បន្ទាយមានជ័យ៖ កាលពីវេលាល្ងាចនាថ្ងៃទី០៦ ខែកក្កដា ឆ្នាំ២០១៧កន្លងទៅ សមត្ថកិច្ចនគរបាលនាយកដ្ឋានប្រឆាំងបទល្មើសសេដ្ឋកិច្ចនៃក្រសួងមហាផ្ទៃសហការជាមួយមន្ត្រីការិយាល័យសុខាភិបាលរាជធានីភ្នំពេញ និងអាជ្ញាធរមូលដ្ឋានក្រោមការដឹកនាំពីស្ថាប័នអយ្យការអមសាលាដំបូងរាជធានីភ្នំពេញ បើកប្រតិបត្តិការបង្ក្រាបរឹបអូសបានឱសថគ្មានច្បាប់ អនុញ្ញាតចំនួន៣០ប្រភេទ មានទម្ងន់ប្រមាណជាង៤តោនដែលគេនិយាយថានាំចូលពីប្រទេសថៃតាមច្រកប៉ោយប៉ែត ហើយសង្ស័យថាជាឱសថក្លែងក្លាយ នៅទីតាំងផ្ទះលេខ៣២ (បរិវេណបុរី Grand Phnom Penh) ភូមិអន្លង់កក្ងាន សង្កាត់ឃ្មួញ ខណ្ឌសែនសុខ រាជធានីភ្នំពេញ ។
លោកឧត្តមសេនីយ៍ទោ ឡុង ស្រេង អនុប្រធាននាយកដ្ឋាននគរបាលប្រឆាំងបទល្មើសសេដ្ឋកិច្ចនៃក្រសួងមហាផ្ទៃដែលចូលរួមប្រតិបត្តិការបង្ក្រាបឲ្យដឹងថា ម្ចាស់ទីតាំងដែលលាក់ទុកឱសថគ្មានច្បាប់អនុញ្ញាតនោះមានឈ្មោះ ខូវ សាត ភេទប្រុស អាយុ៤៩ឆ្នាំ មានទីលំនៅផ្ទះលេខ៣១E0 ផ្លូវលេខ៣៧៤ សង្កាត់ទួលស្វាយព្រៃ២ ខណ្ឌចំការមន រាជធានីភ្នំពេញ ត្រូវបានចាប់ឃាត់ខ្លួនយកទៅសាកសួរនាំ និងចាត់ការបន្តតាមនីតិវិធី បន្ទាប់ពីឱសថអត់ច្បាប់អនុញ្ញាតនាំចូលចំនួន៣០ប្រភេទ ទម្ងន់៤ ២០០គីឡូក្រាមត្រូវបានបង្ក្រាបជាក់ស្តែង ។
មជ្ឈដ្ឋានអ្នកវិភាគកិច្ចការសង្គមនៅកម្ពុជាបានលើកឡើងថា មិនខុសពីរថយន្តឡើយ ឱសថដែលនាំចូលពីបរទេសមកដល់រាជធានីភ្នំពេញ ជាបេះដូងនៃព្រះរាជាណាចក្រកម្ពុជាត្រូវតែមានការឆ្លងកាត់តាមប៉ុស្តិ៍ច្រកទ្វារត្រួតពិនិត្យទោះតាមជើងអាកាសក្តី ឬតាមជើងគោកក្តី មិនអាចធ្លាក់ពីលើមេឃមកបានទេ ។ ដូច្នេះ គេចោទជាសំណួរថា តើសមត្ថកិច្ចពាក់ព័ន្ធនៅតាមច្រកទ្វារទាំងអស់ ដេកលក់ឬយ៉ាងណា ? ឬក៏គិតតែពីលុយដាក់ហោប៉ៅរៀងៗខ្លួនតាមឋានានុក្រម ? ។
ពាក់ពន្ធ័និងបញ្ហានេះលោកហ៊ុយសុជាតិប្រធានការិយាល័យគយនិងរដ្ឋាករច្រកទ្វារអន្តរជាតិប៉ោយប៉ែតគ្រាដែលអ្នកសារព័ត៌មានទូរសព្ទ័ទៅសុំការបំភ្លឺពីលោក មិនបានលើកទូរសព្ទ័ទេ។ ក្រោយមកទើបលោក ហ៊ុយ សុជាតិ និយាយថាលោកដឹងថាអ្នកសារព័ត៌មានចង់សាកសួរលោកលើករណីទំនិញលួចលាក់ចេញតាមច្រកប៉ោយប៉ែត តែលោកមិនបំភ្លឺទេ ព្រោះនាំតែឈឺក្បាល ។
