ពោធិ៍សាត់៖ នៅព្រឹកថ្ងៃទី18 /កក្កដា/ 2017ប្រជាពលរដ្ឋនៅស្រុកវាលវែងចំនួន៦នាក់បានរាយកាណ៍ប្រាប់អ្នកយកព័ត៌មានយើងថា កាលពីថ្ងៃសុក្រទៅ14/កក្កដា/2017 វេលាម៉ោង៥ល្ងាចមន្ត្រីបរិស្ថានដែនជម្រកសត្វព្រៃនៅឃុំប្រមោយ ស្រុកវាលវែងបានចាប់ឈើរបស់ពួកគាត់ដែលដឹកយកទៅធ្វើផ្ទះចំនួន២គោយន្ត ដោយរឹបអូសយកឈើក្នុង១គោយន្តអស់ចំនួន១ ម៉ែត្រគូប និងជម្រិតទារប្រាក់អស់១លានរៀលក្នុង១គោយន្ត។
ស្ត្រីម្ចាស់ឈើម្នាក់ឈ្មោះសួន ស៊ីម និងប្ដឺឈ្មោះ ហេង ទាំងម្ចាស់គោយន្តទី១ និងបុរសម្នាក់ទៀតម្ចាស់គោយ្តទី២ ឈ្មោះរ៉េត ហន បានរៀបរាប់ថាពួកគាត់បានទិញឈើគេពីភូមិកណ្ដាល ឃំុអន្លុងរាប ស្រុកវាលវែងយកទៅធ្វើផ្ទះអោយកូននៅភូមិក្រាំងដូង ឃុំពាម ស្រុកសាមគ្គីមានជ័យ ខេត្តកំពង់ឆ្នាំង។នៅពេលដឹកមកដល់មុខស្នាក់កាបរិស្ថានដែនដែនជម្រកសត្វព្រៃភ្នំសំកូសដែលមានទីតាំងស្នាក់ការនៅឃុំប្រម៉ោយ ស្រុកវាលវែងពួកគាត់បានទៅទាក់ទងសុំគេ(មន្ត្រីបរិស្ថាន)នៅទីនោះហើយគេក៏ចាប់តែម្ដងទៅ។
ក្នុងពេលចាប់នោះពួកគាត់បានសុំសម្រួលបង់លុយអោយប៉ុន្តែខាងមន្ត្រីបរិស្ថានថា ទោះបង់លុយប៉ុន្មានក៏មិនយកដែរហើយបានឃាត់ពួកគាត់ទាំងឈើទាំងគោរយន្តទុក១យប់លុះស្អែកឡើងទើបមន្ត្រីបរិស្ថនម្នាក់ឈ្មោះឧត្តម(ហៅដុំ)បញ្ជាអោយពួកគាត់ទម្លាក់ឈើក្នុងគោយន្តមួយចំនួន២០សន្លឹកស្មើ១ម៉ែត្រគូប គោយន្ត២អស់២ម៉ែត្រគូបថាទុកធ្វើជាវត្ថុតាងបទល្មើស និងបង្ខំអោយពួកគាត់បង់លុយចំនួនមួយលានរៀល ក្នុងគោយន្តមួយ ថាជាលុយបង់ពិន័យ បើទោះជាពួកគាត់សុំសម្រួល និងអង្វសុំបង់ត្រឹម៥០ម៉ឺនរៀលក្នុងមួយគោយន្តក៏ឈ្មោះឧត្តនមិនព្រមដែរ។
ករណីនេះឈ្មោះឧត្តមជាមន្ត្រីបរិស្ថានខាងលើបានប្រាប់អ្នកយកព័ត៌មានយើងតាមរយៈលេខទូរស័ព្ទ៖ 0965466354 កាលពីវេលាម៉ោង12និង30នាទីថ្ងៃទី18/កក្កដា/2017ថា ការដែលបរិស្ថានចាប់ឈើពួកគាត់នេះគឺដោយសារគាត់ដឹកឈើអត់ច្បាប់ បើតាមច្បាប់គឺត្រូវដកហូតយកទាំងឈើទាំងគោយន្ត ប៉ុន្តែតាមបញ្ជារបស់មេទើបឡើងមកថ្មីអោយទម្លាក់ខ្លះព្រោះពួកគាត់ជាម្ចាស់ឈើថាជាឈើធ្វើផ្ទះ ចំណែកការបង់លុយ១លានរៀលនោះមិនមែនជាការជម្រឹតទេ លោកថាបើតាមច្បាប់ត្រូវពិន័យពី១លានដល់១០លានរៀលឯណោះប៉ុន្តែនេះជាការពិន័យក្នុងកម្រិតទាបបំផុត។
តែករណីនេះត្រូវបានប្រជាពលរចោទថាមន្ត្រីបរិស្ថានថាគឺជាការប្លន់ ជម្រឹតយកលុយនិងរឹបអូសយកឈើគាត់ឆៅៗតែម្ដង ហើយពួកតាត់ឆ្ងល់និងលើកឡើងថាច្បាប់ណាចែងមកយកលុយហើយយកឈើទៀតអញ្ចឹងនោះ? ។
ប្រជាពលរដ្ឋជាម្ចាស់ឈើខាងលើសូមសំណូមពរដល់ថ្នាក់លើគណៈបក្សប្រជាជនពិសេស ឯកឧត្តម ម៉ៅធនិនអភិបាលខេត្តពោធិ៍សាត់មេត្តាអន្តរាគមន៍ជួយពួកគាត់ផង ព្រោះឯកឧត្តមជាម៉ែ ជាឪរបស់ពួកគាត់ បើមិនដូចច្នោះទេប្រជាពលរដ្ឋមិនដឹងសង្ឃឹមថ្នាក់ណាជួយពួកគាត់ទេ គឺមានតែឯកឧត្តមទេដែលអាចជួយពួកគាត់បាន ។
រហូតមកដល់ពេលនេះមិនទាន់មានការអន្តរាគមន៍ដោះជួយពួកគាត់នោះទេ ខណៈឯកឧត្តមម៉ៅ ធនិនគណៈអភិបាលខេត្តកំពុងពង្រឹងនិងកែទម្រង់ចំពោះមន្ត្រីខិលខូចមួយចំនួនដែលប្រព្រឹតផ្ទុយពីបទបញ្ជារបស់ឯកឧត្តម ប៉ុន្តែបែរជាមន្ត្រីបរិស្ថានដែនជម្រកសត្វភ្នំសំកូសដែលមានឈ្មោះឧត្តម(ហៅដុំ)ម្នាក់នេះបែរជាមកគាបសង្កត់ពួគាត់ធ្វើអោយពួកគាត់កាន់តែធ្លាក់ខ្លួនក្រលើសដើម។ ៕
