ក្រចេះ ៖សមត្ថកិច្ចចម្រុះខេត្តក្រចេះធ្វើការបង្ក្រាបបានរថយន្តដឹកឈើប្រណិតបានចំនួន2គ្រឿងនៅចំណុច កំពង់ចម្លងតាលុះស្ឋិតនៅក្នុងភូមិតាលុះ ឃុំបុស្សលាវ ស្រុកចិត្របុរីខេត្តក្រចេះកាលពីរសៀលថ្ងៃទី១៤ខែកក្កដាឆ្នាំ២០១៧នេះ។ធ្វើឡើងដោយស្ថាប័នអយ្យការក្រោមបញ្ជាផ្ទាល់ពីលោក ជា សុភ័ក្ត្រ ព្រះរាជអាជ្ញារងខេត្ត សហការចូលរួមមានកម្លាំងនគរបាលបាលខេត្តនិងសង្កាត់ រដ្ឋបាលព្រៃឈើកន្ទួត។
ប្រភពព័ត៌មានពីលោក ជា សុភ័ក្ត្រ បានឲ្យដឹងថាមុននិងឈានដល់ការបង្គ្រាបរថយន្តដឹកឈើប្រណិតល្មើសច្បាប់ចំនួន2គ្រឿងនេះដោយទទួលពត៍មានរាយការណ៍ពីប្រជាពលរដ្ឋថាមានរថយន្ត សេរីទំនើបមួយគ្រឿងម៉ាក HIGHLANDER និងមួយគ្រឿងទៀត ម៉ាកស៊ាំយ៉ុងដឹកឈើប្រណិតកំពង់ឆ្លងនៅកំពង់ចម្លងតាលុះផ្ទុកឈើប្រណិតខុសច្បាប់ពេញរថយន្តភ្លាមៗនោះ លោកក៏ដឹកនាំកម្លាំងចុះដល់គោលដៅធ្វើការបង្គ្រាបបានរថយន្តដឹកឈើប្រណិតល្មើសច្បាប់ចំនួនពីរគ្រឿងនិងហៅម្ចាស់រថយន្តមកសួរនាំផងដែរ។
ប្រភពព័ត៌មានពីប្រជាពលរដ្ឋបានឲ្យដឹងថា ម្ចាស់រថយន្តដឹកឈើល្មើសច្បាប់ចំនួនពីរគ្រឿងមានឈ្មោះ ចែ ស្រី ហើយក៏ជាមេឈ្មួញដុះស្លែប្រចាំខេត្តក្រចេះ មានទីលំនៅភូមិរកាកណ្តាល សង្កាត់រកាកណ្តាល ក្រុងក្រចេះខេត្តក្រចេះ។
ប្រភពព័ត៌មានពីលោក ឃ្លាំង រ័ត្ន នាយសង្កាត់រដ្ឋបាលព្រៃឈើកន្ទួតបានឲ្យដឹងថាឈើទាំងនោះជាប្រភេទឈើប្រណិតហើយកម្លាំងរបស់លោកកំពុងនាំយករថយន្តដឹកឈើប្រណិតល្មើសច្បាប់ចំនួនពីរគ្រឿងនេះទៅរក្សាទុកនៅ ស្ថានីយបណ្តុះកូនឈើខ្សារ ដើម្បីធ្វើការវាសវែងនិងចាត់វិធានការតាមនិតិវិធីច្បាប់រដ្ឋបាលព្រៃឈើបន្ត ៕