ទោះជាយ៉ាងណាដែលចូលកាន់តំណែងជាមេគយច្រកប៉ោយប៉ែតកាលពីខែកក្កដាឆ្នាំ២០១៥ជំនួសលោកឈួនហៃដែលពុករលួយមានរឿងអាស្រូវបង្កឲ្យមានការផ្ទុះបាតុកម្មហឹង្សាពីកម្មករអូសរទេះកាលពីខែឧសភាកន្លងទៅបង្កឲ្យរដ្ឋខាត់បងប្រាក់ពន្ធរាបើពាន់លានរៀលត្រូវបានអ្នករកស៊ីនិយាយថាវាដូចតែគ្នាហ្នឹងគ្រាន់តែលោកហ៊ុយសុជាតិដែលដឹងពីបទពិសោធន៍របស់លោកឈួនហៃគាត់មានល្បិចជាង។
ពិតប្រាកដមែន ក្រោយការចូលកាន់តំណែងមិនទាន់បានប៉ុន្មានថ្លៃផង ក៏ស្រាប់តែបែកធ្លាយអំពើពុករលួយ ដោយលោកហ៊ុយសុជាតិគាត់បានដោះដូរមន្ត្រីព្រោងព្រាតដាក់មនុស្សរបស់គាត់តាមតែទំនើងចិត្ត ដោយមិនឆ្លងយោបល់ថ្នាក់លើឡើយ ។
ក្រៅពីនេះលោកហ៊ុយសុជាតិគាត់បានបង្កើតទីលានសម្រាប់អ្នកអូសរទេះប្រម៉ូលផ្តុំងាយនឹងទារលុយដោយគ្មានវិក័យបត្រ័ដែលអ្នកអូសរទេះនិយាយថាមានមន្ត្រីគយម្នាក់ឈ្មោះឃឹម សូម៉ាលីជាអ្នកទទួលខុសត្រូវរកចំណូលជូនលោកហ៊ុយសុជាតិ។ករណីចឹងអ្នកនាំទឹកពីប្រទេសថៃមកលក់ធ្លាប់បានអះអាងច្បាស់ពីរឿងគយសីដាច់លុយគាត់បង់ពន្ធព្រោះក្មានវិក័យបត្រ័រហួតគាត់ត្រូវគយលោកហ៊ុយសុជាតិបិទលែងឲ្យគាត់នាំទឹកចូលមកលក់។
លោកហ៊ុយសុជាតិបានធ្វើរបាំងបិទជិតខ្លាចអ្នកកាសែតចូលយកពតិមានអំពីសកម្មភាពពុករលួយដែលកូនចៅគាត់ប្រព្រឹត្ត។លោកហ៊ុយសុជាតិធ្លាប់បានអះអាងប្រាប់កាសែតថា៖ឈ្មួញធំៗបានបង់លុយពន្ធជាមូលប្ប័ទានបត្រ័ចឹងគយមិនអាចពុករលួយបានឡើយ។តែលោកហ៊ុយសុជាតិគាត់មិនបាននិយាយថាគយរបស់គាត់គឺជាអ្នកវ៉ៃតម្លៃពន្ធនោះឡើយ។ប្រការនេះងាយបំផុយដែលគយលោកហ៊ុយសុជាតិអាចឃុបឃឺតជាមួយឈ្មួញធំៗបន្ថយតម្លៃបង់ពន្ធជាថ្នូរនឹងលាភសក្ការៈក្រោមតុ។
ប្រភពពីអ្នករកស៊ីបានឲ្យដឹងទៀតថាដោយសារមានការឃុបឃឺតជាមួយឈ្មួញធំដោយបន្ធូបន្ថយទំនិញគេចពន្ធដឹកតាមរទេះពិសេសពេលព្រលប់ៗនោះមានក្រុមហ៊ុនរថយន្តក្រុងជាច្រើនបានធ្វើសកម្មភាព ដឹកទំនិញគេចពន្ធដែលចូលតាមច្រកប៉ោយប៉ែតបន្តមកភ្នំពេញ ។
