដីរបស់ខ្លួនដែលជាប់និងចំណីអាងចំនួន៣០ហិចតាធើ្វសម្បទានជូនរដ្ឋប្រើប្រាស់វិញ ។
ពាក់ពន្ធ័និងដី៣០ហិចតាដែលក្រុមហ៊ុនត្រូពីកាណាធើ្វសម្បទានជូនរដ្ឋនោះ គេមិនរំពឹងថា ដីនោះនឹងនៅគង់វង់ដើម្បីបំរើឲ្យផលប្រយោជន៏ជាសាធារណៈជនឡើយ ព្រោះសម័យថ្មីនេះសម្បូរមន្ត្រីជើងឆើតខាងយកដីរដ្ឋលក់ច្រើនណាស់ ហើយបញ្ហាខ្លះក៏ធ្លាប់បានឃើញគេលួចបង្ហោះតាមអន្តរប្រពន្ធ័ហ្វេសប៊ុកទៀតផង ទាក់ទិនរឿងមន្ត្រីលួចយកដីរដ្ឋលក់នៅតំបន់ប៉ោយប៉ែតយើងនេះ ៕
