ខេត្តសៀមរាប ៖ ប្រសិនបើគ្មានការកែប្រែទេនៅព្រឹកថ្ងៃទី១០ កក្កដា ឆ្នាំ២០១៧ លោកវរៈសេនីយ៍ ទិត្យ ណារ៉ុង អធិការនគរបាលក្រុងសៀមរាបនឹងត្រូវចូលកាន់តំណែងជាស្នងការនគរបាលខេត្តសៀមរាបជំនួសលោកឧត្តមសេនីយ៍ហ៊ូ វ៉ាន់នី ដែលត្រូបផ្ទេរទៅជាអនុប្រធាននគរបាលនាយកដ្ឋានទេសចរណ៍ ។ លោកឧត្តមសេនីយ៍ត្រី ហ៊ូ វ៉ាន់នី ស្នងការ នគរបាលខេត្តសៀមរៀបដែល ទើបនឹងឡើងថ្មី ជំនួស លោក សត ណាឌី អតីតស្នងការចាស់ដែលចូលនិវត្តបានរយៈពេលជាង២ខែប៉ុណ្ណោះហើយត្រូវដកចេញវីញ។
ប្រភពព័ត៌មានពីមន្ត្រីរាជការក្នុងខេត្តសៀមរាបបានបង្ហើបថាកាតែងតាំងលោកវរសេនីឯកទិត្យណារ៉ុងពីអធិការនគរបាលក្រុងសៀមរាបនោះត្រូវបានប្រជាពលរដ្ឋទូទៅសម្ដែងការមិនសប្បាយចិត្ត ពិសេសមន្ត្រីនគបាលក្នុងជួរស្នងខេត្តសៀមរៀបតែម្ដង ព្រោះការតែងតាំងនេះហាក់ដូចជាផ្លោះរលង និងបានផ្ទុយទៅនឹងឋានានុក្រមច្បាប់ស្ដីពីការងារនិងកិច្ចការរដ្ឋបាលទៀតផង។
ម្យ៉ាងវិញទៀត បានប៉ះពាល់យ៉ាងខ្លាំងដល់អារម្មណ៍ស្នងការរងផ្សេងៗដែលគេខិតខំគោរពច្បាប់វិន័យធ្វើការងារអនុវត្តតាមបទបញ្ជាថ្នាក់លើបានល្អ ជាយូឆ្នាំមកហើយនោះផងដែរ ហើយលោក ទិត្យ ណារ៉ុង ក៏ធ្លាប់មានរឿងអាស្រូវរាប់ស្ទើមិនអស់ រហូតមានការប្រមានពីសម្ដេចក្រឡាហោមសខេងកាលពីឆ្នាំ២០១៥ពាក់ព័ន្ធរឿងមិនប្រក្រតីក្នុងការនាំរដ្ឋបាលខុសគោលការណ៍ពុករលួយ។
មានសេចក្ដីរាយការណ៍ថា ពិធីផ្លាស់ប្តូរលោកឧត្តមសេនីយ៍ត្រី ហ៊ូ វ៉ាន់នីស្នងការខេត្តសៀមរាបដែលចូលធ្វើការទើបបាន២ខែចេញដាក់ចូល.លោកវរសេនីយ៍ឯកទិត្យណារ៉ុងអធិការក្រុងសៀមរាបវីញ.គឺដោយសារគាត់មានខ្សែស្រឡាយអ្នកធំៗរត់ការទើបអាចធ្វើឲ្យពិភពនគរបាលប្រែប្រួលបាននោះ។
សូមបញ្ជាក់ថា៖ ថពិធីផ្លាស់ប្តូរតំណែងស្នងការថ្មីនេះធ្វើឡើងនៅស្នងការដ្ឋាននគរបាលខេត្តសៀមរាបនាព្រឹកថ្ងៃទី១០ខែកក្កដាឆ្នាំ២០១៧ខាងមុខនេះតាមការគ្រោងទុក ក្រោម អធិបតីភាពដ៏ខ្ពង់ខ្ពង់លោកនាយឧត្តមសេនីយ៍ នេតសាវឿន.អគ្គស្នងការនគរបាលជាតិនិងលោកឃឹម ប៊ុនសុងអភិបាលខេត្តសៀមរាប.ដោយមានការចូលរួមពីសំណាក់.ស្នងការរង.នាយការិយាល័យនិងមន្ត្រីនគរបាលដែលមកពីបណ្តាស្រុក ក្រុងទាំង១២ចំណុះខេត្តសៀមរាប ជាច្រើនរូបបានចូលរួមផងដែរ ៕
