ភ្នំពេញ ៖ លោក កែវ ស៊ីថា អាយុ៥១ឆ្នាំ ជាជំនួយការផ្ទាល់លោកឧកញ៉ា អ៊ឹង ប៊ុនហ៊ូវរងរបួសក្បាលជាទម្ងន់ ដោយសារ ត្រូវបុគ្គលឹកព្រលានយន្តហោះម្នាក់ យកកាំបិតប៉័ងតោ កាប់កាលពី នាព្រឹកថ្ងៃទី៦ ខែកក្កដា ឆ្នាំ២០១៧ ពេល កំពុងរង់ចាំទទួលសាច់ញាតិរបស់ចៅហ្វាយនាយ ពីបរទេស។មន្ត្រីនគរបាល បានឲ្យដឹងថា ជនបង្កមានឈ្មោះ កែវ ភារម្យ អាយុ២៥ឆ្នាំ មុខរបររ៉ូ យាល់ ខេមបូឌា លីម៉ូស៊ីន សែវីសមានតួនាទីជាអ្នកទទួលភ្ញៀវចុះពីយន្ថហោះ បច្ចុប្បន្នផ្ទះលេខ18UH ផ្លូវK4A ភូមិស្លែងរលើង សង្កាត់ទឹកថ្លា ខណ្ឌសែនសុខ។ ជនសហង្ស័យឈ្មោះកែវ ភារម្យ គឺធ្វើការនៅក្រុមហ៊ុន ដែលមានឪពុកឈ្មោះ កែវ សារ៉ង ជាឧត្តមសេនីយ៍យោធា និងម្តាយឈ្មោះ អ៊ឹង សុគុន្ធថាវរី។
នៅមុនពេលកើតហេតុ ជនរងគ្រោះបានដើរមកមុខស្ថានីយ៍អ្នកដំណើរ នៃអាកាសយានដ្ឋានអន្តរជាតិភ្នំពេញ ក៏ត្រូវបានជនបង្កយកកាំបិតប៉័ងតោ មកកាប់ទៅលើជនរងគ្រោះជាច្រើនកាំបិត ហើយជនរងគ្រោះបានស្រែកឲ្យគេជួយ រួចហើយក៏ត្រូវបានកម្លាំងសន្តិសុខ និងនគរបាលឃាត់ខ្លួនភ្លាមៗនៅកន្លែង កើតហេតុតែម្ដង។ប៉ុន្តែអ្វីដែលគួរឲ្យហួសចិត្តនោះ គឺជនបង្កបែជាត្រូវគេរាយការណ៍ថាជាមនុស្សមានសតិមិនគ្រប់ទៅវិញ?។
មន្ត្រីនគរបាលបានបញ្ជាក់ថា ក្រោយការសួរនាំទៅ ជនបង្កមានបញ្ហាផ្នែកខួរក្បាលម្តងៗ រហូតទៅទាញកាំបិត កាប់ជនរងគ្រោះតែម្តង។ បើជនបង្កមានសតិមិនគ្រប់បែបនេះ ហេតុអ្វីខាងក្រុមហ៊ុនរ៉ូយាល់ ខេមបូឌា លីម៉ូស៊ីន សែវីសជ្រើសរើសទៅធ្វើជាបុគ្គលិកចឹងឬមកពីមានបក្សពួក? ៕