ក្រុមហ៊ុនដឹកអ្នកដំណើរ(រថយន្តក្រុង)ធំៗទាំង០៥ ដែលល្បីជាងគេក្នុងការដឹកទំនិញគេចពន្ធយ៉ាងអនាធិបតេយ្យបំផុតពីតំបន់ជាយដែន ប៉ោយប៉ែត ទៅកាន់បណ្តាខេត្តនានារាប់ទាំងទៅដល់រាជធានីភ្នំពេញនោះរួមមាន ៖ ក្រុមហ៊ុន បូពា៍ អាស៊ី ដឹកអ្នកដំណើរ , ក្រុមហ៊ុន ថោង ស៊ីង ដឹកអ្នកដំណើរ ,ក្រុមហ៊ុន លី ហុង ដឹកអ្នកដំណើរ , ក្រុមហ៊ុនវីរៈប៊ុនថាំ ដឹកអ្នកដំណើរ និងក្រុមហ៊ុន អង្គរអិចប្រេស ដឹកអ្នកដំណើរជាដើម ។
សូមបញ្ជាក់ថា ក្រុមហ៊ុនទាំង៥ខាងលើ បានត្រូវគេអះអាងថាបានលួចបង្កប់ និងទទួលដឹកទំនិញគេចពន្ធសព្វសារពើពីតំបន់ប៉ោយប៉ែតមានដូចជា៖ សម្លៀកបំពាក់ ( ខោអាវ ) គ្រប់មុខ , គ្រឿងក្រអូប , ព្រមទាំងសម្ភារមានតម្លៃថ្លៃផ្សេងៗទៀត និងគ្រឿងអេឡិចត្រូនិចជាដើម ដែលប្រភេទទំនិញខាងលើនេះសុទ្ធសឹងតែជាប្រភេទទំនិញ គេចពន្ឋ ហើយប្រសិនបង់ពន្ធជូនរដ្ឋវិញគឺច្រើនសន្ឋឹកសន្ឋាប់ណាស់ ប៉ុន្តែជាអកុសល ប្រាក់ដែលត្រូវបង់ពន្ធទាំងនោះបានធ្លាក់ចូលទៅក្នុងហោប៉ៅ ក្រុមឈ្មួញខិលខូច និងមានការចូលរួមបើកដៃពីសំណាក់មន្ត្រីជំនាញពាក់ពន្ឋ័ស្ទើរគ្រប់ស្ថាប័នដូចជា ៖ មន្ត្រីគយចល័ត ស្រុក ក្រុង ខេត្ត និងក្រសួង និងប៉ូលិសសេដ្ឋកិច្ច ខេត្ត ក្រសួង ដែលឈរជើង នៅតាមបណ្តាខេត្ត ក្រុង តាមដងផ្លូវជាតិលេខ៥ និងផ្លូវជាតិលេខ៦ ជាដើម ។
សូមបញ្ជាក់ថា: ក្រុមហ៊ុនរថយន្តក្រុង ដឹកអ្នកដំណើរ” វិរះ ប៊ុនថាំ” មានទីតាំងនៅជាប់ នឹងកំណាត់ផ្លូវជាតិលេខ៥ ស្ថិតក្នុងភូមិក្បាល កោះ សង្កាត់នឹងក្រុងប៉ោយប៉ែត ខេត្តបន្ទាយមានជ័យ ហើយក្រុមហ៊ុនមួយនេះជារឿយៗ ត្រូវបានសាព័ត៌ មានក្នុងស្រុក ធ្វើការចុះផ្សាយជាបន្តបន្ទាប់ ពាក់ពន្ធ័នឹងករណីដឹកទំនិញគេចពន្ធ ទំនិញខុសច្បាប់ ក៏ដូចជាទំនិញខូចគុណភាព ដែលធ្វើឲ្យបាត់ចំណូលរដ្ឋក្នុងមួយឆ្នាំៗ រាប់ពាន់លានរៀល ឯលុយទាំងនោះបានធ្លាក់ចូលក្នុងហោប៉ៅ របស់លោក ហ៊ុយ សុជាតិ នឹងមន្ត្រីក្រោមឪវ៉ាទ ។
សារព័ត៌មានយើងមិនអាច សុំការបំភ្លឺណាមួយពី លោកហ៊ុយសុជាតិ មេគយច្រកប៉ោយប៉ែតតាមទូរសព្ទអំពីសេចក្តីរាយការណ៍ខាងលើនេះបានឡើយ។សង្ឃឹមថានឹងមានការបកស្រាយឬក៏មានការត្រួតពិនិត្យពីសាម៉ីក្រសួងឬពីអង្គភាពប្រឆាំងអំពើពុករលួយពីករណីនៃការឃុបឃឺតគ្នារវាងមន្ត្រីគយនិងឈ្មួញនៅច្រកប៉ោយប៉ែតជាមិនខានប្រសិនបើចង់បានចំណូរដ្ឋតាមច្រកនេះចូលបានត្រឹមត្រូវ៕
