ខេត្តបន្ទាយមានជ័យ ៖ យោងតាមប្រភព័ត៌មានពីបុគ្គលិកដែលបំរើការងារនៅក្នុងកាស៊ីណូបានលើកឡើងថា ម្ចាស់ក្រុមហ៊ុនកាស៊ីណូនៅក្រុងប៉ោយប៉ែតភាគច្រើនបានរំលោភបំពានលើច្បាប់ស្តីពីការងារយ៉ាងធ្ងន់ធ្ងរជាទីបំផុត គឺ ម្ចាស់ក្រុមហ៊ុនបាន តម្រូវឲ្យកម្មករធើ្វការលើសម៉ោងដែលច្បាប់របស់ប្រទេសកម្ពុជា បានកំណត់ពោលគឺ១ថ្ងៃត្រូវធើ្វការងារ០៨ម៉ោង ប៉ុន្តែផ្ទុយទៅវិញម្ចាស់ក្រុមហ៊ុនកាស៊ីណូនីមួយៗ បានកែប្រែច្បាប់ដោយខ្លួនឯង ពី៨ម៉ោងឲ្យទៅ១២ម៉ោងជាកំណត់។ ហើយករណីរំលោភបំពាននេះរដ្ឋអាជ្ញាក៏ដូចជាសមត្ថកិច្ចនិងមន្ត្រីជំនាញផង មិនដែលចុះមកមើលនៃការអនុវត្តន៏របស់ម្ចាស់ក្រុមហ៊ុនឡើយ ។
ជាមួយគ្នានេះ ក្រុមហ៊ុនបនល្បែងមួយចំនួនបានចងក្រងនិងធើ្វច្បាប់លើច្បាប់រដ្ឋបន្ថែម ប្រយោជន៏ដើម្បីកេងចំណេញនិង ប្រវញ្ច័លើកម្លាំងបុគ្គលិក ពលកម្មកម្មករបានយ៉ាងងាយ ។
ជាក់ស្តែងម្ចាស់ក្រុមហ៊ុនកាស៊ីណូ (STAR PARADES) ស្តារផារាដាយ៏ ស្តារផារាមិចសុទ្ធតែតម្រូវឲ្យកម្មករ បុគ្គលិកបំពេញការងារលើស ច្បាប់កំណត់ទាំងអស់ គឺក្រុមហ៊ុនឲ្យកម្មករធើ្វការ១២ម៉ោងហើយកម្មករផែ្នកខ្លះទៀត គ្មានថ្ងៃឈប់សំរាកប្រចាំខែនិងឆ្នាំទៀតផង ។ ជាមួយគ្នានេះក្រុមហ៊ុនឫថៅកែដែលជាជនជាតិថៃរូបនោះមានការ រើសអើងជាតិសាស្ត្រ លើបុគ្គលិកខ្មែរ ពោលគឺ ឲ្យប្រាក់ថ្លៃពលកម្មថោកខុសគ្នាដូចមេឃនិងដី បុគ្គលិកចូលធើ្វការថ្មី ផ្នែកកងកម្លាំសន្តិសុខ ម្ចាស់ក្រុមហ៊ុនតម្រូវឲ្យធើ្វការ១២ម៉ោង ក្នុង១ថ្ងៃ ទទួលបាន៤៥០០បាតប្រាក់ សៀម ចំណែកជនជាតិ ថៃវិញផ្នែកដូចគ្នា ១ខែទទួលបានប្រាក់១០០០០បាតឫ១២០០០បាតក្នុង១ខែ។ ជាសំនួរ សួរថា ហេតុអ្វីបានជាមានការខុសប្លែកគ្នា ឆ្ងាយយ៉ាងនេះរវាងខ្មែរ និងថៃ ? ។
ពាក់ពន្ធ័និងករណីដដែល អ្នកសារព័ត៌មានយើងបានទទួលប្រភពថា មានបុគ្គលិកផ្នែករៀបបន្ទប់ ផ្នែកសំអាត និងផ្នែក លើកម្ហូប គេតម្រូវឲ្យធើ្វការ១២ម៉ោងក្នុង១ថ្ងៃ ហើយគ្មានថ្ងៃឈប់សំរាកទេ(បើចង់ឈប់កាត់លុយ) បុគ្គលិកខាងលើនេះលុះណាតែ បំពេញការងារបាន៦ឆ្នាំឡើងទៅ ទើបក្រុមហ៊ុនផ្តល់សិទ្ធិឲ្យមានថ្ងៃឈប់សំរាកបាន។ ចំណែកផ្នែកចែកបៀរ និងផ្នែកមើលការចែកបៀរ វិញ គ្រាន់តែចូលធើ្វការភ្លាមទទួលបានថ្ងៃឈប់សំរាក ប្រចាំខែ តែបំពេញការងារ១២ម៉ោងដូចៗគ្នា ។
មន្ត្រីសហជិពម្នាក់បានលើកឡើងថា ក្រុមហ៊ុនកាស៊ីណូច្រើនណាស់នៅតំបនបោយបែតនេះ បានតម្រូវឲ្យបុគ្គលិក កម្មករធើ្វការលើសម៉ោង លោកថា បញ្ហាត្រង់អាជ្ញាធរមូលដ្ឋានមិនហ៊ានលូកដៃជួយកម្មករ ហើយករណីនេះវាបានកើតមានជាយូរឆ្នាំណាស់មកហើយ ចំណែកច្បាប់ស្តីពីការងារ គឺគេបានលើកស្ទួយសិទ្ធិកម្មករ ប៉ុន្តែបញ្ហាគ្មានអ្នកអនុវត្តន៏ច្បាប់ឲ្យមានប្រសិទ្ធភាព ។
ជុំវិញបញ្ហាខាងលើ លោក ឧត្តមសេនីយ៏ យោធាប្រធានសន្តិសុខ កាស៊ីណូ គឺលោក ទៀ ចាង បានឲ្យដឹងថា សម្រាប់លោក មិនបានដឹងរឿងច្រើនទេ តែបើតាមច្បាប់ស្តីពីការងារ គឺកម្មករមានសិទ្ធិឈប់សំរាកបានដោយមិនត្រូវកាត់លុយឡើយ ទន្ទឹមនិងនេះលោកបានលើកឡើងថា បើក្រុមហ៊ុនរំលោភលើច្បាប់កម្មករ លោកមានសិទ្ធិតវ៉ា ឫប្តឹងក្រុមហ៊ុនបាន ការថ្លែងនេះកាលពីល្ងាចថ្ងៃទី១២កក្កដា២០១៧ ។
ដើម្បីជួយសម្រួលទុក្ខកង្វល់ដល់បុគ្គលិកនិងកម្មករខ្មែរ ដូច្នេះសូមរដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ រួមសហជិពកម្មករ គប្បី មកពិនិត្យជាក់ស្តែងតាមបណ្តាកាស៊ីណូ នីមួយៗ ដើម្បីឲ្យដឹងកាន់តែច្បាស់ថា បញ្ហាអវិជ្ជមាន មានពិតប្រាកដឫយ៉ាងណា ? ហើយកុំទាន់ជឿជាក់ លើរបាយការណ៏របស់ ប្រធានមន្ទីរការងារពេក ព្រោះកន្លងមកប្រធានមន្ទីរការងារខេត្តប/ជ ក៏ជាប់ជំពាក់និងរឿងអាស្រូវ លើរបាយការណ៏ខ្វះក្រមសីលធម៌ម្តងរួចមកហើយ ទាក់ទិននិង កាស៊ីណូនៅក្រុងប៉ោយប៉ែតខាងលើនេះ ៕