រតនៈគីរី៖ប្រជាពលរដ្ឋក្រុងបានលុងខេត្ត្រតនៈគិរីនិយាយលេងសើចថាមេព្រៃរតនៈគិរីគឺចម្រៀងគេច្រៀងចឹងគឺថាបើក្របីដើរចេញបងដេញឲ្យស្រីមើលគឺមិនដែលចេញមុខបង្ក្រាបបទល្មើសឈើប្រណិតចេញទៅស្រុកយួនបានជាដុំកំភួនឡើយពោលគឺកំលាំងជំនាញខ័ណ្ឌរដ្ឋបាលព្រៃឈើខេត្តរតនគិរីចាប់បានតែរថយន្តដឹកឈើណាដែលខូចក្រឡាប់រឺបែកកង់ធ្លាក់ ផ្លូវទៅមុខលែងរួចយកជាស្នាដៃតែប៉ុណ្ណោះ។ ជាក់ស្តែងដូច ជាកាលពីវេលាម៉ោងប្រមាណ១២ថ្ងៃត្រង់់ទី១៦ខែកក្កដាឆ្នាំ២០១៧គេឃើញមានរថយន្តបាឡែនពណ៌ស្ករមួយគ្រឿងពាក់ស្លាកលេខកំពង់ស្ពឺ2A0535ផ្ទុកឈើ ប្រណិតប្រភេទធ្នុងពេញព្រៀបបានបើកបរទឹសដៅពីលិចទៅកើតក្នុងល្បឿនយ៉ាងលៀន។
តែដល់ចំណុចផ្លូវកែងក៏ជ្រុលចង្កូតកាច់មិនទាន់ធ្លាក់ផ្លូវចូលក្បែរបងអ្នកភូមិទៅមុខថយក្រោយមិនរួចស្ថិតក្នុងភូមិអូរកន្ទឹលសង្កាត់បឹងកន្សែងក្រុងបានលុងខេត្តរតនគិរីមានកាសែតមកចោមរោមថតទើបគេឃើញអស់លោកមេព្រៃដឹកនាំកំលាំងបួនដប់នាក់មកឡោមពត័ស្ទាក់ចាប់រឹបអូសយកទៅរក្សារទុកនៅក្នុងបរិវេណខ័ណ្ឌរដ្ឋបាលព្រៃឈើខេត្ត។អ្នកឃើញហេតុការណ៍និយាយថាគេមិនធ្វើការរើឈើនោះចេញពីក្នុងរថយន្តដើម្បីរាប់វាស់វែងភ្លាមៗនោះទេព្រោះគេស្តាប់លឺកំពុងមានថៅកែឈើទូរសព្ទ័មកសុំសំរួលដោះស្រាយ ។
ប្រហែលខ្លាចខូចបែកការណ៍ដល់ពេលរសៀលថ្ងៃដដែលនោះទើបសមត្ថកិច្ចធ្វើការរាប់វាស់វែងប៉ុន្តែក៏នៅមិនទាន់មានលទ្ធផល់យ៉ាងណានៅឡើយដែរ។ឯម្ចាស់រថយន្តនោះក៏គេពុំទំលាយឱ្យដឹងដែរព្រោះរថយន្តជាច្រើនដែលរងការខូចជាប់ផុងរឺបែកកង់ដែលកំលាំងបង្ក្រាបបានកន្លងមកនោះក៏ពុំដឹងថាមានម្ចាស់ជាអ្នកណាដែរយូៗឱ្យតែភ្លេចត្រចៀករស្រាប់តែបាត់ទាំងរថយន្តទាំងឈើនោះតែម្តង។
