កំពង់ធំ ៖ ថ្មីៗនេះគ្រឿងចក្ររបស់លោក តាំង អ៊ី មន្ត្រីសាលាស្រុកប្រាសាទសំបូរខេត្តកំពង់ធំ ដែលបាន ទៅឈូសឆាយដីព្រៃដោយខុសច្បាប់គ្មានច្បាប់អនុញ្ញាតិ និងបានបំផ្លិចបំផ្លាញព្រៃហាមឃាត់រដ្ឋ ស្ថិតនៅក្នុងភូមិស្រើង ឃុំស្រើង ស្រុកប្រាសាទសំបូ ខេត្តកំពង់ធំត្រូវបានលោក អ៊ិត សុធា ព្រះរាជាអាជ្ញាអមសាលាដំបូង ខេត្តបញ្ជារឲ្យសមត្តកិច្ចចាប់ឃាត់។
ក្រោយពីសមត្ថកិច្ចបានរាយការណ៍ទៅស្ថាប័នមានអំណាច បែរជានាំគ្នាបើកគ្រឿងចក្ររត់យកទៅលាក់ក្នុងព្រៃ ហើយកម្មករ និងតៃកុងអាប៊ុលនាំគ្នារត់គេចខ្លួនបាត់អស់ ។ការចុះចាប់ឃាត់នេះបានថ្វើឲ្យបែកធ្លាយពីសកម្មភាពឃុបឃឹតុករលួយរបស់អាជ្ញាធរស្រុក។
លោក តាំងអ៊ី ម្ចាស់គ្រឿងចក្រ និងជាមន្ត្រីសាលាស្រុកប្រាសាទសំបូរ បានឲ្យដឹងថា លោកបានសុំច្បាប់លោកអភិបាលស្រុក បើមានបញ្ហាគឺអភិបាលស្រុកជាអ្នកទទួលខុសត្រូវ ដោយសារតែលោករត់ការសុំឈូសឆាយដីព្រៃនេះ មិនមែន មិនអស់លុយទេ គឺសុទ្ធតែចែកលុយឲ្យគេ ដូច្នេះបើមានការចាប់គ្រឿងចក្ររបស់លោក ក្រុមការងារស្រុកដែលចុះទៅមើល នោះត្រូវតែមានភាពទទួលខុសត្រូវខ្លះ។
ចំណែកលោក ហាក់ សុធី នាយសង្កាត់រដ្ឋបាលព្រៃឈើប្រាសាទសំបូរបានឲ្យដឹងថា ជុំវិញការសុំច្បាប់ឈូសឆាយដីព្រៃនេះ គឺលោកពុំបានទទួល និងពុំបានឃើញឯកសារ ពាក់ព័ន្ឋនឹងការសុំច្បាប់អនុញ្ញាតិនោះទេ។ តែបើសិនជាសុំច្បាប់វាមានផល ប៉ះពាល់ព្រៃធំបែបនេះក៏រដ្ឋបាលព្រៃឈើ មិនហ៊ានអនុញ្ញាតិបានទេ ។សម្រាប់ដីដែលអនុញ្ញាតិឲ្យឈូសឆាយ គឺជាដីដែលមានលក្ខណ:ចំការធ្លាប់អាស្រ៏យផល។ទាក់ទងការសុះច្បាប់របស់លោកតាំងអ៊ី លោក ហាក់ សុធី បានបញ្ជាក់ថា៖ការសុំច្បាប់នេះគឺលោកអភិបាលស្រុកគាត់សម្រេចតែឯងតែតែម្តង ដោយរដ្ឋបាលព្រៃឈើអត់បានដឹងទេ ហើយការឈូសនេះមើលទៅគឺមានភាពមិនប្រកតី តែពេលនេះឃាត់គ្រឿងទុកសិនរងចាំដោះស្រាយ។
សូមបញ្ជាក់ថា៖លោក ខៀវ ប៉ាង អភិបាលស្រុកប្រាសាទសំបូរត្រូវបានគេដឹងថា ចំពោះផ្ទៃដីព្រៃ និងដីចំការ ដែលគេឈូសក៏លោកនៅមិនទាន់ស្គាល់ច្បាស់នោះទេ ដោយសារតែលោកអង្គុយមើលតែឯកសារ ការសុំច្បាប់ ដែលដាក់នៅលើតុ រីឯការចុះត្រួតពិនិត្យផ្ទៃដីជាក់ស្តែង លោកមិនដែលចាកចេញពីបន្ទប់នោះទេ។
