បន្ទាយមានជ័យ ៖ ច្រករបៀងព្រំដែនដែលទទួលខុសត្រូវដោយនគរបាលការពារព្រំដែនវរៈលេខ៨១៥ត្រូវបានគេរាយការណ៍ជាកន្លែងនាំទំនិញគេចពន្ធនិងពលករចំណាកស្រុកទៅថ្វើការនៅប្រទេសថៃ។ជាកស្តែងកាលពីយប់ថ្ងៃទី១១៨កក្កដាឆ្នាំ២០១៧កម្លាំងសមត្ថកិច្ចខេត្តស្រះកែវ ប្រទេសថៃ បានបង្ក្រាបការរតពន្ធអាវុធធុនធ្ងន់មួយ ដែលក្រុមជនសង្ស័យអះអាងថា នាំចេញពីខេត្តបន្ទាយមានជ័យ តាមច្រករបៀងជាប់ព្រំដែន ក្រោមការគ្រប់គ្រង់របស់វរៈនគរបាលការពារ៨១៥ នៃស្នងការដ្ឋាននគរបាលខេត្ត និងបន្ទាយសឹករងស្រុកម៉ាឡៃ ទល់មុខដីភាគីថៃ គឺភូមិភ្នំប៉ៃខៀវ។ប្រភពពីសមត្តកិច្ចថៃឲ្យដឹថថា៖កិច្ចប្រតិបត្តិការនេះបានធ្វើឡើងនៅត្រង់ចំណុចស្ថានីយ៍ប្រេងឥន្ធនៈមួយកន្លែង នៅលើ កំណាត់ផ្លូវលេខ ៣៥៩ ក្នុងភូមិ៧ ឃុំស្រះខ្វាន់ ស្រុកមឿងស្រះកែវ ខេត្តស្រះកែវប្រទេសថៃ ខណៈដែលរថយន្តរបស់មុខសញ្ញាចំនួន៣គ្រឿង បានបង្ហាញខ្លួន នៅ កន្លែងស្ថានីយ៍ប្រេងឥន្ធនៈខាងលើនេះកាលពីវេលាម៉ោង១២៖៣០នាទី យប់រំលងអាធ្រាត្រឈានចូលថ្ងៃទី១៨ ខែកក្កដា ឆ្នាំ២០១៧ ។
ក្រោយពេលធ្វើការឡោមព័ទ្ធពីកំលាំងតម្រួតថៃ គឺជនសង្ស័យចំនួន៥នាក់ ត្រូវបានចាប់ខ្លួន ដែលពួកគេទាំងនោះមានឈ្មោះ ១. ផាណា ឆៃគង់ ភេទប្រុស អាយុ៣៨ឆ្នាំ ២. ប៊ុនថាំ ជ័យជំនះ ភេទប្រុស អាយុ៥២ឆ្នាំ ៣. ខុមសាន់ កិច្ចថាវ៉នអាជីព ភេទប្រុស អាយុ៣០ឆ្នាំ ៤. ឧទ័យ ជ័យជំនះ ភេទប្រុស អាយុ៤៨ឆ្នាំ និង៥. មានជ័យ កាន់ប្រៈសុំ ភេទប្រុស អាយុ៣២ឆ្នាំ ។
នៅក្នុងពេលចាប់ខ្លួននោះ សមត្ថកិច្ចបានឆែកឆេរ និងធ្វើការត្រួតពិនិត្យទៅលើរថយន្តទាំង៣គ្រឿង គឺបានរកឃើញវត្ថុតាងមួយចំនួន ដែលសុទ្ធសឹងតែជាអាវុធធុនធ្ងន់ទាំងអស់ ដែលក្នុងនោះរួមមាន៖ កាំភ្លើងផ្លោងធុន ៨២ មីល្លីម៉ែត្រ ចំនួន ២ ដើម កាំភ្លើងផ្លោងធុន ៨១ មីល្លីម៉ែត្រ ចំនួន១ដើម គ្រាប់ផ្លោងធុន ៨២ មីល្លីម៉ែត្រ ចំនួន ៣ គ្រាប់ គ្រាប់រ៉ុក្កែតដុតឆ្នួន ចំនួន ៣ ឈុត រថយន្ត ចំនួន ៣ គ្រឿង និងទូរស័ព្ទដៃ ចំនួន ៦ គ្រឿង ។
ប្រភពខាងលើបានឲ្យដឹងមន្ដ្រី ក្រោយការសួរនាំ ក្រុមជនល្មើសបានប្រាប់ថា អាវុធទាំងនេះនាំចេញពីយោធភូមិភាគទី៥ នៅក្នុងខេត្តបន្ទាយមានជ័យចេញតាមច្រករបៀងក្នុងស្រុកម៉ាឡៃដែលគ្រប់គ្រងដោយនគរបានព្រំដែនគោកវរៈ៨១៥ ដើម្បីនាំយកទៅលក់ ឲ្យជនជាតិថៃ២នាក់ប្ដីប្រពន្ធ ឈ្មោះ ឈុន និងចយ តែកន្លែងស្នាក់នៅ និងមុខរបរនៅមិនទាន់ដឹងនៅឡើយ។
បើតាមសេចក្ដីរាយការណ៍ ជនល្មើសទាំង៥នាក់ កំពុងស្ថិតក្រោមការសួរនាំរបស់សមត្ថកិច្ចថៃ ដើម្បីចាត់វិធានការតាមផ្លូវច្បាប់បន្ដទៀត។មិនអាចទាក់ទងសុំការពន្យល់ពីលោក
វរៈសេនីយ៍ឯកឈិតលឹមមេបញ្ជាការនគរការពាព្រំដែនបានវរៈ៨១៥អំពីការចោទប្រកាន់ខាងលើបានទេ។
សូមបញ្ចាក់់ដែរថានេះជាលើកទី២ហើយដែលសមត្តកិច្ចប្រទេសថៃចាប់បានជំនួ្ញរត់ពន្ធអាវុធនាំចូលពីស្រូខ្មែរដែលកាលពីលើកទីមួយសមត្តកិច្ចថៃនៃខេត្តត្រាតចាប់បានអាវុធមួយឡានអ៊ីស៊ុយស៊ុយកាលពីថ្ងៃទី៣មិថុនាឆ្នាំ២០១៧ដែលគេរាយាករណ៍ត្រូវបាននាំចូលពីស្រុកខ្មែរតាមខេត្តកោះកុងផងដែរ។ក្នុងនោះមានមន្ត្រីនគរបាលខ្មែរយើងមួយរូបពាក់សក្តិ៥មានជាប់ពាក់ពន្ធ័។
សម្តេចសខេងបានចេញបទបញ្ជារឲ្យធ្វើការស្រាវជ្រាវឲ្យដល់ឬសគល់តែមិនទាន់បានលទ្ធផលអីផងរកឃើញ២ឡានទៀតថានាំចូលពិស្រុកខ្មែរដែលគេជឿថាអាចនាំទៅលក់ឲ្យពួកការ៉ែននៅប្រទសភូមាឬពួកសកម្មប្រយុទ្ធនៅប្រទេសហ្វីលីពីន៕
